2 Каднебӧг 28:12 - Коми Библия 2023

¹² Иохананлӧн Азарий пиыс, Мешиллемотлӧн Берек пиыс, Шаллумлӧн Езекей пиыс да Хадлайлӧн Амессай пиыс – ефремса юралысьяс – сувтісны тыш вылысь локтысьяс водзӧ

2 Каднебӧг 28:12 Iomraidhean Croise

1 Каднебӧг 28:1

Давид чукӧртіс Ерусалимӧ израильса веськӧдлысьясӧс. На лыдын вӧліны чужанкотыръяслӧн юралысьяс, ӧксылӧн тышкакотыръясӧн веськӧдлысьяс, тышкайӧзлӧн юралысь-веськӧдлысьяс, ӧксылӧн да сылӧн пияныслӧн овмӧс да ыж-мӧс вӧсна кывкутысьяс, ыджыд чина йӧз да став тӧдчана йӧз.

2 Каднебӧг 28:11

Кывзӧй менӧ! Лэдзӧй пленӧ босьтӧмаясӧс, ассьыныд вокъяснытӧ, ӧд Господьлӧн скӧрлуныс ыпъялӧ тіян вылӧ».

2 Каднебӧг 28:13

да шуисны налы: «Энӧ вайӧдӧй татчӧ пленӧ босьтӧм йӧзӧс, медым ми эгӧ мыжмӧй Господь водзын. Миян мыжным сідзи нин ыджыд, и Господьлӧн скӧрлуныс ыпъялӧ Израиль вылӧ, но ті нӧшта на кӧсъянныд содтыны миянлысь мыжъяснымӧс да лёк вӧчӧмнымӧс».

2 Каднебӧг 28:15

Сійӧ йӧзыс, кодъясӧс вӧлі индӧма тӧждысьны пленӧ босьтӧмаяс вӧсна, мунісны на дінӧ, сетісны пасьтӧмъяслы мырддьӧм эмбурысь кӧм-пась, вердісны-юкталісны найӧс да мавтісны налысь дойяссӧ. Жебмӧмаясӧс найӧ пуксьӧдісны осёлъяс вылӧ да нуӧдісны пленӧ босьтӧм йӧзӧс налӧн войтыр дінӧ Ериконӧ, мӧд ногӧн кӧ, Пальма карӧ, а асьныс бӧр бергӧдчисны Самарияӧ.