2 Каднебӧг 13:13 - Коми Библия 2023

¹³ Аслас тышкайӧз пӧвстысь Еровам мӧдӧдіс кыйӧдчысьясӧс сэтшӧм местаӧ, кысянь позьӧ мышсяньыс уськӧдчыны иудаса тышкайӧз вылӧ, а ачыс мукӧд тышкайӧзыскӧд сувтіс иудаса тышкайӧзлы воча.

2 Каднебӧг 13:13 Iomraidhean Croise

Ӧксыяслӧн 3 небӧг 15:1

Израильса Еровам ӧксылӧн, Неват пилӧн, дас кӧкъямысӧд веськӧдлан воӧ Иуда муын ӧксыӧ пуксис Авий.

2 Каднебӧг 20:22

Кор сьылысьяс пондісны нимкодясьӧмӧн гораа ошкыны Господьӧс, сэки Господь мӧдӧдіс йӧзӧс уськӧдчыны аммонсаяс, моавсаяс да Сеир керӧсвыв муын олысьяс вылӧ, кодъяс кӧсйисны уськӧдчыны Иуда вылӧ. Но Господь пасьвартіс Иудалысь вӧрӧгсӧ,

Шусьӧгъяс 21:30

Господьтӧгыд мывкыдлуныс абу, вежӧрыс абу, и туйдӧдӧмыс абу.

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Нав Исус 8:4

Сійӧ тшӧктіс налы: «Мунӧй кар саяс да сувтӧй кыйӧдчыны. Лоӧй дасьӧсь!

Нав Исус 8:9

Исус тшӧктіс мунны налы. Найӧ сувтісны кыйӧдчыны Вефиль да Гай костӧ, Гайсянь рытыввылӧ. Исус тайӧ войсӧ узис тышкайӧзыс пӧвстын.