2 Каднебӧг 30:8 - Коми Библия 2023

⁸ Ӧні батьясныд моз энӧ асныралӧй. Сетчӧй Господьлы да локтӧй Сылӧн крамӧ, кодӧс Сійӧ вежӧдіс пыр кежлӧ. Кесъялӧй Господьлы, асланыд Енлы, и Сійӧ вештас тіян вылысь Ассьыс ыпъялан скӧрлунсӧ.

2 Каднебӧг 30:8 Iomraidhean Croise

Ӧксыяслӧн 4 небӧг 23:26

Но Господь эз кусӧд Ассьыс ыджыд скӧрлунсӧ. Господьлӧн скӧрлуныс ыпъяліс Иуда вылӧ, ӧд Манассей ёна дӧзмӧдіс Сійӧс.

1 Каднебӧг 29:24

Став веськӧдлысьыс и тышкайӧзыс, тшӧтш Давид ӧксылӧн став пияныс кӧсйысисны кывзысьны Соломон ӧксылысь.

2 Каднебӧг 28:11

Кывзӧй менӧ! Лэдзӧй пленӧ босьтӧмаясӧс, ассьыныд вокъяснытӧ, ӧд Господьлӧн скӧрлуныс ыпъялӧ тіян вылӧ».

2 Каднебӧг 28:13

да шуисны налы: «Энӧ вайӧдӧй татчӧ пленӧ босьтӧм йӧзӧс, медым ми эгӧ мыжмӧй Господь водзын. Миян мыжным сідзи нин ыджыд, и Господьлӧн скӧрлуныс ыпъялӧ Израиль вылӧ, но ті нӧшта на кӧсъянныд содтыны миянлысь мыжъяснымӧс да лёк вӧчӧмнымӧс».

2 Каднебӧг 29:10

Но ӧні ме кӧсъя кӧртавны йитӧд Господькӧд, Израильлӧн Енкӧд, медым Сійӧ вештас миян вылысь Ассьыс ыпъялан скӧрлунсӧ.

2 Каднебӧг 36:13

Седекей кыпӧдчис Навукодоносор ӧксылы паныд, кодлы Ен водзын кыв сетіс, мый лоас ӧксылӧн кипод улын. Седекей пыксис да чорзьӧдіс сьӧлӧмсӧ, эз кӧсйы бергӧдчыны Израильлӧн Господь Ен дінӧ.

2 Каднебӧг 6:5

”Ассьым войтырӧс Египетысь петкӧдӧмсянь Израиль чужанкотыръяслы вичмӧдӧм муясын Ме эг бӧрйывлы некутшӧм кар, медым сэні лэптісны Меным керка. Эг бӧрйывлы некодӧс, медым пуктыны сійӧс Аслам Израиль войтырлы юралысьӧ.

2 Каднебӧг 6:6

А ӧні Ме бӧрйи Ерусалим кар, медым сэні вӧлі Менам нимӧй. Ме бӧрйи Давидӧс, медым сійӧ веськӧдліс Менам Израиль войтырӧн”.

2 Каднебӧг 7:16

Ме бӧрйи да вежӧді тайӧ крамсӧ, медым сэні пыр вӧлі Менам нимӧй. Менам синмӧй пыр кутас видзӧдны сы вылӧ, сійӧ пыр лоӧ Менам сьӧлӧмын.

Ездра 10:14

Веськӧдлысьясным мед сувтасны миян пыдди. А миян каръясын олысьяс, кодъяс босьтісны гӧтыръяссӧ мукӧд войтырысь, мед локтасны урчитӧм кадӧ асланыс карса юрнуӧдысьяскӧд да ёрдысьяскӧд. Гашкӧ, татшӧм ногӧн Енмыс вештас миян вылысь мыжным вӧсна ыпъялысь скӧрлунсӧ».

Ездра 10:19

Найӧ кыв сетісны, мый бӧр ыстасны гӧтыръяснысӧ да быдӧн аслас мыж вӧсна ваяс вись пыдди межӧс.

Псалтыр 63:2

Енмӧй, кыв менсьым гӧлӧс шыӧс, кор ме кевмыся, видз менсьым олӧмӧс мустӧмтысьлӧн повзьӧдлӧмысь.

Псалтыр 68:24

Налӧн синныс мед дзикӧдз пемдас, налӧн кокныс мед лигышмунас пыр кежлӧ.

Псалтыр 68:31

Ме кута сьылӧмӧн ошкыны [Аслам] Енлысь нимсӧ, аттьӧалӧмӧн кута нимӧдны Сійӧс.

Псалтыр 73:17

Тэ мурталін муыслысь помъяссӧ, дасьтін тӧвсӧ да гожӧмсӧ.

Петӧм 32:9

Господь шуис Мӧисейлы: «Ме аддза, кутшӧм асныра тайӧ войтырыс.

Еремей 50:15

Быд боксянь горзӧмӧн уськӧдчӧй Вавилон вылӧ! Вавилон сетчӧ, башняясыс усьӧны, стенъяссӧ жуглӧны, ӧд Господь водзӧс перйӧ сылысь. Водзӧс перйӧй! Вӧчӧй сылы сійӧ жӧ, мый сійӧ вӧчис.

Матвей 4:10

Исус шуис сылы: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

Иоан 12:26

Меным кесъялысь мед локтӧ Ме бӧрся. Кӧні Ме лоа, сэні тшӧтш лоӧ Менам кесъялысьӧй. И Меным кесъялысьӧс Батьӧй бурӧ пуктас.

Римӧ 10:21

Израиль йылысь Енмыс тадзи шуӧ: – Быд лун Ме нюжӧдлі киӧс кывзысьтӧм да асныра войтыр дінӧ.

Римӧ 6:22

Ті мынінныд мыжсьыс, и ӧні ті Енлӧн кесйӧгъяс. Тіян вотӧсныд – вежалун, и тайӧ вайӧдӧ тіянӧс помтӧм олӧмӧ.

Индӧд 10:16

Вундыштӧй ассьыныд сьӧлӧмнытӧ да водзӧ энӧ асныралӧй.

Индӧд 6:13

Полӧй Господьысь, асланыд Енмысь, Сылы [ӧтнаслы] кесъялӧй, [Сы дінӧ кутчысьӧй да] Сылӧн нимӧн кӧсйысьӧй.

Индӧд 6:17

Олӧй асланыд Господь Енлӧн индӧд-тшӧктӧмъяс серти.

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».

Восьтӧм 7:15

Та вӧсна найӧ сулалӧны Ен пуклӧс водзын, лун и вой кесъялӧны Енмыслы Сылӧн крамын. Юралан пуклӧсын Пукалысьыс лоӧ накӧд да видзӧ найӧс.