2 Каднебӧг 18:3 - Коми Библия 2023

³ Израильса Ахав ӧксы юаліс иудаса Иосафат ӧксылысь: «Мунан-ӧ тэ мекӧд Галаадӧ Рамот кар босьтны?» Иосафат вочавидзис: «Ме муна тэ моз тышӧ. Менам тышкайӧзӧй мунасны тэнад тышкайӧзыд моз. Ме муна тэкӧд тышӧ».

2 Каднебӧг 18:3 Iomraidhean Croise

Ӧксыяслӧн 3 небӧг 22:4

Ахав ӧксы юаліс Иосафатлысь: «Мунан-ӧ тэ мекӧд тышӧ Галаадӧ Рамот кар босьтны?» Иосафат вочавидзис израильса ӧксылы: «Ме муна тэ моз тышӧ. Менам тышкайӧзӧй мунасны тэнад тышкайӧзыд моз, менам вӧвъясӧй мунасны тэнад вӧвъясыд моз».

Ӧксыяслӧн 3 небӧг 4:13

Бен-Гевер юраліс Галаад муын Рамот карын. Сы кипод улын вӧліны Галаадын Манассейсянь чужысь Яирлӧн сиктъяс, нӧшта Васанын Аргов му, стенъясӧн кытшалӧм да ыргӧн иганъяс сайын сулалысь квайтымын ыджыд кар.

Ӧксыяслӧн 4 небӧг 3:7

Сійӧ мӧдӧдіс иудаса Иосафат ӧксы дінӧ ассьыс йӧзсӧ да тшӧктіс висьтавны сылы: «Моавса ӧксы кыпӧдчис меным паныд. Мунан-ӧ тэ мекӧд тышӧ Моавлы паныд?» «Муна, – вочавидзис Иосафат. – Ме муна тэ моз тышӧ. Менам тышкайӧзӧй мунасны тэнад тышкайӧзыд моз, менам вӧвъясӧй мунасны тэнад вӧвъясыд моз».

2 Каднебӧг 18:2

Кымынкӧ во мысти Иосафат муніс Самарияӧ Ахав дінӧ. Иосафатлы да сылӧн йӧзыслы Ахав начкис уна ыжӧс да ӧшкӧс. Ахав пондіс корны Иосафатӧс уськӧдчыны галаадса Рамот кар вылӧ.

2 Каднебӧг 18:4

Иосафат нӧшта шуис израильса ӧксылы: «Но медводз юав Господьлысь, мый Сійӧ шуас».

2 Каднебӧг 19:2

Иосафат ӧксылы воча петіс Еху нима пророк, Хананилӧн пиыс, да шуис: «Мыйла тэ отсалін лёк вӧчысьлы? Мыйла тэ Господьӧс мустӧмтысьясӧс радейтан? Таысь тэнӧ суас Господьлӧн скӧрлуныс.

Ефесӧ 5:11

Энӧ ӧтувтчӧй пемыдас олысьяслӧн ковтӧм уджъясӧ, мӧдарӧ, янӧдӧй найӧс.