2 Каднебӧг 13:15 - Коми Библия 2023

¹⁵ Иудаса тышкайӧз гораа горӧдісны. Налӧн горӧдӧм дырйи Енмыс пасьвартіс Еровамӧс да израильса тышкайӧзӧс Авий ӧксылӧн да Иуда войтырлӧн син водзын.

2 Каднебӧг 13:15 Iomraidhean Croise

Ӧксыяслӧн 4 небӧг 5:1

Арамса ӧксылӧн вӧлі тышкайӧзӧн веськӧдлысь, кодлӧн нимыс вӧлі Нееман. Ӧксы сійӧс пыдди пуктіс, ӧд сы пыр Господь сетіс арамейяслы унаысь вермыны. Но тайӧ вына тышкасьысьыс висис проказаӧн.

2 Каднебӧг 14:11

Аса шыасис аслас Господь Ен дінӧ: «Господьӧй, Тэ верман отсавны жеблы и выналы. Господьӧй, миян Енмӧй, отсав миянлы! Ӧд Тэ вылӧ ми лача кутам, Тэнад нимӧн ми петім тайӧ лыдтӧм-тшӧттӧм йӧзыслы паныд. Господьӧй, Тэ – миян Ен. Эн лэдз мортлы вермыны Тэнӧ».

2 Каднебӧг 14:12

Аса да иудаса тышкайӧз водзын Господь пасьвартіс эфиопияса тышкайӧзӧс, и найӧ пышйисны.

2 Каднебӧг 18:31

Кор тарантаса тышкайӧзӧн веськӧдлысьяс аддзисны Иосафатӧс, чайтісны, мый сійӧ израильса ӧксы. Найӧ кытшалісны сійӧс, медым уськӧдчыны сы вылӧ. Но Иосафат кутіс горзыны, и Господь отсаліс сылы. Енмыс ылыстіс найӧс сы дінысь.

2 Каднебӧг 20:21

Войтырыскӧд сёрнитчӧм бӧрын Иосафат индіс сьылысьясӧс, медым найӧ вежа паськӧмӧн мунісны тышкайӧз водзын да ошкисны Господьӧс тайӧ кывъяснас: Ошкӧй Господьӧс, ӧд Сылӧн буралӧмыс оз помасьлы!

2 Каднебӧг 20:22

Кор сьылысьяс пондісны нимкодясьӧмӧн гораа ошкыны Господьӧс, сэки Господь мӧдӧдіс йӧзӧс уськӧдчыны аммонсаяс, моавсаяс да Сеир керӧсвыв муын олысьяс вылӧ, кодъяс кӧсйисны уськӧдчыны Иуда вылӧ. Но Господь пасьвартіс Иудалысь вӧрӧгсӧ,

Псалтыр 47:1

Сьыланкыв. Корей пиянлӧн псалом.

Псалтыр 47:5

Ӧксыяс чукӧртчисны, медым сувтны Сионлы паныд.

Исай 37:36

Локтіс Господьлӧн анделыс да ассурса тышкайӧзлӧн чукӧртчанінын виис сё кӧкъямысдас вит сюрс мортӧс. Асывнас ловйӧн кольӧм ассурсаяс садьмисны да аддзисны, мый гӧгӧр туплясьӧны шойяс.

Нав Исус 11:8

Господь сетіс найӧс Израиль киӧ. Израильсаяс вермисны тышын да вӧтӧдісны найӧс войвылын ыджыд Сидон карӧдз да Мисрефот-Маимӧдз, а асыввылын Мицфе ковтысӧдз. Ставнысӧ виалісны. Некод ловйӧн эз коль [и эз пышйы].

Нав Исус 6:16

Карсӧ да ставсӧ, мый сэні эм, сиӧма Господьлы [Саваофлы]. Сӧмын Раавӧс, кырсалысь аньӧс, да быдӧнӧс, коді лоӧ сылӧн керкаын, ловйӧн кольӧй, ӧд сійӧ дзебис миянлысь кыйӧдчысьясӧс.

Нав Исус 6:20

Найӧ дзикӧдз бырӧдісны карсьыс став айуловсӧ и аньсӧ, томӧс и пӧрысьӧс. Бырӧдісны тшӧтш налысь ыж-мӧссӧ да осёлъяссӧ. Найӧс ставнысӧ виалісны шыпуртӧн.

Ёрдысьяс 4:15

Господь вӧчис сідзи, мый Вараклӧн шыпуртысь Сисар да сылӧн став тышкайӧзыс шӧйӧвошисны. Сисар лэччис тарантассьыс да котӧрӧн кутіс пышйыны.