2 Каднебӧг 30:9 - Коми Библия 2023

⁹ Ті кӧ бергӧдчанныд Господь дінӧ, сэки тіян рӧдвуж дінӧ да тіян челядь дінӧ бурсьӧлӧмтчасны найӧс пленӧ босьтысьяс, и лэдзасны найӧс бӧр бергӧдчыны тайӧ муас, ӧд Господь, тіян Енныд, бур да мелі сьӧлӧма. Сійӧ оз бергӧдчы тіянысь, ті кӧ бергӧдчанныд Сы дінӧ».

2 Каднебӧг 30:9 Iomraidhean Croise

Ӧксыяслӧн 3 небӧг 8:50

Прӧстит Ассьыд войтыртӧ, ӧд найӧ мыж вӧчисны Тэныд паныд. Прӧстит налысь мыжъяснысӧ. Небзьӧд пленӧ босьтысьяслысь сьӧлӧмсӧ, медым найӧ вӧліны бур сьӧлӧмаӧсь Тэнад войтырыд дінӧ.

2 Каднебӧг 15:2

и сійӧ муніс Аса дінӧ да шуис сылы: «Кывзы менӧ, Аса. Кывзӧй менӧ, Иуда да Венямин чужанкотыръяс. Господь лоӧ тіянкӧд, ті кӧ лоанныд Сыкӧд. Ті кӧ кутанныд корсьны Сійӧс, Сійӧ воссяс тіянлы. А эновтанныд кӧ Сійӧс, Сійӧ тшӧтш эновтас тіянӧс.

2 Каднебӧг 7:14

и Менам нимӧн пасйӧм войтырӧй кӧ раммӧдчас, шыасяс Ме дінӧ кевмысьӧмӧн, эновтчас аслас лёк туйясысь да кутас корсьны Менӧ, сэки Ме кыла найӧс енэжсяньыс, прӧстита налысь мыжсӧ да бурдӧда налысь мусӧ.

Неемий 9:17

Найӧ эз кӧсйыны кывзысьны, вунӧдісны на пӧвстын вӧчӧм шензьӧданаторъястӧ. Найӧ асныралісны да индісны веськӧдлысьӧс, пыксисны да кӧсйисны бӧр бергӧдчыны нартитӧм улӧ. Но Тэ – прӧститысь Ен, Тэ бур да мелі сьӧлӧма, Тэнад терпитӧмыд ыджыд, Тэнад буралӧмлы абу помыс, Тэ эн эновт найӧс.

Неемий 9:31

Но Аслад ыджыд буралӧмыд вӧсна Тэ найӧс дзикӧдз эн бырӧд, Тэ эн эновт найӧс, ӧд Тэ – бур да мелі сьӧлӧма Ен.

Псалтыр 111:4

Весиг пемыдас ӧзйӧ югыдыс веськыда олысьлы, сійӧ бур да мелі сьӧлӧма, веськыда вӧчӧ.

Псалтыр 86:5

Сион кар йылысь шуӧны, сэтшӧмтӧ морт пӧ чужліс сэні, и Ачыс Медвылыссаыс пӧ сувтӧдіс тайӧ карсӧ.

Шусьӧгъяс 28:13

Коді дзебӧ мыжъяссӧ, сылӧн нинӧм оз артмы, но коді висьтасьӧ да дугдӧ мыж вӧчны, сы дінӧ Енмыс буралӧ.

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Еремей 18:17

Асыввывсянь пӧльтысь тӧв моз Ме нӧбӧда Ассьым войтырӧс вӧрӧг водзын. Войтырлӧн сьӧкыд кадӧ Ме бергӧда налань мышкӧс, а ог чужӧмӧс.

Иона 4:2

Сійӧ кевмысьӧмӧн норасис Господьлы: «Господьӧй, кор ме вӧлі на аслам муын, ме тӧді нин, мый тадзи лоас. Ме та понда и пышйи Фарсисӧ. Ме тӧді, мый Тэ бур да мелі сьӧлӧма Ен, Тэнад терпитӧмыд ыджыд, Тэнад буралӧмлы абу помыс. Тэ дась бӧр босьтны Ассьыд мыждана шуӧмтӧ.

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Индӧд 30:1

«Кор тіянлы инас бурсиӧмыс и ёрӧмыс, мый ме вӧзъя тіянлы, и кор ті сьӧлӧмнад гӧгӧрвоанныд тайӧс мукӧд войтыръяс пӧвстын, кытчӧ разӧдас тіянӧс Господь, тіян Енныд,

Индӧд 4:31

Ӧд Господь, тіян Енныд – [бур да] мелі сьӧлӧма Ен. Сійӧ оз эновт да оз бырӧд тіянӧс. Сійӧ оз вунӧд, мый тіян батьяскӧд кыв сетӧмӧн кӧрталіс йитӧд.