2 Каднебӧг 21:20 - Коми Библия 2023

²⁰ Ӧксыӧ пуксигас Иорамлы вӧлі комын кык арӧс. Кӧкъямыс во чӧж сійӧ юраліс Ерусалимын. Сылӧн кулӧм вӧсна некод эз бӧрд. Сійӧс дзебисны Давид карӧ, но эз ӧксыяслӧн дзебанінӧ.

2 Каднебӧг 21:20 Iomraidhean Croise

Ӧксыяслӧн 4 небӧг 8:24

Иорам куліс да вуджис батьясыс дінӧ. Сійӧс дзебисны Давид пӧльыслӧн карӧ батьясыскӧд орччӧн. Иорам бӧрти ӧксыӧ пуксис сылӧн Ахазий пиыс.

2 Каднебӧг 23:21

Став войтырыс нимкодясис. Аталияӧс виӧм бӧрти карас пуксис лӧньлун.

2 Каднебӧг 24:16

Сійӧс дзебисны Давид карӧ, ӧксыяскӧд орччӧн, ӧд сійӧ бурсӧ вӧчис Израиль войтырлы, Енмыслы да Сылӧн крамлы.

2 Каднебӧг 24:25

Кор арамейяс мунісны, колисны Йоасӧс ёна дойдалӧмаӧн. Сэки Йоаслӧн кесйӧгъясыс сёрнитчисны сылысь водзӧс перйыны Иодай поплысь писӧ виӧмысь. Кесйӧгъясыс виисны Йоасӧс вольпасяс. Йоас куліс, и сійӧс дзебисны Давид карӧ, но эз ӧксыяслӧн дзебанінӧ.

2 Каднебӧг 26:23

Озей куліс да вуджис батьясыс дінӧ. Сійӧс дзебисны ыб вылӧ батьясыскӧд орччӧн, но дзебисны эз ӧксыяслӧн дзебанінӧ, ӧд сійӧ висис проказаӧн. Озей бӧрти ӧксыӧ пуксис сылӧн Иотам пиыс.

2 Каднебӧг 28:26

Ахаз ӧксыалӧм дырйи мукӧд лоӧмторъяс йылысь да сылӧн уджъясыс йылысь водзысяньыс и помӧдзыс гижӧма иудаса да израильса ӧксыяслӧн небӧгӧ.

2 Каднебӧг 28:27

Ахаз куліс да вуджис батьясыс дінӧ. Сійӧс дзебисны Ерусалимӧ, но эз израильса ӧксыяслӧн дзебанінӧ. Ахаз бӧрти ӧксыӧ пуксис сылӧн Езекей пиыс.

2 Каднебӧг 33:20

Манассей куліс да вуджис батьясыс дінӧ. Сійӧс дзебисны аслас керка йӧрӧ. Манассей бӧрти ӧксыӧ пуксис сылӧн Амон пиыс.

Шусьӧгъяс 10:7

Веськыда олысьӧс бурӧн казьтывласны, а лёк вӧчысьлысь нимсӧ вунӧдасны.

Еремей 22:18

Та вӧсна иудаса Ехояким ӧксы йылысь, Иосейлӧн пиыс йылысь, Господь тадзи висьталӧ: – Сы йылысь оз кутны бӧрдны: ”Курыд шог, вокӧй!” ”Курыд шог, чойӧй!” Сы йылысь оз кутны бӧрдны: ”Курыд шог, ыджыдӧй!” ”Курыд шог сылӧн юралӧмлы!”

Еремей 22:28

«Тайӧ Еконей мортыс ӧмӧй жугалӧм доз, некытчӧ туйтӧм гырнич? Мыйла нӧ сійӧс да сысянь чужысьясӧс шыбитісны налы тӧдтӧм муӧ?»