2 Каднебӧг 17:12 - Коми Библия 2023

¹² Иосафатлӧн юралӧмыс ёнджыка на зумыдмис. Иуда муын сійӧ лэптіс изкаръяс, лэптіс нянь да эмбур видзӧм могысь каръяс.

2 Каднебӧг 17:12 Iomraidhean Croise

1 Каднебӧг 29:25

Господь кыпӧдіс Соломонӧс став Израиль войтыр водзын да сетіс сылы сэтшӧм нималӧм, мый татшӧм нималӧмыс израильса ӧксыяслӧн эз вӧвлы.

2 Каднебӧг 17:11

Филистимсаяс вайлісны Иосафатлы козинъяс да вот пыдди эзысь, арабъяс вайлісны сылы сизим сюрс сизимсё межӧс да сизим сюрс сизимсё ай кӧзаӧс.

2 Каднебӧг 17:13

Иуда каръясын сылӧн вӧлі уна тышкасян кӧлуй, но тышкайӧзыс олісны Ерусалимын.

2 Каднебӧг 18:1

Иосафатлӧн вӧлі уна озырлун, сійӧ ёна нималіс. Сійӧ лои рӧдвужӧн Ахавлы.

2 Каднебӧг 26:10

Овтӧминын сійӧ тшӧтш вӧчис башняяс, изкыртаӧ кераліс уна вайӧртӧд, ӧд керӧсбердса муын да вывтасінын сылӧн вӧлі уна ыж-мӧс. Озей радейтіс му вӧдитӧм, та вӧсна керӧсъяс да ыбъяс вылын сылӧн йӧзыс быдтісны виноград да вӧдитісны му.

2 Каднебӧг 27:4

Иуда керӧсвыв муын сійӧ лэптіс каръяс, вӧрын кыпӧдіс изкаръяс да башняяс.

2 Каднебӧг 32:5

Езекей повтӧг босьтчис уджӧ. Сійӧ выльысь кыпӧдіс жугалӧм карса стен, сувтӧдіс стен вылӧ башняяс, карса стен ортсыладорас кыпӧдіс мӧд стен. Сійӧ зумыдмӧдіс Милло, Давид карлысь юкӧнсӧ. Сійӧ вӧчӧдіс уна сайӧд да шы.

Петӧм 1:11

Египетсаяс сувтӧдісны израильсаяслӧн удж бӧрся видзӧдысьясӧс, медым сьӧкыд уджнас топӧдны найӧс. Израильсаяс лэптісны фараонлы Питом да Рамсес каръяс, медым сэні видзны нянь. [Лэптісны тшӧтш Он кар, мӧд ногӧн кӧ, Илиополь.]