2 Каднебӧг 25:17 - Коми Библия 2023

¹⁷ Аслас туйдӧдысьяскӧд сёрнитӧм бӧрын иудаса Амасей ӧксы мӧдӧдіс израильса Йоас ӧксы дінӧ юӧртысьӧс. Йоас вӧлі Иохазлӧн пи, Иохаз – Ехулӧн. Амасей тшӧктіс висьтавны Йоаслы, мый кӧсйӧ аддзысьлыны сыкӧд.

2 Каднебӧг 25:17 Iomraidhean Croise

Ӧксыяслӧн 2 небӧг 2:14

Авенир вӧзйис Йоавлы: «Том йӧзным мед петаласны да петкӧдласны миянлы тышкасян сямсӧ». «Мед петаласны», – вочавидзис Йоав.

2 Каднебӧг 25:13

А медалӧм тышкайӧзыс, кодъясӧс Амасей эз босьт аскӧдыс тышӧ, но бӧр ыстіс гортаныс, уськӧдчисны Самария да Бет-Хорон костын сулалысь иудаса каръяс вылӧ. Сэні найӧ виисны куим сюрс мортӧс да мырддисны уна эмбур.

2 Каднебӧг 25:16

Пророк эз на помав сёрнисӧ, а ӧксы шуис нин сылы: «Тэнӧ ӧмӧй индісны туйдӧдны ӧксыӧс? Дугды сёрнитнытӧ! Он кӧ, тэнӧ виасны». Но сёрни помавтӧдзыс пророк шуис: «Ме тӧда, мый Енмыс шуис бырӧдны тэнӧ сыысь, мый тэ вӧчин. Но менсьым туйдӧдӧмӧс тэ он кывзы».

Шусьӧгъяс 20:3

Коді вензьытӧг олӧ, сійӧс пыдди пуктӧны, коді зыксьӧмӧ пырӧ, сійӧ – вежӧртӧм.

Лука 2:43

Ыджыд лун бӧрын Ӧсип да Исуслӧн мамыс бӧр мӧдӧдчисны гортаныс. Зонка кольччис Ерусалимӧ. Та йылысь найӧ эз тӧдны,

Ӧксыяслӧн 1 небӧг 27:1

Давид мӧвпаліс: «Коркӧ ме збыльысь веськала Саул киӧ. Бурджык меным пышйыны Филистим муӧ, сэки Саул ӧвсяс меысь, дугдас корсьны менӧ став Израиль му пасьтала. Тадзи ме мына сыысь».