2 Каднебӧг 29:5 - Коми Библия 2023

⁵ Сэсся шуис налы: «Левитъяс, кывзӧй менӧ! Ӧні вежӧдӧй-сӧстӧммӧдӧй асьнытӧ да вежӧдӧй тіян батьяслӧн Господь Енлысь крамсӧ. Шыбитӧй вежаинысь став пежсӧ.

2 Каднебӧг 29:5 Iomraidhean Croise

1 Каднебӧг 15:12

Налы шуис: «Ті, левитъяслӧн рӧдкутысьяс, вежӧдӧй-сӧстӧммӧдӧй асьнытӧ да вокъяснытӧ, сэсся вайӧй Израильлӧн Господь Енлысь кудсӧ сійӧ местаас, мый ме дасьті сылы.

2 Каднебӧг 29:34

Но попъяс вӧліны этшаӧнӧсь, и найӧ эз удитны кульны сотан вись пыдди вайӧм пемӧсъяслысь кучиксӧ. Налӧн левит вокъясыс отсасисны налы, кытчӧдз эз помась тайӧ уджыс да кытчӧдз мукӧд попъяс эз вежӧдны-сӧстӧммӧдны асьнысӧ. Ӧд левитъяс, кодъяс вӧлі вежӧдӧмаӧсь-сӧстӧммӧдӧмаӧсь нин асьнысӧ, попъяс дорысь вӧліны унджыкӧнӧсь.

2 Каднебӧг 29:4

Попъяслы да левитъяслы сійӧ тшӧктіс чукӧртчыны асыввыв изэрд вылӧ.

2 Каднебӧг 35:6

Вежӧдӧй-сӧстӧммӧдӧй асьнытӧ, начкӧй ыджыдлунся баляӧс да дасьтӧй сійӧс асланыд войтырлы. Ставсӧ вӧчӧй сідзи, кыдзи Господь тшӧктіс Мӧисей пыр».

Неемий 12:30

Попъяс да левитъяс асьныс сӧстӧммӧдчисны, сэсся сӧстӧммӧдісны войтырсӧ, карса дзиръяяс да стенъяс.

Неемий 13:9

Ме тшӧкті сӧстӧммӧдны видзанінъяс да бӧр пуктыны сэтчӧ Енлӧн крамлысь дозмук-кӧлуйсӧ, нянь вись да ладан.

Псалтыр 93:5

Господьӧй, Тэнсьыд войтыртӧ найӧ топӧдӧны, Тэнсьыд бӧрйӧм войтыртӧ дзескӧдӧны.

Петӧм 19:10

Господь шуис сылы: «Мун войтырыд дінӧ, вежӧд найӧс талун да аски. Найӧ мед мыськаласны паськӧмнысӧ,

Петӧм 19:15

Мӧисей шуис войтырыслы: «Дасьтысьӧй коймӧд лун кежлӧ, гӧтырныдкӧд энӧ узьӧй».

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Езекиль 8:3

Сійӧ нюжӧдіс ки сямаӧс да босьтіс менӧ юрсиӧд. Лов кыпӧдіс менӧ енэжа-муа костас да вайӧдіс Ерусалимӧ. Тайӧ вӧлі Енсянь петкӧдлӧм. Лов сувтӧдіс менӧ пытшкӧс йӧрлӧн войвывса дзиръя дорӧ, кӧні сулаліс Господьлысь вежӧгтӧмсӧ кыпӧдысь бӧлбан.

Езекиль 8:6

Господь шуис меным: «Морт пиӧй, аддзан-ӧ, мый вӧчӧ Израиль войтыр? Найӧ вӧчӧны зывӧксӧ, та вӧсна Ме эновта Ассьым вежаинӧс. Видзӧд, и унджык на аддзан зывӧксӧ».

Йоиль 2:16

Чукӧртӧй войтырӧс, вежӧдӧй чукӧртчӧмаясӧс, корӧй пӧрысьясӧс, вайӧдӧй челядьӧс, вайӧй пузчужӧм кагаясӧс. Верӧспу мед эновтас узьлан жырсӧ, гӧтырпу мед петас аслас шойччан вежӧсысь.

2 Коринфӧ 6:16

Вермасны ӧмӧй сулавны идолъяс Енлӧн крамын? Ӧд ті – ловъя Енлӧн крамыс. Енмыс шуӧ: – Овмӧдча на пытшкӧ да понда ветлыны накӧд. Ме лоа налӧн Енмӧн, а найӧ – Менам войтырӧн.

2 Коринфӧ 7:1

Мусаяс, со мыйта кӧсйысьӧм Енмыс сетӧма миянлы! Сідзкӧ, весалам ассьыным вир-яйнымӧс да ловнымӧс став пежсьыс. Кутам овны Енсьыс полӧмӧн, Сылӧн вежалуныс мед тырвыйӧ лоӧ миян пытшкын!