2 Каднебӧг 23:3 - Коми Библия 2023

³ Енлӧн крамын став чукӧртчӧм йӧзыс кӧрталісны йитӧд ӧксыкӧд. Иодай поп шуис налы: «Со, Йоас, ӧксылӧн пиыс. Сійӧс колӧ пуктыны ӧксыӧ, ӧд тадзи Господь висьталіс Давидсянь чужысьяс йылысь.

2 Каднебӧг 23:3 Iomraidhean Croise

Ӧксыяслӧн 2 небӧг 5:3

Хевронын Господь водзын Давид кӧрталіс израильса юрнуӧдысьяскӧд йитӧд. Найӧ мавтыштӧмӧн пуктісны Давидӧс Израиль войтырлы ӧксыӧ.

Ӧксыяслӧн 2 небӧг 7:12

Кор помасясны тэнад олан лунъясыд, и тэ кутан куйлыны аслад батьяс дінын, сэки Ме пукта ӧксыӧ тэсянь чужысьӧс да зумыдмӧда сылысь юралӧмсӧ.

Ӧксыяслӧн 2 небӧг 7:16

Тэнад рӧдыд да ӧксыалӧмыд пыр кежлӧ лоӧ Ме водзын зумыд. Тэнад юралан пуклӧсыд кутас сулавны нэмъяс чӧж».

Ӧксыяслӧн 3 небӧг 2:4

И Господь збыльмӧдас Ассьыс кывсӧ, мый висьтавліс ме йылысь. Сійӧ шуліс: ”Тэсянь чужысьяс кӧ кутасны ветлыны веськыд туйӧд да став сьӧлӧмнас овны Ме водзын веськыда, сэки тэнад рӧдысь пыр лоӧ ӧксы, коді кутас веськӧдлыны Израиль войтырӧн”.

Ӧксыяслӧн 3 небӧг 9:5

сэки Ме пыр кежлӧ зумыдмӧда тэнсьыд ӧксыалӧмтӧ Израильын, кыдзи ме кӧсйысьлі тэнад Давид батьлы. Ме шулі сылы, мый сылӧн рӧдысь петӧм морт кутас пыр пукавны Израильлӧн юралан пуклӧсын.

Ӧксыяслӧн 4 небӧг 11:17

Иодай поп кӧрталіс Господь, ӧксы да войтырыс костын йитӧд сы йылысь, мый найӧ – Господьлӧн войтыр. Нӧшта кӧрталіс торъя йитӧд ӧксы да войтырыс костын.

1 Каднебӧг 11:3

Хевронын Господь водзын Давид кӧрталіс израильса юрнуӧдысьяскӧд йитӧд. Найӧ мавтыштӧмӧн пуктісны Давидӧс Израиль войтырлы ӧксыӧ. Тадзи иніс Самуил пыр висьталӧм Господьлӧн кывйыс.

2 Каднебӧг 21:7

Но Господь эз кӧсйы бырӧдны Давидлысь рӧдсӧ, ӧд Сійӧ вӧлі кӧрталӧма Давидкӧд йитӧд да кӧсйысьӧма, мый Давидсянь чужысь кутас юравны нэмъяс чӧж.

2 Каднебӧг 23:16

Иодай поп кӧрталіс став войтырыскӧд да ӧксыкӧд йитӧд сы йылысь, мый найӧ – Господьлӧн войтыр.

2 Каднебӧг 6:16

Господьӧй, Израильлӧн Енмӧй, збыльмӧд тшӧтш Ассьыд мӧд кӧсйысьӧмтӧ, мый Тэ шулін Аслад кесйӧглы, менам Давид батьлы. Тэ ӧд шулін сылы: ”Тэсянь чужысьяс кӧ тэ моз кутасны ветлыны веськыд туйӧд да овны Менам Индӧд серти, сэки на пӧвстысь пыр лоӧ ӧксы, коді кутас веськӧдлыны Израиль войтырӧн Ме водзын”.

2 Каднебӧг 7:18

сэки Ме зумыдмӧда тэнсьыд ӧксыалӧмтӧ, кыдзи ме кӧсйысьлі тэнад Давид батьлы. Ме шулі сылы, мый сылӧн рӧдысь петӧм морт кутас пыр юравны Израильын.