2 Каднебӧг 22:5 - Коми Библия 2023

⁵ Налӧн туйдӧдӧм серти израильса Иорам ӧксыкӧд, Ахавлӧн пикӧд, Ахазий петіс тышӧ арамейяслӧн Азаил ӧксылы паныд. Найӧ тышкасисны галаадса Рамот карын, кӧні арамейяс дойдісны Иорамӧс.

2 Каднебӧг 22:5 Iomraidhean Croise

Ӧксыяслӧн 3 небӧг 22:3

Израильса ӧксы шуис аслас кесйӧгъяслы: «Ті ӧд тӧданныд, мый галаадса Рамот кар – миян. Мый нӧ ми сы дыра чӧв олам да огӧ босьтӧй сійӧс арамейяслӧн ӧксылысь».

Ӧксыяслӧн 3 небӧг 4:13

Бен-Гевер юраліс Галаад муын Рамот карын. Сы кипод улын вӧліны Галаадын Манассейсянь чужысь Яирлӧн сиктъяс, нӧшта Васанын Аргов му, стенъясӧн кытшалӧм да ыргӧн иганъяс сайын сулалысь квайтымын ыджыд кар.

Ӧксыяслӧн 4 небӧг 3:1

Иудаса Иосафат ӧксылӧн дас кӧкъямысӧд веськӧдлан воӧ Израиль муын ӧксыӧ пуксис Ахавлӧн Иорам пиыс. Дас кык во чӧж сійӧ юраліс Самария карын.

Ӧксыяслӧн 4 небӧг 8:9

Азаил босьтіс Дамаскысь медбур козинъяс, сӧвтіс нелямын верблюд вылӧ да муніс Енлӧн морт Елисей дінӧ. Кор воис сэтчӧ, сувтіс Енлӧн морт водзӧ да шуис: «Арамейяслӧн Бен-Хадад ӧксы, тэнад кесйӧг, мӧдӧдіс менӧ юавны, бурдас-ӧ сійӧ тайӧ висьӧмсьыс».

Ӧксыяслӧн 4 небӧг 9:1

Елисей пророк корис ӧти пророк-велӧдчысьӧс да шуис сылы: «Вӧнясь, босьт тайӧ вый тыра дозсӧ да мун галаадса Рамот карӧ.

2 Каднебӧг 18:3

Израильса Ахав ӧксы юаліс иудаса Иосафат ӧксылысь: «Мунан-ӧ тэ мекӧд Галаадӧ Рамот кар босьтны?» Иосафат вочавидзис: «Ме муна тэ моз тышӧ. Менам тышкайӧзӧй мунасны тэнад тышкайӧзыд моз. Ме муна тэкӧд тышӧ».

2 Каднебӧг 18:31

Кор тарантаса тышкайӧзӧн веськӧдлысьяс аддзисны Иосафатӧс, чайтісны, мый сійӧ израильса ӧксы. Найӧ кытшалісны сійӧс, медым уськӧдчыны сы вылӧ. Но Иосафат кутіс горзыны, и Господь отсаліс сылы. Енмыс ылыстіс найӧс сы дінысь.

2 Каднебӧг 19:2

Иосафат ӧксылы воча петіс Еху нима пророк, Хананилӧн пиыс, да шуис: «Мыйла тэ отсалін лёк вӧчысьлы? Мыйла тэ Господьӧс мустӧмтысьясӧс радейтан? Таысь тэнӧ суас Господьлӧн скӧрлуныс.

2 Каднебӧг 22:6

Медым бурдны тайӧ дойяссьыс, Иорам бӧр локтіс Изреельӧ. Иудаса Ахазий ӧксы локтіс Изреельӧ видлыны доймалӧм Иорам ӧксыӧс.

Псалтыр 1:1

Шуда сійӧ, коді оз ов лёк вӧчысь моз, оз ветлы мыжаяслӧн туйӧд, оз пукав Енсӧ омӧльтысьяслӧн чукӧрын.

Даниил 5:22

Тэ, Валтасар, Навукодоносорлӧн пиыс, тӧдін ставсӧ тайӧс, но тэ эн раммӧдчы.

Микей 6:16

Ті вӧчанныд Омрилӧн тшӧктӧмъяс серти, оланныд Ахав рӧд моз, ветланныд налӧн лёк туйӧд. Та вӧсна Ме кушта карнытӧ, сэні олысьясӧс серамвыв лэпта. Менам войтырӧй вӧсна ті кутанныд нуны янӧдӧмсӧ.