1 Тимофейлы 3:13 - Коми Библия 2023

¹³ Бура кесъялысьӧс вылӧ донъяласны, сійӧ повтӧг кутас висьтавлыны Исус Кристослы эскӧм йылысь.

1 Тимофейлы 3:13 Iomraidhean Croise

Матвей 20:28

Ӧд Морт Пи эз лок, медым Сылы кесъялісны. Сійӧ локтіс кесъявны да сетны Ассьыс олӧмсӧ уна вӧсна вештысьӧм могысь».

Матвей 25:21

Ыджыдыс шуас: ”Бура вӧчин. Тэ бур да эскана кесйӧг. Ичӧтторйын тэ эскана вӧлін, пукта тэнӧ кывкутны унатор вӧсна. Лок, ӧтлаын гажӧдчам-нимкодясям”.

Лука 19:17

Ӧксы шуас: ”Бура вӧчин. Тэ бур кесйӧг. Ичӧтторйын тэ эскана вӧлін, дас карӧн веськӧдлыны кутан”.

Ап. уджъяс 21:35

Содйӧд кайигӧн йӧзлӧн дзескӧдӧм вӧсна шыпуртаяслы ковмис нуны Павелӧс ки выланыс.

Ап. уджъяс 6:15

Веськӧдлан котырын пукалысьяс синсӧ вештывтӧг видзӧдісны Степан вылӧ, сылӧн чужӧмыс вӧлі анделлӧн кодь.

Ап. уджъяс 6:5

Тайӧ вӧзйӧмыс ставныслы воис сьӧлӧм вылас. Бӧрйисны Степанӧс, кодлӧн вӧлі зумыд эскӧм. Сійӧ вӧлі тырӧма Вежа Лолӧн. Нӧшта бӧрйисны Филипӧс, Прокорӧс, Никанорӧс, Тимонӧс, Парменӧс да Антиокияысь Николайӧс, коді вӧлі бергӧдчӧма иудей эскӧмӧ.

Ап. уджъяс 6:8

Степан вӧлі тырӧма Енсянь вынӧн да эскӧмӧн, сійӧ вӧчис йӧз пӧвстын ыджыд шензьӧданаторъяс.

1 Коринфӧ 16:15

Вокъяс, ті тӧданныд, мый Степан да сылӧн гортсаыс лоины Акайяын медводдза эскысьясӧн. Найӧ сетісны асьнысӧ кесъявны вежа войтырлы. Кора тіянӧс:

Филипӧ 1:14

Менам дзескыдінын пукалӧмӧй ышӧдіс уна вокӧс. Найӧ ёнджыка на повтӧг кутісны висьтавлыны Енлысь кывсӧ.

1 Фессалоникаӧ 2:2

Ті тӧданныд, мый таысь водзджык Филип карын ми уна сьӧкыд нуим, миянӧс янӧдісны да нӧйтісны. Но та вылӧ видзӧдтӧг, Ен отсӧгӧн, восьсӧн да повтӧг висьтавлім тіянлы Сылысь Бур Юӧрсӧ.

1 Тимофейлы 3:14

Лача кута, мый регыд локта тэ дінӧ. Гижа тайӧс,

2 Тимофейлы 2:1

Ёнмӧдчы, муса пиӧй, Исус Кристослӧн буралӧмнас.

Еврейяслы 6:10

Енмыс – веськыд, Сійӧ оз вунӧд тіянлысь уджъяснытӧ да Сылӧн нимыс дінӧ муслуннытӧ. Ӧд тайӧ муслунсӧ ті петкӧдлінныд вежа войтырлы кесъялігӧн.