2 Каднебӧг 26:18 - Коми Библия 2023

¹⁸ Найӧ кыпӧдчисны Озей ӧксылы паныд да шуисны сылы: «Озей, тэныд оз позь тшынӧдчыны Господь водзын. Тайӧс вермӧны вӧчны сӧмын попъяс, Ааронсянь чужысьяс, кодъясӧс вежӧдӧма-торйӧдӧма тшынӧдчыны. Пет крамсьыс, ӧд тэ мыж вӧчин, и тайӧ оз вай тэныд Господь Ен водзын нималӧмсӧ».

2 Каднебӧг 26:18 Iomraidhean Croise

2 Каднебӧг 19:2

Иосафат ӧксылы воча петіс Еху нима пророк, Хананилӧн пиыс, да шуис: «Мыйла тэ отсалін лёк вӧчысьлы? Мыйла тэ Господьӧс мустӧмтысьясӧс радейтан? Таысь тэнӧ суас Господьлӧн скӧрлуныс.

2 Каднебӧг 30:7

Энӧ лоӧй асланыд батьяс кодьӧсь да асланыд войтыр кодьӧсь, кодъяс мыж вӧчисны Господьлы паныд, асланыс батьяслӧн Енлы паныд. Та вӧсна Енмыс сетіс найӧс бырӧдӧм вылӧ, ті асьныд тӧданныд тайӧс.

Петӧм 28:1

«Израиль пиян пӧвстысь кор ас дінад Аарон воктӧ пияныскӧд. Аарон да сылӧн Надав, Авиуд, Элазар да Итамар пияныс мед кесъяласны Меным попъясӧн.

Еремей 13:18

– Висьтав ӧксылы да сылӧн мамыслы: эновтӧй юралан пуклӧснытӧ, ӧд тіян юр вылысь усис дзирдалана юркытшныд.

Лыд 18:7

А тэ да тэнад пияныд кесъялӧй попъясӧн висьпуктанін дорын да Вежаинын ӧшалысь дӧра сайын. Попъясӧн кесъялӧмыс – Месянь козин тіянлы. Но бокыса морт кӧ матыстчас вежа чом дорӧ, сійӧс лоӧ виӧма».

Лыд 3:10

Ааронлы пияныскӧд тшӧкты [видзӧдны вежа чом бӧрся да] кесъявны попъясӧн. [Найӧ мед видзӧдасны ставыс бӧрся, мый эм висьпуктанін гӧгӧр да Вежаинын ӧшалысь дӧра сайын.] Но бокыса морт кӧ матыстчас вежа чом дорӧ, сійӧс лоӧ виӧма».

Матвей 10:18

Ме вӧсна тіянӧс нуӧдасны юралысьяс да ӧксыяс водзӧ, медым найӧ да ентӧдтӧмъяс тӧдісны Ме йылысь.

Матвей 10:28

Энӧ полӧй вир-яйтӧ виысьясысь, ловтӧ вины найӧ оз вермыны. Полӧй Сыысь, коді ловтӧ да вир-яйтӧ вермӧ бырӧдны адын.

Матвей 14:4

Ӧд Иоан ӧлӧдліс Ирӧдӧс: «Вок гӧтырыдкӧд тэныд оз позь овнытӧ».

Иоан 5:44

Ті сибӧданныд ошкӧмсӧ ӧта-мӧдсяньныд, но ӧти Енсянь петысь ошкӧмсӧ онӧ корсьӧй. Сідзкӧ, кыдзи ті верманныд эскыны!

1 Коринфӧ 5:5

Сэки тайӧ мортсӧ сетӧй сӧтана киӧ вир-яйсӧ жугӧдӧм вылӧ, мед лолыс сылӧн мездмас миян Господь Исус Кристослӧн лунӧ.

2 Коринфӧ 5:16

Ӧнісянь ми некодӧс огӧ донъялӧй морт видзӧдлас серти. Водзын кӧ Кристосӧс донъялім морт видзӧдлас серти, ӧні огӧ.

Галатӧ 2:11

Петырлӧн Антиокияӧ волігас ме став дырйиыс паныд сувті сылы, ӧд сійӧ эз веськыда ов.

Еврейяслы 5:4

Морт оз вермы ачыс асьсӧ индыны аркирейӧн, тайӧс вермӧ вӧчны сӧмын Ен, коді тшӧтш Ааронӧс индіс аркирейӧн.

Яков 2:1

Вокъяс, ті эсканныд Исус Кристослы, миян дзирдлуна Господьлы. Сідзкӧ, энӧ торйӧдӧй йӧзсӧ чужӧм вылӧ видзӧдӧмӧн.

Нав Исус 22:15

Найӧ воисны Рувим да Гад чужанкотыръяс да Манассейлӧн джын чужанкотырыс дінӧ Галаад муӧ да шуисны налы:

Ӧксыяслӧн 1 небӧг 2:30

Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.