2 Каднебӧг 24:24 - Коми Библия 2023

²⁴ Арамейяс вӧліны этшаӧнӧсь, но Господь сетіс на киӧ уна лыда иудаса тышкайӧзӧс сыысь, мый Иуда войтыр эновтісны Господьӧс, асланыс батьяслысь Енсӧ. Тадзи арамейяс олӧмӧ пӧртісны Енлысь мыждӧмсӧ, мый вӧлі дасьтӧма Йоаслы.

2 Каднебӧг 24:24 Iomraidhean Croise

Ӧксыяслӧн 4 небӧг 12:17

Сійӧ кадас арамейяслӧн Азаил ӧксы уськӧдчис Геф кар вылӧ да босьтіс сійӧс. Лӧсьӧдчис уськӧдчыны тшӧтш Ерусалим вылӧ.

2 Каднебӧг 16:7

Сэки иудаса Аса ӧксы дінӧ локтіс Ханани нима пророк да шуис сылы: «Тэ шыасин отсӧгла арамейяслӧн ӧксы дінӧ, а эн аслад Господь Ен дінӧ. Та вӧсна арамса ӧксылӧн тышкайӧзыс оз лоны тэнад кипод улынӧсь.

2 Каднебӧг 22:8

Ахавлысь рӧдсӧ бырӧдігӧн Еху паныдасис иудаса юралысьяскӧд да Ахазий вокъяслӧн пиянкӧд, кодъяс кесъялісны Ахазийлы. Еху виис тшӧтш найӧс.

2 Каднебӧг 24:20

Енлӧн Лолыс лэччис Иодай поплӧн Закар пи вылӧ. Закар сувтіс войтырыс водзӧ содъя пос вылӧ да шуис налы: «Господь тадзи висьталӧ: ”Мыйла ті торкаланныд Господьлысь тшӧктӧмъяссӧ? Тіян олӧманыд нинӧм оз кут артмыны. Ті эновтінныд Господьӧс, сідзкӧ, Сійӧ тшӧтш эновтас тіянӧс”».

2 Каднебӧг 28:5

Та вӧсна Господь Ен сетіс Ахазӧс арамейяслӧн ӧксы киӧ. Арамейяс пасьвартісны сійӧс да уна йӧзӧс нуӧдісны пленӧ Дамаскӧ. Господь сетіс Ахазӧс тшӧтш израильса ӧксы киӧ, и израильса ӧксы виис сылысь уна мортӧс.

Исай 13:5

Ылі муысь, енэжтас сайысь, локтӧны Господь да Сылӧн скӧрлуна вермасянторъясыс, медым пазӧдны ставнас мусӧ.

Исай 30:17

Ӧти мортлӧн повзьӧдӧмысь тіян сюрс морт пышъяс, вит мортлӧн повзьӧдӧмысь ті ставныд пышъянныд. А тіян пӧвстысь колясыс лоӧ керӧс йылын сулалысь майӧг кодьӧн, мыльк йылын дӧлалысь дӧрапас кодьӧн.

Еремей 37:10

Ті кӧ весиг пасьвартінныд калдеяса став тышкайӧзсӧ, кодъяс тышкасьӧны тіянлы паныд, и налӧн ловйӧн колины сӧмын доймӧмаяс, найӧ эськӧ чеччисны, петісны асланыс чомъясысь да тайӧ карсӧ сотісны биӧн».

Левит 26:25

Йитӧд торкӧмысь Ме вайӧда тіян вылӧ вӧрӧгӧс. Татшӧм ногӧн тіянлысь водзӧс перъя. Дзебсянныд кӧ асланыд каръясӧ, Ме мӧдӧда тіян вылӧ пӧрӧс висьӧм, сета тіянӧс вӧрӧг киӧ.

Левит 26:37

Ті пышъянныд шыпуртысь моз да конъясянныд ӧта-мӧданыд, кӧть вӧтӧдысьыс оз ло. Вӧрӧгкӧд водзсасьнытӧ онӧ вермӧй.

Левит 26:8

Тіян пӧвстысь витыс вӧтлас сёӧс, а сёыс вӧтлас дас сюрсӧс. Вӧрӧгъясныд куласны тіян шыпурт помысь.

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Софоний 1:2

– Ме ставсӧ бырӧда му вывсьыс, – висьталӧ Господь, –

Индӧд 28:25

Господь сетас вӧрӧгныдлы вермыны тіянӧс. Налы паныд ті мунанныд ӧти туйӧд, а пышъянныд наысь сизимлаӧд. Став войтыръяс повзясны сыысь, мый лоӧ тіянкӧд.

Индӧд 28:48

Та вӧсна ті кутанныд кесъявны Господьӧн [тіян Енмӧн] ыстӧм вӧрӧгныдлы тшыгъяліганыд да горш косьмиганыд. Ті пасьтӧг колянныд, тіян нинӧм оз ло. Господь сийӧсалас тіянӧс кӧрт сийӧсӧн, кытчӧдз оз бырӧд тіянӧс.

Индӧд 32:30

Кыдзи нӧ ӧти мортыс сюрсӧс вермис вӧтлыны, а кыкӧн – дас сюрсӧс, эз кӧ Дорйысьныс вузав найӧс, эз кӧ Господь сет найӧс вӧрӧг киӧ.