2 Каднебӧг 14:7 - Коми Библия 2023

⁷ Сійӧ шуис Иуда войтырлы: «Тайӧ каръяс гӧгӧрыс сувтӧдамӧй стенъяс да башняяс, вӧчамӧй дзиръяяс да тасъяс. Муыс миян на, ӧд ми корсим Господьӧс, ассьыным Енмӧс. Ми корсим Сійӧс, и быд боксянь Сійӧ сетіс миянлы лӧнь олӧм». Иуда войтыр лэптісны каръяс, и налӧн ставыс артмис.

2 Каднебӧг 14:7 Iomraidhean Croise

Ӧксыяслӧн 3 небӧг 15:23

Аса ӧксыалӧм дырйи мукӧд лоӧмторъяс йылысь, сылӧн тӧдчана уджъяс йылысь да сыӧн лэптӧм каръяс йылысь гижӧма иудаса ӧксыяслӧн каднебӧгӧ. Пӧрысь кадас сылӧн ёна висис кокыс.

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

2 Каднебӧг 14:4

Сійӧ тшӧктіс Иуда войтырлы корсьны Господьӧс, асланыс батьяслысь Енсӧ, да вӧчны Сылӧн Индӧдыс да тшӧктӧмъясыс серти.

2 Каднебӧг 14:6

Сійӧ воясӧ, кор Господь сетіс шойччӧг Иуда мулы, и сэні эз вӧвны тышъяс, Аса лэптіс изкаръяс.

2 Каднебӧг 15:15

Став Иуда войтыр нимкодясис тайӧ кыв сетӧмсьыс, ӧд найӧ сьӧлӧмсяньныс кыв сетісны да корсисны Господьӧс, и Сійӧ воссис налы. Господь быд боксянь сетіс налы лӧнь олӧм.

2 Каднебӧг 17:13

Иуда каръясын сылӧн вӧлі уна тышкасян кӧлуй, но тышкайӧзыс олісны Ерусалимын.

2 Каднебӧг 17:17

Венямин чужанкотырысь тышкайӧзӧн веськӧдлісны Элиад нима вына тышкасьысь, кодлӧн кипод улын вӧлі кыксё сюрс ньӧввужъя да сайӧда тышкаморт,

2 Каднебӧг 20:30

Иосафат ӧксылӧн му вылӧ пуксис лӧнь олӧм, сылӧн Енмыс быд боксянь сетіс сылы лӧньлун.

2 Каднебӧг 25:5

Амасей чукӧртіс Иудаын олысь айуловӧс, сэсся Иуда да Венямин чужанкотырысь айуловсӧ юкліс рӧдныс серти да сетіс найӧс сюрс тышкамортӧн да сё тышкамортӧн веськӧдлысьяслӧн кипод улӧ. Кызь арӧса да ыджыдджык арлыда айуловӧс арталӧм бӧрти Амасей тӧдмаліс, мый сылӧн эм куимсё сюрс морт, кодъяс вермӧны тышӧ ветлыны. Налӧн быдӧнлӧн вӧлі шы да сайӧд.

2 Каднебӧг 26:13

Налӧн веськӧдлӧм улын вӧліны куимсё сизим сюрс витсё тышкаморт, кодъяс вӧліны вына тышкасьысьяс, ӧксы вӧсна найӧ дасьӧсь вӧліны петны вӧрӧглы паныд.

2 Каднебӧг 32:5

Езекей повтӧг босьтчис уджӧ. Сійӧ выльысь кыпӧдіс жугалӧм карса стен, сувтӧдіс стен вылӧ башняяс, карса стен ортсыладорас кыпӧдіс мӧд стен. Сійӧ зумыдмӧдіс Милло, Давид карлысь юкӧнсӧ. Сійӧ вӧчӧдіс уна сайӧд да шы.

2 Каднебӧг 8:5

Нӧшта Соломон лэптіс Вылыс Бет-Хорон да Улыс Бет-Хорон изкаръяс, кыпӧдіс на гӧгӧр стенъяс, вӧчис дзиръяяс да тасъяс.

Иоан 9:4

Ӧні, лунъюгыднас, Меным колӧ вӧчны Менӧ Мӧдӧдысьлысь уджъяссӧ. Пуксяс вой, сэки некод оз вермы уджавны.

Ап. уджъяс 9:31

Став Иудея, Галилея да Самария пасьтала вичкояс олісны лӧня. Найӧ олісны Господьысь полӧмӧн да лунысь-лун ёнмисны. Вежа Лов ышӧдӧм улын вичкоясын эскысьяслӧн лыдыс содіс.

Нав Исус 23:1

Дыр кад чӧж Господь [Ен] сетіс Израиль войтырлы лӧня овны да видзис найӧс вӧрӧгысь. Кор Исус вӧлі ыджыд арлыда нин,

1 Петыр 3:12

Ӧд Господьлӧн синмыс видзӧдӧ веськыда олысьяс вылӧ, Сылӧн пельыс кылӧ налысь кевмӧмсӧ, а лёк вӧчысьяслы Господь паныд сувтӧ, медым бырӧдны найӧс му вывсьыс.