2 Каднебӧг 30:5 - Коми Библия 2023

⁵ Став Израиль му пасьтала лунвыв Бер-Шевасянь войвыв Данӧдз юӧртісны тшӧктӧм, медым войтырыс локтас Ерусалимӧ пасйыны Израильлӧн Господь Енлысь Ыджыд лунсӧ, ӧд найӧ важӧн нин эз пасйывны сійӧс Гижӧдас тшӧктӧм серти.

2 Каднебӧг 30:5 Iomraidhean Croise

Олӧм 21:14

Ӧвраам чеччис водз асывнас, босьтіс нянь да кучик дозйын ва, ӧшӧдіс нопсӧ Агарлы пельпом вылас да ыстіс сійӧс пиыскӧд. Агар муніс да вошис Бер-Шева овтӧминын.

2 Каднебӧг 24:9

Иудаын да Ерусалимын олысьяслы вӧлі юӧртӧма, мый налы колӧ мынтыны Господьлы вот. Ӧд овтӧминын на Мӧисей, Енлӧн кесйӧг, сетіс Израиль войтырлы вот мынтӧм йылысь тшӧктӧм.

2 Каднебӧг 30:4

Ӧксылы да став чукӧртчӧм войтырлы сьӧлӧм выланыс воис тайӧ шуӧмыс.

2 Каднебӧг 35:18

Израильын тадзисӧ эз на пасйывны Ыджыд лунсӧ Самуил пророклӧн олан лунъяссянь. Весиг ӧти израильса ӧксы эз пасйывлы Ыджыд лунсӧ сідзи, кыдзи ӧні пасйисны сійӧс Иосей ӧксы, попъяс, левитъяс, став Иуда войтырыс, Израильысь локтӧмаяс да Ерусалимын олысьяс.

2 Каднебӧг 36:22

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Даниил 6:8

Сідзкӧ, ӧксыӧй, сет да кырымав сэтшӧм тшӧктӧм, мый мидияса да персияса индӧдӧс моз сійӧс оз позь вежны-бырӧдны».

Левит 23:2

«Висьтав Израиль пиянлы, кутшӧм лунъяс налы колӧ торйӧдны Господьлы. Менам вежа гажӧдчан лунъясӧ налӧн мед лоӧ вежа чукӧртчӧм.

Левит 23:4

«Господьлы сиӧм гажӧдчан лунъясӧ тіян мед лоӧ вежа чукӧртчӧм.

1 Коринфӧ 11:2

Вокъяс, ошка тіянӧс, ӧд ті нинӧм абу вунӧдӧмныд менам висьтавлӧмысь. Ті ставсӧ вӧчанныд менам велӧдӧм серти.

Индӧд 12:32

Вӧчӧй сійӧс, мый ме тшӧкта тіянлы, нинӧм энӧ содтӧй сэтчӧ да нинӧм энӧ чинтӧй сэтысь».

Ёрдысьяс 20:1

Войвыв Дансянь лунвыв Бер-Шеваӧдз став Израиль войтыр, тшӧтш Галаад муын олысьяс, быттьӧ ӧти морт чукӧртчисны Миспаӧ Господь водзӧ.