2 Каднебӧг 16:8 - Коми Библия 2023

⁸ Эфиопияса да ливияса тышкайӧзлӧн вӧлі лыдтӧм-тшӧттӧм тарантас да верзьӧма, но Господь сетіс найӧс тэнад киӧ, ӧд тэ лача кутін Господь вылӧ.

2 Каднебӧг 16:8 Iomraidhean Croise

2 Каднебӧг 12:3

Египетысь Шишаккӧд локтісны квайтымын сюрс верзьӧма да лыдтӧм-тшӧттӧм тышкайӧз Ливияысь, Эфиопияысь да сукки войтырысь. Тышкайӧзлӧн вӧлі сюрс кыксё тарантас.

2 Каднебӧг 13:16

Израильса тышкайӧз пышйисны иудаса тышкайӧзысь, но Енмыс сетіс найӧс иудаса тышкайӧзлӧн киӧ.

2 Каднебӧг 13:18

Тадзи вӧлі раммӧдӧма Израиль войтырӧс. А Иуда войтыр вӧлі вына, ӧд найӧ лача кутісны батьясныслӧн Господь Ен вылӧ.

2 Каднебӧг 14:8

Асалӧн вӧлі Иуда чужанкотырысь куимсё сюрс тышкаморт, кодъяслӧн вӧліны сайӧдъяс да шыяс. Нӧшта сылӧн вӧлі Венямин чужанкотырысь кыксё кӧкъямысдас сюрс тышкаморт, кодъяслӧн вӧліны сайӧдъяс да ньӧввужъяс. Ставныс найӧ вӧліны вына тышкасьысьяс.

2 Каднебӧг 16:7

Сэки иудаса Аса ӧксы дінӧ локтіс Ханани нима пророк да шуис сылы: «Тэ шыасин отсӧгла арамейяслӧн ӧксы дінӧ, а эн аслад Господь Ен дінӧ. Та вӧсна арамса ӧксылӧн тышкайӧзыс оз лоны тэнад кипод улынӧсь.

2 Каднебӧг 24:24

Арамейяс вӧліны этшаӧнӧсь, но Господь сетіс на киӧ уна лыда иудаса тышкайӧзӧс сыысь, мый Иуда войтыр эновтісны Господьӧс, асланыс батьяслысь Енсӧ. Тадзи арамейяс олӧмӧ пӧртісны Енлысь мыждӧмсӧ, мый вӧлі дасьтӧма Йоаслы.

Исай 18:2

Сійӧ мӧдӧдӧ йӧзсӧ саридз вывті, юсьпӧлянысь вӧчӧм пыжъясӧн ваяс вывті. Тэрыб кокаяс, нуӧй юӧр, мунӧй ён вына войтыр дінӧ, ыджыд тушаа йӧз дінӧ, кодъяслысь юрсисӧ да тошсӧ шырӧма. Тайӧ войтырсьыс быдлаын полӧны, найӧ ставнысӧ нартитӧны. Налысь мусӧ вожӧдӧны юяс.

Наум 3:9

Эфиопия да Египет вӧліны сылӧн ыджыд вынӧн, Пут да Ливия муясын олысьяс отсалісны сылы.