2 Каднебӧг 30:6 - Коми Библия 2023

⁶ Юӧр нуысьяс мӧдӧдчисны ӧксылӧн да юралысьяслӧн гижӧднас да ӧксылӧн тшӧктӧм серти юӧртісны став Израиль да Иуда му пасьтала: «Израиль войтыр, бергӧдчӧй Господь дінӧ, Ӧвраамлӧн, Исааклӧн да Израильлӧн Ен дінӧ, сэки Сійӧ бергӧдчас тіян дінӧ, кодъяс мынінныд ассурса ӧксыяслӧн киысь да ловйӧн колинныд.

2 Каднебӧг 30:6 Iomraidhean Croise

Ӧксыяслӧн 3 небӧг 18:36

Рытъя вись ваян кадӧ Илля пророк матыстчис висьпуктанін дорӧ да [енэжас видзӧдӧмӧн гораа] шуис: «Господьӧй, Ӧвраамлӧн, Исааклӧн да Израильлӧн Ен! [Кыв менӧ, Господьӧй, кыв менӧ талун би пытшсянь!] Талун мед тӧдмаласны тайӧ йӧзыс, мый Тэ – Израильлӧн Ен, и мый ме – Тэнад кесйӧг. Найӧ мед аддзасны, мый ме ставсӧ вӧчи Тэнад тшӧктӧм серти.

Ӧксыяслӧн 4 небӧг 15:19

Ассурса Пул ӧксы уськӧдчис Израиль му вылӧ. Менаим сетіс Пуллы сюрс талант эзысь, медым мӧдыс отсаліс сылы зумыдмӧдны юралӧмсӧ.

Ӧксыяслӧн 4 небӧг 15:29

Пекахлӧн ӧксыалӧм дырйи Израиль вылӧ уськӧдчис ассурса Тиглатпаласар ӧксы. Сійӧ босьтіс Ийон, Авел-Бет-Маака, Янох, Кедеш да Хацор каръяс, Галаад, Галилея да Неффалим муяс. Сэтчӧс олысьяссӧ нуӧдіс Ассурӧ.

1 Каднебӧг 29:18

Господьӧй, миян Ӧвраам батьлӧн, Исаак батьлӧн да Израиль батьлӧн Ен, нэмъяс чӧж видз Аслад войтырыд сьӧлӧмын тайӧ кӧсйӧмсӧ, веськӧд налысь сьӧлӧмсӧ Ас дінад!

1 Каднебӧг 5:26

Израильлӧн Ен ышӧдіс ассурса Пул ӧксыӧс, мӧд ногӧн кӧ, Тиглатпаласар ӧксыӧс, нуӧдны пленӧ Рувимсянь да Гадсянь чужысьясӧс да Манассейлысь джын чужанкотырсӧ. Найӧс вайӧдісны Халахӧ да Хараӧ, тшӧтш Хавор ю дорӧ да Гозанын визувтысь ю дорӧ. Найӧ ӧнӧдз на сэні олӧны.

2 Каднебӧг 28:20

Ахаз дінӧ локтіс ассурса Тиглатпаласар ӧксы. Но отсалӧм пыдди сійӧ дзескӧдіс Ахаз ӧксыӧс.

Эсфир 3:13

Вӧлі мӧдӧдӧма йӧзӧс, кодъяс нуисны гижӧдсӧ ӧксыув муясӧ, медым ӧти лунӧн – дас кыкӧд адар тӧлысьлӧн дас коймӧд лунӧ – вины-бырӧдны став иудейсӧ, томӧс и пӧрысьӧс, челядьӧс и аньясӧс, а налысь эмбурсӧ мырддявны. [Гижӧдас вӧлі пасйӧма: «Индиясянь Эфиопияӧдз сё кызь сизим муын юралысьяслы да налӧн киподувса веськӧдлысьяслы гижӧ Артаксеркс ыджыд ӧксы. Ме ыджыдала войтыръяс вылын, юрала став муюгыднас. Но вылӧ кыпӧдчытӧг, рам да лӧнь сьӧлӧмӧн веськӧдлігӧн ме кӧсъя, медым менам муын олысьяс олісны зыксьытӧг. Ме зіля видзны став аслам муын лӧньлун, медым сэті позис ветлыны повтӧг, и ставныс вермисны лӧня овны ӧта-мӧдныскӧд. Ме юалі туйдӧдысьяслысь, кыдзи тайӧс пӧртны олӧмӧ. Сэки миян пӧвстын аслас сюсьлунӧн торъялысь да эскана морт, Аман, ӧксы бӧрся медыджыдыс, коді тӧждысьӧ бурсӧ вӧчны мунымлы, гӧгӧрвоӧдіс миянлы, мый став му пасьтала мукӧд войтыръяс пӧвстын олӧ ӧти зыксьысь войтыр. Аслас индӧдъясӧн тайӧ войтырыс сувтӧ мукӧд войтыръяслы паныд, ӧтдортӧ ӧксылысь тшӧктӧмъяссӧ, медым торкны миянлысь юралӧмнымӧс. Ми тӧдмалім, мый збыльысь сӧмын тайӧ войтырыс век зыксьӧ мукӧд йӧзкӧд, аслас оласногӧн торкӧ индӧднымӧс да миян юралӧмлы паныд кыпӧдчӧмнас вӧчӧ ыджыд лёкторъяс, медым миян муын дзугны йӧзыслысь бур олӧмсӧ. Та вӧсна тшӧктам бырӧдны пыдди пуктана Аман юралысьлӧн гижӧдын индӧм йӧзӧс, тшӧктам жалиттӧг шыпуртӧн вины найӧс ставнысӧ, тшӧтш гӧтыръяснысӧ да челядьнысӧ. Вӧчны тайӧс тшӧктам таво дас кыкӧд адар тӧлысьлӧн дас коймӧд лунӧ. Колӧ ӧти лунӧн бырӧдны тайӧ йӧзсӧ, кодъяс дугдывтӧг паныд сувтӧны, и пыр кежлӧ шыбитны найӧс адӧ. Сэки найӧ оз кутны водзӧ падмӧдны миянӧс, и ми вермам олӧм помӧдзным овны лӧня да зыксьытӧг».]

