2 Каднебӧг 26:16 - Коми Библия 2023

¹⁶ Но кор Озейлӧн юралӧмыс зумыдмис, сійӧ пондіс ышнясьны, и тайӧ вайӧдіс сійӧс кулӧмӧдз. Сійӧ мыж вӧчис аслас Господь Енлы паныд, ӧд сійӧ пырис Господьлӧн крамӧ, медым тшынӧдчан висьпуктанін вылын тшынӧдчыны.

2 Каднебӧг 26:16 Iomraidhean Croise

Ӧксыяслӧн 3 небӧг 12:33

Аслас индӧм лунӧ – кӧкъямысӧд тӧлысьлӧн дас витӧд лунӧ – Еровам дасьтіс израильсаяслы гаж. Вефильӧ сувтӧдӧм висьпуктанін вылын сійӧ вайис висьяс да тшынӧдчис.

Ӧксыяслӧн 3 небӧг 13:1

Кор Еровам висьпуктанін вылын сотіс вись, Вефильӧ локтіс Иуда муысь Енлӧн морт, кодӧс мӧдӧдіс Господь.

Ӧксыяслӧн 4 небӧг 14:10

Тэ шуан, мый пасьвартін эдомсаясӧс, и таысь тэ ышнясян да вылӧ кыпӧдчан. Пукав гортад, эн корсь аслыд шогсӧ, сэки тэ да тэкӧд тшӧтш Иуда войтырыд онӧ усьӧй».

Ӧксыяслӧн 4 небӧг 15:5

Та вӧсна Господь мыждіс ӧксыӧс. Аслас кулан лунӧдз сійӧ висис проказаӧн да оліс торъя керкаын. Ӧксы керкаӧн да Иуда войтырӧн веськӧдліс сылӧн Иотам пиыс.

2 Каднебӧг 12:1

Кор Ровоамлӧн юралӧмыс зумыдмис, и сійӧ лои вына юралысьӧн, сэки сійӧ да став Израиль войтырыс эновтісны Господьлысь Индӧдсӧ.

2 Каднебӧг 25:19

Тэ шуан, мый пасьвартін эдомсаясӧс, и таысь тэ ышнясян да вылӧ кыпӧдчан. Пукав гортад, эн корсь аслыд шогсӧ, сэки тэ да тэкӧд тшӧтш Иуда войтырыд онӧ усьӧй».

2 Каднебӧг 26:15

Ерусалимын башняяс вылӧ да карса стен пельӧсъясӧ Озей сувтӧдаліс кужӧмӧн вӧчӧм лыйсянторъяс, медым на отсӧгӧн лыйлыны ньӧвъяс да ыджыд изъяс. Озейлӧн нималӧмыс ылӧдз паськаліс. Кор сылӧн юралӧмыс эз на вӧв зумыд, Енмыс пыр отсавліс сылы.

2 Каднебӧг 27:2

Озей батьыс моз Иотам вӧчис Господь водзын шогманасӧ, да нӧшта бурджыка на, ӧд сійӧ эз пыравлы Господьлӧн крамӧ тшынӧдчыны. А войтырыс водзӧ мыж вӧчис.

2 Каднебӧг 32:25

Но таысь Езекей эз ошкы Господьӧс, а вылӧ кыпӧдіс асьсӧ. Та вӧсна Енмыс скӧрмис сы вылӧ, тшӧтш Иуда да Ерусалим вылӧ.

Шусьӧгъяс 16:18

Вылӧ кӧ пуксян – олӧмтӧ жугӧдан, ныртӧ кӧ кутан лэптавны – усян.

Даниил 11:12

Вӧрӧгсӧ пасьвартӧм бӧрын лунвывса ӧксы пондас ышнясьны. Сы вылӧ видзӧдтӧг, мый лунвывса ӧксы бырӧдас дас сюрсъясӧс, сылӧн оз ло тырвыйӧ вермӧм.

Даниил 8:8

Ай кӧза пондіс ёна ышнясьны. Но кор сійӧ лои вынйӧра, сэки чегис да усис сылӧн ыджыд сюрыс, а сы пыдди петіс нёль сюр, найӧ чурвидзисны нёльнан му пельӧслань.

Аввакум 2:4

Эскытӧм морт абу веськыд, а веськыда олысь эскӧмнас кутас овны.

Лыд 16:1

Левий рӧдысь Кааф Ицгарлӧн Корей пиыс, Рувим рӧдысь Элиавлӧн Датан да Авирам пияныс да Пелетлӧн Он пиыс

Лыд 16:18

Быдӧн босьтіс ассьыс тшынӧдчан дозсӧ, пуктіс сэтчӧ биа ӧгыр да тшынӧдчантор. Сэсся ставныс сувтісны вежа чом пыранін дорӧ. Сэні вӧліны тшӧтш Мӧисей да Аарон.

Лыд 16:35

Господьсянь петіс би да сотіс тайӧ кыксё ветымын айуловсӧ, кодъяс вайисны тшынӧдчантор.

Лыд 16:7

пуктӧй сэтчӧ биа ӧгыр да тшынӧдчантор, вайӧй Господь водзӧ. Кодӧс Господь бӧръяс, сійӧ и вежа. Тырмас тіянлы, Левий пиян!»

Лыд 17:5

Кодӧс Ме бӧръя, сылӧн беддьыс кутас дзоридзавны. Ме вӧча тадзи, медым тіян вылӧ ропкысь Израиль пиян тупкисны вомнысӧ».

Индӧд 8:14

видзчысьӧй, медым асьнытӧ вылӧ энӧ пуктӧй да энӧ вунӧдӧй Господьӧс, ассьыныд Ентӧ, ӧд Сійӧ петкӧдіс тіянӧс Египет муысь нартитӧм улысь.

Индӧд 8:17

Энӧ мӧвпалӧй, мый ті асланыд вынӧн да ас киӧн озырлуннытӧ лӧсьӧдінныд.

Колосӧ 2:18

Некод мед оз ылӧд тіянӧс аслас рамлунӧн, анделъяслы юрбитӧмӧн да ылӧг аддзылӧмъяснас ошйысьӧмӧн. Морт вежӧрнаныс мӧвпалігӧн найӧ вылӧ пуктӧны асьнысӧ.