2 Каднебӧг 10:16 - Коми Библия 2023

¹⁶ Кор Израиль войтыр гӧгӧрвоис, мый ӧксы оз кывзы найӧс, сэки найӧ шуисны сылы: «Миянӧс нинӧм оз йит Давидкӧд, миянлы нинӧм вӧчны Ессейлӧн пикӧд. Мунамӧй гортӧ, Израиль войтыр! Давидлӧн рӧдыс мед ачыс тӧждысяс ас вӧснаыс!» Сэсся израильсаяс разӧдчисны гортаныс.

2 Каднебӧг 10:16 Iomraidhean Croise

Ӧксыяслӧн 2 небӧг 15:13

Давид дінӧ локтіс юӧр вайысь да висьталіс, израильсаяс пӧ сувтӧмаӧсь Авессалом дор.

Ӧксыяслӧн 2 небӧг 16:11

Сэсся Авишайлы да тышкайӧзлы Давид шуис: «Менам кӧ пиӧй, аслам вир-яйсянь чужысьӧй, корсьӧ вины менӧ, мый позьӧ виччысьны Веняминлӧн писянь? Кольӧй сійӧс. Мед лёкӧдас. Сылы, буракӧ, Господь тшӧктӧма.

Ӧксыяслӧн 2 небӧг 20:1

Вензьысьяс пӧвстын вӧлі Венямин чужанкотырысь Бикрилӧн Шевей пиыс. Сійӧ вӧлі лёк морт. Шевей букӧстіс буксанӧн да горӧдіс: «Давид миянлы некод! Ессей пикӧд миянӧс нинӧм оз йит! Израиль войтыр, мунӧй быдӧн асланыд чомйӧ!»

Ӧксыяслӧн 3 небӧг 11:13

но ог ставнас. Ерусалим кар вӧсна, мый Ме бӧрйи, да Аслам Давид кесйӧгӧй вӧсна Ме коля пиыдлы ӧти чужанкотыр».

1 Каднебӧг 17:14

Ме сувтӧда сійӧс юравны Менам керкаын да юраланінын пыр кежлӧ, и сылӧн ӧксыалӧмыс лоӧ зумыд нэмъяс чӧж».

2 Каднебӧг 10:17

Ровоам лои ӧксыӧн сӧмын Иуда каръясын олысь Израиль войтырлы.

2 Каднебӧг 10:19

Сійӧ кадас Израиль торйӧдчис Давид рӧдысь, и тайӧ ӧнӧдз тадзи.

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Исай 11:1

Ессей вужсянь чужас выль петас, сылӧн вужсянь быдмас вотӧса вож.

Амос 9:11

Сійӧ лунӧ Ме выльысь сувтӧда Давидлысь киссьӧм керкасӧ. Стен потасъяссӧ Ме дзоньтала, жугласьӧминъяссӧ лӧсьӧда, выльпӧв лэпта сійӧс важ мозыс.

Лука 19:14

Ас войтырыслы тайӧ мортыс вӧлі мустӧм, та вӧсна бӧрсяньыс найӧ мӧдӧдасны юӧртысьясӧс висьтавны, огӧ пӧ кӧсйӧй, медым сійӧ вӧлі миян ӧксыӧн.

Лука 19:27

Менӧ мустӧмтысьясӧс, менам юралӧмлы паныд сувтысьясӧс вайӧдӧй татчӧ да виӧй найӧс менам син водзын”».

Иоан 6:66

Та бӧрти велӧдчысьясысь унаӧн эновтісны Сійӧс, эз нин ветлӧдлыны Сыкӧд.

Иоан 7:53

Тайӧ сёрни бӧртиыс ставныс разӧдчисны гортаныс.

Ап. уджъяс 2:30

Давид вӧлі пророкӧн. Енмыс кыв сетӧмӧн кӧсйысис Давидлы, мый пуксьӧдас сылӧн юралан пуклӧсӧ сысянь чужысьӧс – Кристосӧс. Давид тӧдіс тайӧс,

1 Коринфӧ 15:25

Кристослы шуӧма юравны сэтчӧдз, кытчӧдз Сійӧ оз пукты Аслас кок улӧ став паныд сувтысьсӧ.

Восьтӧм 22:16

«Ме, Исус, мӧдӧді Ассьым анделӧс висьтавны тайӧс тіянлы вичкоясын. Ме петі Давид чужанвужйысь да чужанкотырысь, Ме эм асъя югыд кодзулыс».

Ёрдысьяс 8:35

Гедеонлӧн, мӧд ногӧн кӧ, Еровааллӧн, котырлы найӧ эз мынтысьны бурӧн Гедеонлӧн Израильлы бур вӧчӧмысь.

Ӧксыяслӧн 1 небӧг 20:27

Мӧд луннас выль тӧлысь пасйигӧн пызан сайын Давидлӧн местаыс бара вӧлі куш. Сэки Саул юаліс Ионафан пиыслысь: «Мыйла Ессейлӧн пиыс тӧрыт ни талун абу пызан сайын?»

Ӧксыяслӧн 1 небӧг 22:13

Саул юаліс: «Мый вӧсна ті Ессей пикӧд сёрнитчинныд меным паныд? Тэ сетін сылы нянь да шыпурт, нӧшта корин Енмӧс туйдӧдны сійӧс, медым ӧні сійӧ меным паныд кыпӧдчис да тывйыштіс менӧ».

Ӧксыяслӧн 1 небӧг 22:7

Саул шуис сійӧс кытшалысь кесйӧгъяслы: «Кывзӧй, Венямин пиян. Ті чайтанныд, мый Ессей пи сетас тіянлы ставныдлы видз-му да виноград йӧръяс, пуктас ставнытӧ сюрс да сё тышкамортӧн веськӧдлыны?

Ӧксыяслӧн 1 небӧг 22:9

Эдомса Доик сулаліс Сауллӧн кесйӧгъяс пӧвстын. Сійӧ шуис: «Ме аддзылі, кыдзи Ессейлӧн пиыс воліс Новӧ Ахитувлӧн Ахимелек пи дінӧ.