2 Каднебӧг 31:1 - Коми Библия 2023

¹ Гажӧдчӧм бӧрын став Израиль войтырыс разӧдчис иудаса каръясӧ. Найӧ жуглісны юрбитан изъяс, пӧрӧдісны юрбитан пуяс, пазӧдісны вись ваян мылькъяс да висьпуктанінъяс став Иуда му пасьталаысь, тшӧтш Венямин, Ефрем да Манассей чужанкотыръяслӧн муысь. Та бӧрти Израиль войтырысь быдӧн бӧр муніс аслас муӧ да карӧ.

2 Каднебӧг 31:1 Iomraidhean Croise

Олӧм 19:15

Водз асывнас анделъяс кутісны тэрмӧдлыны Лотӧс: «Чеччы, босьт гӧтыртӧ, кыкнан нывтӧ да пет карсьыс, мед онӧ кулӧй мукӧдлӧн мыжъяс вӧсна».

Ӧксыяслӧн 4 небӧг 17:2

Осий вӧчис Господь водзын шогмытӧмсӧ, но эз сы мында, мыйта вӧчисны сыӧдз вӧвлӧм израильса ӧксыяс.

Ӧксыяслӧн 4 небӧг 18:22

Гашкӧ, ті шуанныд, мый Господь Енныд вылӧ лачанытӧ кутанныд? Но эз ӧмӧй Сылысь вись ваян мылькъяссӧ да висьпуктанінъяссӧ бырӧд Езекей? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын, мый сулалӧ Ерусалимын?”»

Ӧксыяслӧн 4 небӧг 18:4

Сійӧ бырӧдіс вись ваян мылькъяс, жугліс юрбитан изъяс да пӧрӧдіс юрбитан пуяс. Жугӧдіс-пазӧдіс ыргӧн змейӧс, кодӧс коркӧ вӧчліс Мӧисей. Ӧд тайӧ Нехуштан нима ыргӧн змейлы израильсаяс тайӧ кадӧдзыс пыр на сотісны висьяс.

2 Каднебӧг 14:2

Аса вӧчис аслас Господь Ен водзын бурсӧ да шогманасӧ.

2 Каднебӧг 14:3

Сійӧ бырӧдіс ылӧг енъяслы вӧчӧм висьпуктанінъяс да вись ваян мылькъяс, жугліс юрбитан изъяс да пӧрӧдіс юрбитан пуяс.

2 Каднебӧг 23:17

Став войтырыс муніс Вааллы юрбитанінӧ да жугӧдіс сійӧс. Найӧ торпыригӧдз жуглісны висьпуктанінъяс да бӧлбанъяс, а Вааллысь Маттан нима попӧс виисны висьпуктанін водзас.

2 Каднебӧг 32:12

Эз ӧмӧй Езекей бырӧд тіян Енлысь вись ваян мылькъяссӧ да висьпуктанінъяссӧ? Эз ӧмӧй сійӧ тшӧкты Иуда войтырлы да Ерусалимын олысьяслы юрбитны сӧмын ӧти висьпуктанін водзын да сы вылын сотны висьяс?

2 Каднебӧг 33:3

Манассей выльысь вӧчис вись ваян мылькъяс, кодъясӧс бырӧдліс Езекей батьыс. Лэптіс Ваал идолъяслы висьпуктанінъяс, сувтӧдіс юрбитан пуяс, юрбитіс енэжвыв вынъяслы.

Эсфир 4:16

«Мун да чукӧрт Суза карысь став иудейсӧ. Видзалӧй ме вӧсна. Энӧ сёйӧй да энӧ юӧй куим лун и куим вой чӧж. Аслам кесйӧг аньяскӧд ме тшӧтш кута видзавны. Та бӧрын ме муна ӧксы дінӧ, мед кӧ тайӧ лоӧ индӧд торкӧм. Ковмас кӧ кувны, кула».

Петӧм 23:24

Энӧ копрасьӧй-юрбитӧй налӧн енъяслы, энӧ олӧй на моз. Бырӧдӧй налысь енъяссӧ, жуглӧй налысь юрбитан изъяссӧ.

Петӧм 34:13

Налысь висьпуктанінъяссӧ жуглӧй, юрбитан изъяссӧ пасьвартӧй, юрбитан пуяссӧ кералӧй [да бӧлбанъяссӧ биын сотӧй].

Исай 17:8

Сійӧ оз нин видзӧд аслас киӧн вӧчӧм висьпуктанінъяс вылӧ, оз нин кыпӧд синсӧ аслас киӧн вӧчӧм юрбитан пуяс да тшынӧдчан висьпуктанінъяс вылӧ.

Индӧд 7:5

Со мый колӧ вӧчны: жуглӧй налысь висьпуктанінъяссӧ, пасьвартӧй юрбитан изъяссӧ, кералӧй юрбитан пуяссӧ да биын сотӧй бӧлбанъяссӧ.