2 Каднебӧг 30:3 - Коми Библия 2023

³ Найӧ эз вермыны пасйыны Ыджыд лунсӧ колана кадӧ, ӧд эз на вӧвны тырмымӧн попъяс, кодъяс эськӧ вӧлі вежӧдӧмаӧсь-сӧстӧммӧдӧмаӧсь нин асьнысӧ, и войтырыс абу на вӧлі чукӧртчӧма Ерусалимӧ.

2 Каднебӧг 30:3 Iomraidhean Croise

2 Каднебӧг 29:17

Крам вежӧдӧмсӧ попъяс да левитъяс заводитісны вӧчны медводдза тӧлысьлӧн медводдза лунӧ, и крам посводзӧдзыс найӧ воисны кӧкъямысӧд лунӧ. Крамсӧ вежӧдісны нӧшта кӧкъямыс лун чӧж, и вежӧдӧмсӧ помалісны медводдза тӧлысьлӧн дас квайтӧд лунӧ.

2 Каднебӧг 29:34

Но попъяс вӧліны этшаӧнӧсь, и найӧ эз удитны кульны сотан вись пыдди вайӧм пемӧсъяслысь кучиксӧ. Налӧн левит вокъясыс отсасисны налы, кытчӧдз эз помась тайӧ уджыс да кытчӧдз мукӧд попъяс эз вежӧдны-сӧстӧммӧдны асьнысӧ. Ӧд левитъяс, кодъяс вӧлі вежӧдӧмаӧсь-сӧстӧммӧдӧмаӧсь нин асьнысӧ, попъяс дорысь вӧліны унджыкӧнӧсь.

2 Каднебӧг 30:15

Мӧд тӧлысьлӧн дас нёльӧд лунӧ начкисны ыджыдлунся баляясӧс. Попъяслы да левитъяслы яндзим вӧлі, мый ас кадӧ найӧ эз вежӧдны-сӧстӧммӧдны асьнысӧ, та вӧсна ӧні тайӧс вӧчисны. Сэсся найӧ вайисны Господьлӧн крамӧ сотан висьяс.

2 Каднебӧг 30:24

Иудаса Езекей ӧксы сетіс чукӧртчӧм войтырлы сюрс ӧшкӧс да сизим сюрс ыжӧс, а юралысьяс сетісны войтырыслы сюрс ӧшкӧс да дас сюрс ыжӧс. Тайӧ кадас попъяс унаӧн нин вӧлі вежӧдӧмаӧсь-сӧстӧммӧдӧмаӧсь асьнысӧ.

2 Каднебӧг 30:4

Ӧксылы да став чукӧртчӧм войтырлы сьӧлӧм выланыс воис тайӧ шуӧмыс.

2 Каднебӧг 35:6

Вежӧдӧй-сӧстӧммӧдӧй асьнытӧ, начкӧй ыджыдлунся баляӧс да дасьтӧй сійӧс асланыд войтырлы. Ставсӧ вӧчӧй сідзи, кыдзи Господь тшӧктіс Мӧисей пыр».

Петӧм 12:18

Медводдза тӧлысьлӧн дас нёльӧд лун рытсянь кызь ӧтиӧд лун рытӧдз сёйӧй шомтӧм нянь.

Петӧм 12:6

Тайӧ тӧлысьнас дас нёльӧд лунӧдзыс видзӧй балясӧ ас орданыд. Рытнас став Израиль войтыр мед начкас балянысӧ.