2 Каднебӧг 14:4 - Коми Библия 2023

⁴ Сійӧ тшӧктіс Иуда войтырлы корсьны Господьӧс, асланыс батьяслысь Енсӧ, да вӧчны Сылӧн Индӧдыс да тшӧктӧмъясыс серти.

2 Каднебӧг 14:4 Iomraidhean Croise

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

2 Каднебӧг 11:16

Но израильса быд чужанкотырын вӧліны сэтшӧм йӧз, кодъяс став сьӧлӧмсяньныс кесъялісны Господьлы, Израильлӧн Енлы. Левитъяс бӧрся найӧ тшӧтш мунісны Ерусалимӧ, медым вись вайны Господьлы, асланыс батьяслӧн Енлы.

2 Каднебӧг 14:3

Сійӧ бырӧдіс ылӧг енъяслы вӧчӧм висьпуктанінъяс да вись ваян мылькъяс, жугліс юрбитан изъяс да пӧрӧдіс юрбитан пуяс.

2 Каднебӧг 14:5

Иудаса став карысь сійӧ бырӧдіс вись ваян мылькъяс да тшынӧдчан висьпуктанінъяс. Аса ӧксылӧн веськӧдлан кадӧ Иуда муын овсис лӧня.

2 Каднебӧг 29:21

Мыжысь вись пыдди найӧ вайисны сизим ӧшкӧс, сизим межӧс, сизим ыжӧс да сизим ай кӧзаӧс ӧксы вӧсна, крам вӧсна да став Иуда войтырыс вӧсна. Ӧксы тшӧктіс попъяслы, Ааронсянь чужысьяслы, сотны тайӧ пемӧсъяссӧ Господьлӧн висьпуктанін вылын.

2 Каднебӧг 29:27

Езекей тшӧктіс вайны висьпуктанін вылын сотан вись. Кор попъяс пондісны вись вайны, сэки сьылысьяс пондісны сьывны Господьлы труба шы улӧ да израильса Давид ӧксылӧн кодь ворсанторъяс шы улӧ.

2 Каднебӧг 29:30

Езекей ӧксы да юралысьяс тшӧктісны левитъяслы ошкыны Господьӧс Давидлӧн да Асаф пророклӧн кывъясӧн. Левитъяс нимкодьпырысь ошкисны Господьӧс да копыртчӧмӧн юрбитісны Сылы.

2 Каднебӧг 30:12

Иуда войтыр вылын вӧлі Енлӧн киыс. Сійӧ сетіс налы ӧти сьӧлӧм, медым найӧ вӧчисны сійӧ, мый ӧксы да юралысьяс Господьлӧн кыв серти тшӧктісны вӧчны.

2 Каднебӧг 30:19

но Езекей кевмысис на вӧсна. Сійӧ шуис: «Бур сьӧлӧма Господь мед вештас мыжсӧ быдӧнлысь, коді эз сӧстӧммӧдчы вежаин йылысь индӧд серти, но став сьӧлӧмсяньыс корсьысьӧ Господь Енмӧс, аслас батьяслысь Енсӧ».

2 Каднебӧг 33:16

Сійӧ дзоньталіс Господьлысь висьпуктанінсӧ да вайис сэні бурасян да аттьӧалана висьяс. Сійӧ тшӧктіс Иуда войтырлы юрбитны Господьлы, Израильлӧн Енлы.

Неемий 13:9

Ме тшӧкті сӧстӧммӧдны видзанінъяс да бӧр пуктыны сэтчӧ Енлӧн крамлысь дозмук-кӧлуйсӧ, нянь вись да ладан.

Амос 5:4

Господь тадзи висьталӧ Израиль войтырлы: – Корсьӧй Менӧ, и ловйӧн колянныд.

Нав Исус 24:15

Но ті кӧ онӧ кӧсйӧй кесъявны Господьлы, бӧрйӧй талун, кутанныд-ӧ кесъявны енъяслы, кодъяслы батьясныд юрбитісны Ефрат ю сайын, либӧ аморейяслӧн енъяслы налӧн му вылын, кӧні ті ӧні оланныд. А ме аслам гортсакӧд кутам кесъявны Господьлы [ӧд Сійӧ вежа]».

Ӧксыяслӧн 1 небӧг 3:13

Ме шулі Илийлы, мый Ме мыжда сылысь рӧдсӧ пыр кежлӧ. Мыжда сыысь, мый сійӧ тӧдіс пияныслысь пеж вӧчӧмсӧ, но эз ӧлӧд найӧс.