2 Каднебӧг 13:10 - Коми Библия 2023

¹⁰ Но миян Енным – Господь, ми эгӧ эновтлӧй Сійӧс. Господьлы кесъялӧны Ааронсянь чужысь попъяс, и левитъяс тшӧтш вӧчӧны ассьыныс уджнысӧ.

2 Каднебӧг 13:10 Iomraidhean Croise

2 Каднебӧг 13:11

Быд асыв да рыт найӧ вайӧны Господьлы сотан висьяс да тшынӧдӧны чӧскыд ӧвтанторъяс. Найӧ пуктӧны вежа нянь сӧстӧм пызан вылӧ да быд рыт ӧзтӧны зарни бикок вылын сулалысь би дозъяс. Ми ставсӧ вӧчам асланым Господь Енлӧн индӧд серти, а ті эновтінныд Сійӧс.

2 Каднебӧг 13:9

Господьлысь попъясӧс – Ааронсянь чужысьясӧс – да левитъясӧс ті вӧтлінныд. Мукӧд войтыръяс моз ті асьныд пуктінныд аслыныд попъясӧс. Быдӧн, коді локтӧ асьсӧ вежӧдӧм могысь да вайӧдӧ ӧшкӧс да сизим межӧс, сійӧ и лоӧ ылӧг енъяслӧн попӧн.

Неемий 13:30

Ме сӧстӧммӧді войтырӧс йӧз пежысь, сувтӧді попъясӧс да левитъясӧс кесъявны, медым быдӧн вӧчис ассьыс удж.

Закар 13:9

Тайӧ коймӧд юкӧнсӧ Ме нуӧда би пыр, сывда эзысьӧс моз, весала зарниӧс моз. Найӧ шыасясны Ме дінӧ, и Ме вочавидза налы. Шуа: «Ті – Менам войтыр», а найӧ воча шуасны: «Господь – миян Ен!»

Лыд 1:53

А левитъяс ассьыныс чомъяссӧ мед сувтӧдасны вежа чом гӧгӧр, медым Израиль войтырӧс эз су Господьлӧн скӧрлуныс. Левитъяс мед видзӧдасны вежа чом бӧрся».

Лыд 16:40

кыдзи Господь тшӧктіс Мӧисей пыр. Лямӧдӧм дозъясыс лоины Израиль пиянлы ӧлӧданпасӧн, медым Ааронсянь чужысьяс кындзи некод эз тшынӧд чӧскыд ӧвтанторъяс Господь водзын, и эз ло сідзи, кыдзи лои Корейкӧд да сылӧн йӧзыскӧд.

Нав Исус 24:17

Ӧд Господь – миян Ен. Сійӧ петкӧдіс миянӧс да батьяснымӧс Египет муысь нартитӧм улысь. Миян син водзын Сійӧ вӧчис ыджыд индысьпасъяс, видзис миянӧс ветлан туйясын, дорйис войтыръясысь, кодъяслысь мусӧ ми вуджим.