2 Каднебӧг 23:14 - Коми Библия 2023

¹⁴ Иодай поп ӧлӧдіс тышкайӧзӧн веськӧдлысьясӧс Господьлӧн крамын Аталияӧс виӧмысь. Сійӧ тшӧктіс веськӧдлысьяслы петкӧдны Аталияӧс крамысь, а быдӧнӧс, коді мунас Аталия бӧрся, тшӧктіс вины шыпуртӧн.

2 Каднебӧг 23:14 Iomraidhean Croise

Ӧксыяслӧн 4 небӧг 10:25

Кор сотан вись вайӧмыс помасис, Еху горӧдіс аслас видзысьяслы да тышкайӧзӧн веськӧдлысьяслы: «Пырӧй да ставнысӧ виӧй! Некодӧс энӧ лэдзӧй петнысӧ!» Найӧ виисны шыпуртӧн ставнысӧ да шыбитісны шойяссӧ ортсӧ. Сэсся пырисны Вааллы юрбитанінлӧн пыді вежӧсӧ.

Ӧксыяслӧн 4 небӧг 11:15

Иодай поп ӧлӧдіс тышкайӧзӧн веськӧдлысьясӧс Господьлӧн крамын Аталияӧс виӧмысь. Сійӧ тшӧктіс веськӧдлысьяслы петкӧдны Аталияӧс крамысь, а быдӧнӧс, коді мунас Аталия бӧрся, тшӧктіс вины шыпуртӧн.

Ӧксыяслӧн 4 небӧг 11:8

Кытшалӧй-видзӧй ӧксыӧс быд боксянь, кианыд мед лоӧ шыпурт. Виӧй быдӧнӧс, коді кутас матыстчыны тіян дінӧ. Видзӧй ӧксыӧс быдлаын, кытчӧ сійӧ мунас».

2 Каднебӧг 23:13

Сэні аддзис, мый крамӧ пыранінын джуджыд пос вылын сулалӧ ӧксы. Сыкӧд орччӧн сулалісны тышкайӧзӧн веськӧдлысьяс да трубаӧн ворсысьяс. Став войтырыс нимкодясис, сьылысьяс ворсісны да сьылісны ошкана сьыланкывъяс. Сэки Аталия косяліс ассьыс паськӧмсӧ да горӧдіс: «Вузалісны! Менӧ вузалісны!»

2 Каднебӧг 23:15

Аталияӧс петкӧдісны дзиръя дорӧ, кыті вӧвъясӧн пырлісны ӧксылӧн керка йӧрӧ, и сэні сійӧс виисны.

Петӧм 21:14

Но тӧдӧмӧн кӧ виис ассьыс матыссасӧ [да пышйис висьпуктанін дорӧ], весиг Менам висьпуктанін дорысь колӧ босьтны сійӧс да вины.

Езекиль 9:7

Сэсся Господь шуис квайт мортыслы: «Тыртӧй крам йӧрсӧ шойясӧн, тадзи пежалӧй крамсӧ, а сэсся петӧй сэтысь». Найӧ петісны да пондісны виавны карса олысьясӧс.