2 Каднебӧг 14:13 - Коми Библия 2023

¹³ Аслас тышкайӧзкӧд Аса вӧтчис на бӧрся Герар карӧдз. Эфиопияысь локтӧм йӧзыс кулісны, эз коль на пӧвстысь весиг ловъя морт, ӧд Господь Аслас тышкайӧзкӧд пасьвартіс найӧс. Иудаса тышкайӧзлы вичмис тышын зэв уна шедӧдӧмтор.

2 Каднебӧг 14:13 Iomraidhean Croise

Олӧм 10:1

Ойдлӧм бӧрын Симлӧн, Хамлӧн да Яфетлӧн, Ной пиянлӧн, чужисны ныв-пи.

Олӧм 10:19

Ханаансаяслӧн муыс вӧлі паськӧдчӧма Сидонсянь Герарлань, Газаӧдз, сэсянь водзӧ – Содомлань, Гоморалань, Адмалань да Севоимлань, Лашаӧдз.

Олӧм 20:1

Ӧвраам мӧдӧдчис лунвывлань, овмӧдчис Кадеш да Шур костӧ, а сэсся мыйтакӧ оліс Герар карын.

Олӧм 26:1

Му вылын йӧзыс Ӧвраам кадӧ моз бара кутісны тшыгъявны. Исаак мӧдӧдчис Герарӧ филистимса Авимелек ӧксы дінӧ.

Олӧм 35:5

Найӧ [петісны Сикемысь,] мӧдӧдчисны туйӧ. Матігӧгӧр каръясын олысьясӧс ыджыд полӧм босьтіс Енмысь, та вӧсна Яковлысь пиянсӧ эз вӧтӧдны.

1 Каднебӧг 12:22

Быд лун Давид дінӧ отсӧг вылӧ локтісны йӧз, и сылӧн тышкайӧзыс содіс да лои Енлӧн тышкакотыр мында.

2 Каднебӧг 12:3

Египетысь Шишаккӧд локтісны квайтымын сюрс верзьӧма да лыдтӧм-тшӧттӧм тышкайӧз Ливияысь, Эфиопияысь да сукки войтырысь. Тышкайӧзлӧн вӧлі сюрс кыксё тарантас.

2 Каднебӧг 14:14

Найӧ пасьвартісны Герар гӧгӧрысь став карсӧ, ӧд сэні олысьяс пӧвстӧ Господь ыстіс ыджыд полӧм. Иудаса тышкайӧз куштісны став тайӧ каръяссӧ да нуисны сэтысь зэв уна эмбур.

2 Каднебӧг 15:11

Сійӧ лунӧ Господьлы вись пыдди найӧ вайисны тышын шедӧдӧмаысь сизимсё ӧшкӧс да сизим сюрс ыжӧс.

2 Каднебӧг 17:10

Иуда му гӧгӧр олысь войтыръяс пӧвстӧ Господь ыстіс ыджыд полӧм, та вӧсна найӧ эз лысьтны тыш панны Иосафаткӧд.

2 Каднебӧг 20:29

Став муясын олысьяс кутісны повны Енсьыс, кор найӧ кылісны, мый Ачыс Господь тышкасис Израильлӧн вӧрӧгкӧд.

Иов 6:9

Енмыс кӧ эськӧ виис менӧ, кисӧ нюжӧдіс да олӧмӧс орӧдіс!

Иов 9:4

Енмыс – ыджыд мывкыдлуна, вынасьыс-вына, Сылы паныд кыпӧдчӧмысь мортлы бурыс оз ло.

Псалтыр 108:11

Водзӧсалысь мед бӧр босьтас сылысь ставсӧ, йӧз муысь локтысь мед мырддяс сылысь эмбурсӧ.

2 Фессалоникаӧ 1:9

Найӧс лоӧ мыждӧма пыр кежлӧ кулӧм вылӧ, торйӧдӧма Господьысь, Сылӧн дзирдлунысь да вынысь.

Нав Исус 5:14

Сійӧ вочавидзис: «Абу. Ме – Господьлӧн тышкакотырӧн веськӧдлысь. Та вӧсна ме тані». Исус кымынь уськӧдчис муас да копыртчӧмӧн юаліс: «Ыджыдӧй, мый висьталан меным, аслад кесйӧглы?»

Ӧксыяслӧн 1 небӧг 25:28

Прӧстит менӧ збойлунысь. Тэ нуӧдан Господьлысь тышъяс, та вӧсна Сійӧ зумыдмӧдас тэнсьыд рӧдтӧ, ыджыдӧй. Став олӧм чӧжыд лёкыс оз су тэнӧ.