Эсфир 8:14

Ӧксылӧн тэрыб вӧвъяс вылын верзьӧмаяс дзик пыр тӧвзисны юӧртны ӧксылысь тшӧктӧмсӧ. Юӧртісны тшӧтш Суза изкарын.

Иов 9:25

Менам олан лунъясӧй юӧр нуысь моз котӧртӧны, лэбӧны, бурсӧ оз аддзыны,

Исай 1:9

Господь Саваоф кӧ эз видз коляс войтырсӧ, ми эськӧ бырим Содом моз, миянӧс эськӧ суис сійӧ жӧ, мый Гомораӧс.

Исай 6:13

Весиг коляс кӧ тані олысьяс пӧвстысь дасӧд юкӧныс, найӧс тшӧтш лоӧ бырӧдӧма. Кыдзи кералӧм бӧртиыс тупулӧн да ыджыд пулӧн кольӧ вужйыс, сідзи тайӧ войтырлӧн кольӧ вежа петасыс».

Еремей 29:1

Еремей пророк мӧдӧдіс Ерусалимысь гижӧд пленӧ нуӧдӧм войтырлӧн юрнуӧдысьяслы, попъяслы, пророкъяслы да став войтырыслы, кодъясӧс Навукодоносор нуӧдіс Ерусалимысь Вавилонӧ.

Еремей 3:14

«Бергӧдчӧй Ме дінӧ, кывзысьтӧм войтырӧй, – висьталӧ Господь, – ӧд Ме – тіян Верӧсныд. Весиг кӧ карын коляс ӧти морт, чужанкотырын – кык морт, Ме босьта найӧс да вайӧда Сионӧ.

Еремей 4:1

– Израиль, тэ кӧ бергӧдчан, – висьталӧ Господь, – тэ кӧ бергӧдчан Ме дінӧ да вештан Менам син водзысь зывӧк идолъястӧ, сэки дугдан шӧйтнытӧ.

Еремей 51:31

Юӧр вайысь бӧрся мӧд вайӧ юӧр, котӧрӧн юӧр вайысь бӧрся мӧд котӧртӧ, медым висьтавны вавилонса ӧксылы, мый босьтӧма сылысь карсӧ

Бӧрданкыв 3:40

Тӧдмаламӧй ассьыным туйнымӧс, медым бергӧдчыны Господь дінӧ.

Бӧрданкыв 5:21

Господьӧй, бергӧд миянӧс Асланьыд, и ми бергӧдчам. Бара сет миянлы важ кодь лунъяс.

Езекиль 33:11

Шу налы, мый Ме ог кӧсйы, медым мыжа морт куліс, – висьталӧ Господь Ыджыдыс. – Но кӧсъя, медым сійӧ бергӧдчис аслас лёк туй вылысь да видзис ассьыс олӧмсӧ. Тайӧс Ме Ачым кыв сетӧмӧн шуа. Бергӧдчӧй асланыд лёк туй вылысь! Мыйла тіянлы кувнысӧ, Израиль войтыр?

Осий 14:1

Самарияӧс лоӧ мыждӧма, ӧд сійӧ кыпӧдчис аслас Енлы паныд. Сылӧн йӧзыс усясны шыпурт помысь, кагаяссӧ налысь виаласны, нӧбасьысьяслысь кынӧмсӧ вожӧдасны.

Осий 6:1

Сьӧкыдаліганыс найӧ пондасны корсьны Менӧ, шуасны: «Бӧр мунамӧй Господь дінӧ! Сійӧ косявліс миянӧс, но Сійӧ и бурдӧдас, Сійӧ дойдаліс миянӧс, но Сійӧ и кӧрталас дойяснымӧс.

Закар 1:3

Висьтав войтырыслы Господь Саваофлысь шуӧмсӧ. Бергӧдчӧй Ме дінӧ, и Ме бергӧдча тіян дінӧ, – висьталӧ Господь Саваоф. –

Закар 1:4

Энӧ лоӧй батьясныд кодьӧсь, кодъяс дінӧ водзынджык шыасьлісны пророкъяс. Найӧ юӧртлісны: ”Господь Саваоф тадзи висьталӧ: бергӧдчӧй асланыд лёк туй вылысь да эновтчӧй пеж уджъяссьыныд”. Но тіян батьясныд эз кывзыны Менӧ да эз сибӧдны Менсьым кывъясӧс, – висьталӧ Господь. –

Яков 4:8

Матыстчӧй Ен дінас, и Сійӧ матыстчас тіян дінӧ. Мыськӧй кинытӧ, мыж вӧчысьяс! Кык бана шаньгаяс, сӧстӧммӧдӧй сьӧлӧмнытӧ!