2 Каднебӧг 14:3 - Коми Библия 2023

³ Сійӧ бырӧдіс ылӧг енъяслы вӧчӧм висьпуктанінъяс да вись ваян мылькъяс, жугліс юрбитан изъяс да пӧрӧдіс юрбитан пуяс.

2 Каднебӧг 14:3 Iomraidhean Croise

Олӧм 18:19

Ӧвраамӧс Ме бӧрйи висьтавны аслас пиянлы да сысянь чужысьяслы, мед ветласны Господь туйӧд, оласны веськыда да мыждасны збыльыс серти. Сэки Ме, Господь, вӧча ставсӧ, мый кӧсйыси Ӧвраамлы».

Ӧксыяслӧн 4 небӧг 18:4

Сійӧ бырӧдіс вись ваян мылькъяс, жугліс юрбитан изъяс да пӧрӧдіс юрбитан пуяс. Жугӧдіс-пазӧдіс ыргӧн змейӧс, кодӧс коркӧ вӧчліс Мӧисей. Ӧд тайӧ Нехуштан нима ыргӧн змейлы израильсаяс тайӧ кадӧдзыс пыр на сотісны висьяс.

Ӧксыяслӧн 4 небӧг 23:14

Ӧксы жугліс юрбитан изъяс, пӧрӧдіс юрбитан пуяс да тыртіс сійӧ местасӧ морт лыясӧн.

Ӧксыяслӧн 4 небӧг 23:6

Сійӧ петкӧдіс Астарта бӧлбанӧс Господьлӧн крамысь Ерусалим кар сайӧ Кедрон ковтысӧ да сотіс сэні. Сэсся пызьӧдз нырис, а пызьсӧ койыштіс шойна вылӧ.

2 Каднебӧг 14:2

Аса вӧчис аслас Господь Ен водзын бурсӧ да шогманасӧ.

2 Каднебӧг 14:4

Сійӧ тшӧктіс Иуда войтырлы корсьны Господьӧс, асланыс батьяслысь Енсӧ, да вӧчны Сылӧн Индӧдыс да тшӧктӧмъясыс серти.

2 Каднебӧг 15:17

Вись ваян мылькъяссӧ эз бырӧдны Израильысь, но та вылӧ видзӧдтӧг Асалӧн сьӧлӧмыс вӧлі йитчӧма Господькӧд став олӧм чӧжыс.

2 Каднебӧг 33:16

Сійӧ дзоньталіс Господьлысь висьпуктанінсӧ да вайис сэні бурасян да аттьӧалана висьяс. Сійӧ тшӧктіс Иуда войтырлы юрбитны Господьлы, Израильлӧн Енлы.

2 Каднебӧг 34:4

Иосейлӧн тшӧктӧм серти жуглісны Вааллысь висьпуктанінъяс да на весьтын сулалысь тшынӧдчан висьпуктанінъяс. Юрбитан пуяс пӧрӧдісны, идолъясӧс да бӧлбанъясӧс жуглісны торпыригӧдз, а торпыригъяссӧ шыблалісны сійӧ йӧзыслӧн дзебанінъяс вылӧ, кодъяс вайлісны идолъяслы вись.

Петӧм 34:13

Налысь висьпуктанінъяссӧ жуглӧй, юрбитан изъяссӧ пасьвартӧй, юрбитан пуяссӧ кералӧй [да бӧлбанъяссӧ биын сотӧй].

Левит 26:30

Вись ваян мылькъяснытӧ Ме бырӧда, тшынӧдчан висьпуктанінъястӧ жугла, шойяснытӧ шыблала жуглӧм бӧлбанъясныд вылӧ. Ті лоанныд Меным зывӧкӧсь.

Индӧд 7:25

Сотӧй налысь бӧлбанъяссӧ да энӧ ыштӧй тайӧ бӧлбанъяссӧ эжӧм зарни-эзысь вылӧ. Нинӧм энӧ босьтӧй аслыныд, медым энӧ шедӧй налькйӧ, ӧд тайӧ Господьлы, тіян Енлы, зывӧк.

Индӧд 7:5

Со мый колӧ вӧчны: жуглӧй налысь висьпуктанінъяссӧ, пасьвартӧй юрбитан изъяссӧ, кералӧй юрбитан пуяссӧ да биын сотӧй бӧлбанъяссӧ.