2 Каднебӧг 25:23 - Коми Библия 2023

²³ Бет-Шемешын израильса Йоас ӧксы босьтіс пленӧ иудаса Амасей ӧксыӧс, Ахазий Йоаслысь писӧ да нуӧдіс сійӧс Ерусалимӧ. Сэні Йоас жугӧдіс карса стенсӧ нёльсё гырддза пасьта – Ефрем дзиръясянь Пельӧс дзиръяӧдз.

2 Каднебӧг 25:23 Iomraidhean Croise

Ӧксыяслӧн 4 небӧг 14:13

Бет-Шемешын израильса Йоас ӧксы босьтіс пленӧ иудаса Амасей ӧксыӧс, Ахазий Йоаслысь писӧ. Сэсся Йоас тышкайӧзыскӧд муніс Ерусалимӧ. Сэні сійӧ жугӧдіс карса стенсӧ нёльсё гырддза пасьта – Ефрем дзиръясянь Пельӧс дзиръяӧдз.

2 Каднебӧг 21:17

Найӧ уськӧдчисны Иуда му вылӧ, пырисны сэтчӧ да куштісны ӧксылысь керкасӧ. Найӧ босьтісны аскӧдныс Иорамлысь пиянсӧ да гӧтыръяссӧ. Ичӧтджык Иохаз пиыс кындзи сылӧн пиян пӧвстысь некод эз коль.

2 Каднебӧг 22:1

Ерусалимса олысьяс Иорам бӧрти ӧксыӧ пуктісны Ахазийӧс, иудаса Иорам ӧксылысь медічӧт писӧ, ӧд сылысь ыджыдджык пиянсӧ виисны арабъяскӧд локтӧм йӧз, кодъяс уськӧдчисны иудаса тышкайӧз вылӧ. Та вӧсна Ахазий лои ӧксыӧн.

2 Каднебӧг 22:6

Медым бурдны тайӧ дойяссьыс, Иорам бӧр локтіс Изреельӧ. Иудаса Ахазий ӧксы локтіс Изреельӧ видлыны доймалӧм Иорам ӧксыӧс.

2 Каднебӧг 25:22

Израильсаяс пасьвартісны иудаса тышкайӧзӧс, и найӧ пышйисны гортаныс.

2 Каднебӧг 26:9

Ерусалимын Пельӧс дзиръя дорӧ, Ковтыс дзиръя дорӧ да стен пельӧс дорӧ Озей вӧчис зумыд башняяс.

2 Каднебӧг 32:5

Езекей повтӧг босьтчис уджӧ. Сійӧ выльысь кыпӧдіс жугалӧм карса стен, сувтӧдіс стен вылӧ башняяс, карса стен ортсыладорас кыпӧдіс мӧд стен. Сійӧ зумыдмӧдіс Милло, Давид карлысь юкӧнсӧ. Сійӧ вӧчӧдіс уна сайӧд да шы.

2 Каднебӧг 33:11

Сэки Господь мӧдӧдіс налы паныд ассурса ӧксылӧн тышкайӧзлысь юралысьясӧс. Найӧ дорисны Манассейлысь ки-коксӧ чепъясӧн да нуӧдісны сійӧс Вавилонӧ.

2 Каднебӧг 36:10

Во заводитчигас Навукодоносор ӧксы мӧдӧдіс ассьыс йӧзсӧ, медым вайӧдны Еконейӧс Вавилонӧ. Господьлӧн крамысь Вавилонӧ нуисны дона дозмук-кӧлуй. Иудаын да Ерусалимын юравны Навукодоносор пуктіс Еконей рӧдысь Седекейӧс.

2 Каднебӧг 36:6

Вавилонса Навукодоносор ӧксы уськӧдчис Ехояким вылӧ да дорис сійӧс чепъясӧн, медым нуӧдны Вавилонӧ.

Неемий 12:39

Ефрем дзиръясянь, Важ дзиръя да Чери дзиръя дорті, Хананел башня да Сё тышкамортлы башня бокиті ми мунім Ыж дзиръялань да сувтім Видзан дзиръя дорӧ.

Неемий 8:16

Став йӧзыс ветлісны пу вожъясла да вӧчисны аслыныс чомъяс. Сувтӧдалісны чомъяснысӧ асланыс керка вевт вылӧ, олан йӧръясаныс да Енлӧн крам йӧрӧ, тшӧтш Ва дзиръя да Ефрем дзиръя дорӧ изэрд вылӧ.

Шусьӧгъяс 16:18

Вылӧ кӧ пуксян – олӧмтӧ жугӧдан, ныртӧ кӧ кутан лэптавны – усян.

Шусьӧгъяс 29:23

Мортлӧн асьсӧ вылӧ пуктӧмыс янӧдӧ сійӧс, рам сьӧлӧма пыдди пуктӧма лоас.

Еремей 31:38

Воасны лунъяс, – висьталӧ Господь, – кор тайӧ карсӧ выльысь лоӧ лэптӧма Меным. Сійӧс лэптасны Хананел башнясянь Пельӧс дзиръяӧдз,

Авдий 1:3

Вылӧ кыпӧдчӧмыд ылӧдліс тэнӧ. Изкарын моз тэ олан джуджыд керӧсъяс вылын, тэ мӧвпалан ас йывсьыд: «Некод оз вермы шыбитны менӧ му вылӧ».

Лука 14:11

Ӧд асьсӧ вылӧ пуктысьӧс лэдзасны, асьсӧ улӧ пуктысьӧс кыпӧдасны».