2 Каднебӧг 11:5 - Коми Библия 2023

⁵ Ровоам оліс Ерусалимын, лэптіс изкаръяс Иуда муын.

2 Каднебӧг 11:5 Iomraidhean Croise

2 Каднебӧг 11:23

Ровоам мывкыда вӧчис – овмӧдіс ассьыс пиянсӧ Иуда да Венямин муясын сулалысь изкаръясӧ. Сійӧ тӧждысис налӧн сёян-юан вӧсна да корсис налы уна гӧтыр.

2 Каднебӧг 11:6

Сійӧ кытшаліс стенмӧн Виплием, Этам, Текоя,

2 Каднебӧг 12:4

Найӧ босьтісны иудаса изкаръяс, сэсся матыстчисны Ерусалимлань.

2 Каднебӧг 14:5

Иудаса став карысь сійӧ бырӧдіс вись ваян мылькъяс да тшынӧдчан висьпуктанінъяс. Аса ӧксылӧн веськӧдлан кадӧ Иуда муын овсис лӧня.

2 Каднебӧг 16:6

Аса ӧксы вайӧдіс сэтчӧ Иуда войтырӧс. Найӧ петкӧдісны сэтысь став изсӧ да керсӧ, мыйысь Ваас вӧлі лэптӧма изкарсӧ. Тайӧ изсьыс да керсьыс Аса лэптіс Гева да Миспа изкаръяс.

2 Каднебӧг 17:12

Иосафатлӧн юралӧмыс ёнджыка на зумыдмис. Иуда муын сійӧ лэптіс изкаръяс, лэптіс нянь да эмбур видзӧм могысь каръяс.

2 Каднебӧг 17:2

Иосафат мӧдӧдіс ассьыс тышкайӧзсӧ иудаса став изкарӧ. Сійӧ сувтӧдіс тышкакотыръясӧс Иуда му пасьтала да Ефрем чужанкотырлӧн каръясӧ, тайӧ каръяссӧ босьтліс сылӧн Аса батьыс.

2 Каднебӧг 21:3

Батьыс лышкыда козьналіс налы зарни, эзысь да мукӧд дона козинъяс. Сетіс налы тшӧтш Иуда муысь изкаръяс. Но юралӧмсӧ Иосафат сетіс Иорамлы, аслас медводдза пилы.

2 Каднебӧг 26:6

Озей петіс филистимсаяслы паныд тышӧ да жугӧдіс-пазӧдіс Геф, Явне да Азот каръяслысь стенъяссӧ. Сэсся сійӧ Азот кар гӧгӧрын да мукӧдлаын Филистим муын лэптіс каръяс.

2 Каднебӧг 27:4

Иуда керӧсвыв муын сійӧ лэптіс каръяс, вӧрын кыпӧдіс изкаръяс да башняяс.

Еремей 34:7

Буретш тайӧ кадас вавилонса ӧксылӧн тышкайӧзыс кытшалісны Ерусалим, Лакиш да Азека каръяс. Иудаса став каръяс пӧвстысь сӧмын тайӧ изкаръяссӧ абу вӧлі пасьвартӧма.