2 Каднебӧг 2:5 - Коми Библия 2023

⁵ Крамыс, мый ме кыпӧда, лоӧ ыджыд, ӧд миян Енным став енсьыс ыджыд.

2 Каднебӧг 2:5 Iomraidhean Croise

Ӧксыяслӧн 3 небӧг 8:27

Збыльысь, му вылын-ӧ Енмыслы овны? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті [Тэнад нимлы], оз вермы тӧрӧдны Тэнӧ.

Ӧксыяслӧн 3 небӧг 9:8

Тайӧ ыджыд крам дінті мунысь весьӧпӧрӧмӧн да шутёвтӧмӧн юалас: ”Мый вӧсна нӧ Господь тадзи вӧчис тайӧ муыскӧд да тайӧ крамыскӧд?”

1 Каднебӧг 16:25

Ошкӧй Господьӧс, ӧд Сійӧ ыджыд, мукӧд енмыс дорысь медъёна Сыысь колӧ повны.

1 Каднебӧг 29:1

Чукӧртчӧм йӧзлы Давид ӧксы шуис: «Енмыс бӧрйис сӧмын ӧтнассӧ менсьым Соломон пиӧс. Сійӧ том на, оз на куж ставсӧ вӧчны. Сійӧс виччысьӧ ыджыд удж, ӧд тайӧ керкасӧ лоӧ вӧчӧма Господь Енлы, а оз мортлы.

1 Каднебӧг 29:14

Коді ме да менам войтырӧй, медым вайны Тэныд татшӧм сетӧмторъяс. Но ставыс Тэсянь, и ми сетам Тэныд сійӧ, мый сибӧдім Тэсянь.

2 Каднебӧг 2:9

медым дасьтыны уна кер. Ӧд крамыс, мый ме кута вӧчны, лоӧ зэв ыджыд да мича.

2 Каднебӧг 29:11

Пиянӧй, энӧ весьшӧрӧ коллялӧй каднытӧ, ӧд Господь бӧрйис тіянӧс, медым ті сулалінныд Сы водзын, кесъялінныд Сылы да сотінныд висьяс».

2 Каднебӧг 6:18

Збыльысь, му вылын-ӧ Енмыслы овны йӧзыскӧд? Енэжыс да енэжвывса енэжъясыс кӧ оз вермыны тӧрӧдны Тэнӧ, дерт нин, тайӧ крамыс, кодӧс ме лэпті, оз вермы тӧрӧдны Тэнӧ.

Псалтыр 135:5

Сійӧ бур мывкыдӧн вӧчис енэжъяс, Сылӧн буралӧмыс оз помасьлы.

Псалтыр 145:3

Энӧ кутӧй лачанытӧ юралысь вылӧ, морт вылӧ, коді оз вермы мездыны.

Псалтыр 148:4

Ошкӧй Сійӧс, вылысса енэжъяс, ошкӧй Сійӧс, енэжвевтса ваяс!

Петӧм 15:11

Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.

Петӧм 18:11

Ӧні ме тӧда, мый Господь став енсьыс ыджыд, ӧд Израиль войтырӧс Сійӧ мездіс вылӧ кыпӧдчысь египетсаяслӧн кипод улысь».

Исай 66:1

Господь тадзи висьталӧ: – Енэжыс – Менам юралан пуклӧсӧй, муыс – Менам кок улӧй. Кутшӧм керка ті вӧчанныд Меным? Кӧні лоӧ Меным шойччаніныс?

Еремей 10:6

Господьӧй, Тэ кодь мӧдыс абу! Тэ – ыджыд Ен, Тэнад нимыд вына.

Езекиль 7:20

Эзысь да зарни мичмӧдчанторъясӧн найӧ ошйысисны, эзысь-зарниысь зывӧк бӧлбанъяс вӧчисны. Та вӧсна налысь донаторнысӧ Ме пежӧ бергӧда,

1 Тимофейлы 6:15

Кристослысь локтӧмсӧ ас кадӧ восьтас миянлы ошкана Ен. Сійӧ – ӧти вына Веськӧдлысь, ӧксыяслӧн Ӧксыыс да ыджыдъяслӧн Ыджыдыс.