2 Каднебӧг 30:1 - Коми Библия 2023

¹ Езекей мӧдӧдіс юӧртысьясӧс Израиль да Иуда муӧ, тшӧтш ыстіс гижӧдъяс Ефрем да Манассей чужанкотыръяслы. Сійӧ чукӧстіс ставнысӧ локны Господьлӧн крамӧ Ерусалимӧ, медым пасйыны Израильлӧн Господь Енлысь Ыджыд лун.

2 Каднебӧг 30:1 Iomraidhean Croise

Ӧксыяслӧн 4 небӧг 23:22

Израильын тадзисӧ эз на пасйывны Ыджыд лунсӧ ёрдысьяслӧн веськӧдлан кад бӧрти, кор Иудаын да Израильын юралісны ӧксыяс.

2 Каднебӧг 11:13

Израиль му пасьталаысь попъяс да левитъяс чукӧртчисны Ровоам дінӧ.

2 Каднебӧг 11:16

Но израильса быд чужанкотырын вӧліны сэтшӧм йӧз, кодъяс став сьӧлӧмсяньныс кесъялісны Господьлы, Израильлӧн Енлы. Левитъяс бӧрся найӧ тшӧтш мунісны Ерусалимӧ, медым вись вайны Господьлы, асланыс батьяслӧн Енлы.

2 Каднебӧг 25:7

Но сы дінӧ локтіс Енлӧн морт да шуис: «Ӧксыӧй, израильса тышкайӧзӧс эн босьт аскӧдыд, ӧд Господь оз ло Израилькӧд, Ефремсянь чужысьяскӧд.

2 Каднебӧг 29:24

Попъяс начкисны кӧзаясӧс да налысь вирсӧ мыжысь вись пыдди вайисны висьпуктанін вылын, медым вештыны Израиль войтырлысь мыжсӧ, ӧд ӧксы тшӧктіс вайны сотан вись да мыжысь вись став Израиль войтыр вӧсна.

2 Каднебӧг 29:36

Ставыс артмис ӧдйӧ. Езекей да став войтырыс нимкодясисны сыысь, мый Енмыс вӧчис Аслас войтырлы.

2 Каднебӧг 30:2

Езекей ӧксы, юралысьяс да Ерусалимын чукӧртчӧм войтыр шуисны пасйыны Ыджыд лунсӧ мӧд тӧлысьнас.

2 Каднебӧг 35:6

Вежӧдӧй-сӧстӧммӧдӧй асьнытӧ, начкӧй ыджыдлунся баляӧс да дасьтӧй сійӧс асланыд войтырлы. Ставсӧ вӧчӧй сідзи, кыдзи Господь тшӧктіс Мӧисей пыр».

Еремей 29:1

Еремей пророк мӧдӧдіс Ерусалимысь гижӧд пленӧ нуӧдӧм войтырлӧн юрнуӧдысьяслы, попъяслы, пророкъяслы да став войтырыслы, кодъясӧс Навукодоносор нуӧдіс Ерусалимысь Вавилонӧ.

Осий 11:8

Верма-ӧ Ме эновтны тэнӧ, Ефрем? Верма-ӧ Ме кольны тэнӧ, Израиль? Верма-ӧ эновтны тэнӧ Адмаӧс моз, вӧчны тэкӧд Севоимкӧд моз? Менам сьӧлӧмӧй небзьӧ, Менам пытшкӧсӧй нормӧ.

Осий 5:4

Налӧн уджъясныс оз лэдзны налы бергӧдчыны асланыс Ен дінӧ, ӧд на пытшкын кырсалан ру, найӧ оз тӧдны Господьӧс.

Нав Исус 14:4

Ӧсип пиянсянь петісны Манассейлӧн да Ефремлӧн чужанкотыръяс. Левитъяслы торйӧдісны олан каръяс да на гӧгӧрысь ыж-мӧсныслы видзьяс, а му эз сетны.