2 Каднебӧг 15:7 - Коми Библия 2023

⁷ Но ті лоӧй зумыдӧсь, энӧ лэдзӧй кинытӧ, ӧд уджъяссьыныд лоӧ тіянлы тырдон».

2 Каднебӧг 15:7 Iomraidhean Croise

Олӧм 15:1

Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

1 Каднебӧг 28:20

Давид шуис аслас Соломон пиыслы: «Ло зумыд да повтӧм, босьтчы уджӧ! Эн пов, эн майшась, ӧд Господь Ен, менам Енмӧй, тэкӧд. Сійӧ оз коль, оз эновт тэнӧ, но отсалас помавны Господьлысь крам вӧчан уджъяссӧ.

2 Каднебӧг 19:11

Амарей аркирей мед кывкутас Господьлы кесъялӧм вӧсна, а Измаиллӧн Зевадай пиыс, Иуда чужанкотырлӧн юралысь, мед кывкутас ӧксылы кесъялӧм вӧсна. Левитъяс мед отсасясны тіянлы. Лоӧй зумыдӧсь, кутчысьӧй уджӧ! Господь мед лоас бурсӧ вӧчыськӧд!»

2 Каднебӧг 32:7

«Лоӧй зумыдӧсь да повтӧмӧсь! Энӧ полӧй ассурса ӧксыысь, энӧ тіралӧй сылӧн уна лыда тышкайӧзысь. Сійӧ, коді миянкӧд, ыджыдджык сы дорысь, коді ассурса ӧксыкӧд.

Псалтыр 58:11

Менам Енмӧй бур сьӧлӧма ме дінӧ, Сійӧ нуӧдӧ менӧ. Енмыс сетас меным аддзыны, мый лоас менӧ мустӧмтысьяскӧд.

Еремей 31:16

Господь тадзи висьталӧ: – Дугды бӧрднытӧ, тэнад синмысь мед оз визувт синваыд, ӧд уджъяссьыд тэныд лоӧ тырдон, – висьталӧ Господь, – тэнад челядьыд бергӧдчасны вӧрӧглӧн муысь.

Даниил 10:19

Сійӧ шуис меным: «Эн пов, тэ муса Енмыслы! Лӧнь олӧм тэныд, ёнмӧдчы!» Кор сійӧ сёрнитіс мекӧд, ме вынсялі да шуи сылы: «Ыджыдӧй, водзӧ висьтав меным, тэ ӧд вынсьӧдін менӧ».

Закар 8:9

Господь Саваоф тадзи висьталӧ: лоӧй зумыдӧсь! Ӧні ті кыланныд сійӧ жӧ кывъяссӧ, мый висьтавлісны пророкъяс Господь Саваофлысь крам подувсӧ пуктігӧн.

Матвей 5:12

Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».

Матвей 5:46

Радейтанныд кӧ тіянӧс радейтысьясӧс, мыйысь удждонсӧ виччысянныд? Оз ӧмӧй тадзи вӧчны тшӧтш вот перйысьяс?

Матвей 6:1

«Видзчысьӧй, тіян бур вӧчӧмныд мед оз ло йӧз водзын петкӧдлӧм могысь. Тадзи кӧ вӧчанныд, оз ло тіянлы енэжвыв Батьныдсянь удждоныс.

Матвей 6:18

йӧзыс мед оз тӧдлыны тэнсьыд видзалӧмтӧ. Видзав аслад тыдавтӧм Батьыд водзын. Гусясӧ аддзысь Батьыд сетас тэныд аддзымӧнъя».

Матвей 6:4

Тэнад бур вӧчӧм йылысь мукӧдлы тӧднысӧ оз ков. Гусясӧ аддзысь Батьыд сетас тэныд аддзымӧнъя».

Матвей 6:6

Но тэ пыр аслад вежӧсӧ, ӧдзӧстӧ пӧдлав да кевмысь тыдавтӧм Батьыдлы. Гусясӧ аддзысь Батьыд сетас тэныд аддзымӧнъя.

Лука 6:35

Ті, мӧдарӧ, радейтӧй тіянӧс мустӧмтысьясӧс, вӧчӧй бурсӧ да водзӧсӧн сетӧй, но энӧ виччысьӧй бӧрсӧ. Сэки вичмас тіянлы ыджыд тырдон. Ті лоанныд Медвылыссалы ныв-пиӧн, ӧд Сійӧ бур сьӧлӧма бурсӧ вунӧдысьяс дінӧ да лёкъяс дінӧ.

1 Коринфӧ 15:58

Муса вокъяс, сулалӧй зумыда да вӧрзьывтӧг. Быд кадӧ кесъялӧй Господьлы сьӧлӧмсяньныд. Тӧдӧй, мый ті кесъяланныд Господьлы онӧ весьшӧрӧ.

1 Коринфӧ 16:13

Лоӧй дасьӧсь да зумыда эскӧй! Лоӧй вынаӧсь да повтӧмӧсь!

1 Коринфӧ 3:14

Кодлӧн вӧчӧмторйыс кутас зумыда сулавны, сійӧ ассьыс удждонсӧ босьтас.

1 Коринфӧ 3:8

Кӧдзысьыс да киськалысьыс ӧти удж вӧчӧны, но быдӧн на пиысь удждонсӧ уджыс серти босьтас.

Ефесӧ 6:10

Нӧшта вокъясӧй, ёнмӧдӧй асьнытӧ Господькӧд ӧтувъя олӧмас Сылӧн вермана выннас.

Колосӧ 3:24

Тӧдӧй, тіянлы вичмас Господьсянь тырдон, ӧд ті кесъяланныд Кристослы, асланыд Господьлы.

Еврейяслы 10:35

Сідзкӧ, лоӧй повтӧмӧсь! Ӧд таысь тіянлы вичмас ыджыд тырдон.

Еврейяслы 6:10

Енмыс – веськыд, Сійӧ оз вунӧд тіянлысь уджъяснытӧ да Сылӧн нимыс дінӧ муслуннытӧ. Ӧд тайӧ муслунсӧ ті петкӧдлінныд вежа войтырлы кесъялігӧн.

Нав Исус 1:6

Ло зумыд да повтӧм! Тэ юклан Израиль войтырлы мусӧ, мый Ме кыв сетӧмӧн кӧсйыси сетны налӧн батьяслы.

Нав Исус 1:7

Ло зумыд да повтӧм! Ов став Индӧдыс серти, кыдзи тшӧктіс тэныд Мӧисей, Менам кесйӧгӧй. Эн кеж Индӧдысь веськыдвылӧ ни шуйгавылӧ. Сэки тэнад ставыс артмас.

Нав Исус 1:9

Ме тшӧкта тэныд: ло зумыд да повтӧм! Эн тірав да эн пов, ӧд Господь, тэнад Енмыд, лоӧ тэкӧд быдлаын, кытчӧ тэ мунан».

Нав Исус 14:14

Кенез рӧдысь Ефуннилӧн Калев пи кывзысис Господьлысь, Израильлӧн Енлысь, та вӧсна сылы сетӧма Хеврон кар, и ӧнӧдз сійӧ Калев рӧдлӧн.

2 Иоан 1:8

Видзӧдӧй ас бӧрсяныд, медым ми эгӧ воштӧй сійӧ, мый вӧсна миян уджалӧма, но медым ми вермим босьтны удждонсӧ дзоньнас.

Руфа 2:12

Тэнад бур вӧчӧмысь мед тырвыйӧ мынтысяс тэныд Господь, Израильлӧн Ен, кодлӧн борд улӧ тэ пырин, медым аддзыны аслыд дорйӧм».