1 Тимофейлы 4:12 - Коми Библия 2023

¹² Некод мед оз увтырт тэнӧ томлун вӧснаыд. Тэнад сёрниыд, оласногыд, муслуныд, сьӧлӧмыд, эскӧмыд да сӧстӧмлуныд мед лоӧ шогмана, мед эскысьяс вермисны овны тэ моз.

1 Тимофейлы 4:12 Iomraidhean Croise

Закар 2:4

да шуис: «Мун ӧдйӧджык да висьтав мурталысь том мортлы: Ерусалим гӧгӧр оз нин кутны лэптыны стен, ӧд сы мында сэні олысьыс да ыж-мӧскыс лоӧ.

Матвей 18:10

«Кывзӧй, тайӧ ичӧтъясысь весиг ӧтикӧс энӧ ӧтдортӧй. Висьтала тіянлы: енэжын налӧн анделъясныс век енэжвыв Батьлӧн чужӧмбан водзынӧсь.

1 Коринфӧ 11:1

Видзӧдӧй ме вылӧ, ӧд ме видзӧда Кристос вылӧ.

Филипӧ 4:8

Вокъяс, нӧшта кора тіянӧс: мӧвпалӧй сӧмын збыльыс, шогманаыс, веськыдыс, сӧстӧмыс, бурыс, мичаыс, ошканаыс да нимкодьыс йылысь.

1 Фессалоникаӧ 1:6

Уна сьӧкыдлун вылӧ видзӧдтӧг ті сибӧдінныд Бур Юӧрсӧ Вежа Ловсянь нимкодьлунӧн да кутінныд вӧчны миян моз да Господь моз.

1 Фессалоникаӧ 2:10

Ті тӧданныд, и Енмыс тӧдӧ, мый тіян дінын, эскысьяс пӧвстын олігӧн, ми ставсӧ вӧчим веськыда да вежавидзӧмӧн, миянӧс нинӧмысь вӧлі мыждынысӧ.

1 Тимофейлы 1:14

Миян Господь озыра тыртіс менӧ Аслас буралӧмнас. Исус Кристос пыр меным сетӧма эскӧм да муслун.

2 Тимофейлы 2:15

Тӧждысь шогмыны Енлы, аслад уджысь эн яндысь, збыльсӧ висьтав веськыда.

2 Тимофейлы 2:22

Ылыстчы томдырся ыштӧмъясысь. Господь дінӧ сьӧлӧмсяньыс шыасьысьяскӧд кутчысь веськыдлунас, эскӧмас, муслунас да лӧньлунас.

2 Тимофейлы 2:7

Вежӧрт, мый висьтала. Господь мед отсалас тэныд ставсӧ гӧгӧрвоны.

Титлы 2:15

Тадзи велӧд, ышӧд да янӧд тэныд сетӧм вынӧн. Эн сет асьтӧ некодлы увтыртны.

Титлы 2:7

Вӧч быд бурсӧ, мед мукӧдыс тэ вылӧ видзӧдӧмӧн тшӧтш велаласны татчӧ. Велӧд сӧстӧм сьӧлӧмӧн, вежавидзӧмӧн да Енлысь кывсӧ торкавтӧг.

Яков 3:13

Эм-ӧ тіян пӧвстын мывкыда да сюсь вежӧра морт? Эм кӧ, сійӧ мед петкӧдлас ассьыс мывкыдлунсӧ рам сьӧлӧмыс да бур оласногыс пыр.

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.

1 Петыр 5:3

Энӧ ыджыдалӧй Енлӧн йӧз чукӧр вылын, но асланыд оласногӧн петкӧдлӧй налы, кыдзи колӧ овны.