1 Петыр 4:8 - Коми Библия 2023

⁸ Сьӧлӧмсяньныд радейтӧй ӧта-мӧднытӧ, ӧд муслуныс вевттьӧ уна мыж.

1 Петыр 4:8 Iomraidhean Croise

Шусьӧгъяс 10:12

Лӧглуныд зык-вен чужтӧ, а муслуныд вевттьӧ став мыжсӧ.

Шусьӧгъяс 12:16

Вежӧртӧм мортыд дзик пыр петкӧдлӧ скӧрмӧмсӧ, вежӧра мортыд яналӧмсӧ оз петкӧдлы.

Шусьӧгъяс 17:9

Коді радейтӧ, сійӧ вунӧдӧ сылы шуӧм лёк кывъяссӧ, коді лёксӧ казьтылӧ, сійӧ воштӧ ассьыс ёртсӧ.

Шусьӧгъяс 18:13

Усьӧм водзвылас мортыд вылӧ кыпӧдчӧ, пыдди пуктӧм водзвылас сійӧ раммӧдчӧ.

1 Коринфӧ 13:1

Ме кӧ сёрнита морт кывйӧн, весиг анделъяслӧн кывйӧн, а муслуныс кӧ ме пытшкын абу, сідзкӧ, ме троньгысь ыргӧн да брунгысь жыннян.

1 Коринфӧ 13:4

Муслуныс дыр терпитӧ, мелі сьӧлӧма, оз вежав, оз ошйысь, оз вылӧ кыпӧдчы,

Колосӧ 3:14

Медвойдӧр кутчысьӧй муслунас, ӧд муслуныс ставсӧ йитӧ да вайӧдӧ тыр-бурӧдз.

1 Фессалоникаӧ 3:12

Господь мед уна пӧв содтас ӧта-мӧдныд дінӧ да став йӧзыс дінӧ муслуннытӧ. Тіян муслунныд мед лоӧ сэтшӧм жӧ вына, кутшӧм вына тіян дінӧ миян муслунным.

2 Фессалоникаӧ 1:3

Вокъяс, миянлы быд кадӧ колӧ аттьӧавны Енсӧ тіянысь, ӧд тіян эскӧмныд лунысь-лун ёнмӧ да тіян костын ӧта-мӧд дінад муслунныд ёнджыка на содӧ.

1 Тимофейлы 1:5

Миян ӧлӧдӧмлӧн медшӧр могыс – радейтӧм. Сійӧ петӧ сӧстӧм да мыжтӧм сьӧлӧмсянь да восьса сьӧлӧмӧн эскӧмсянь.

Еврейяслы 13:1

Тіян костын мед пыр лоӧ муслун.

Яков 5:12

Вокъясӧй, медвойдӧр кора тіянӧс, энӧ сетӧй кывнытӧ ни енэж водзын, ни му водзын, ни мукӧдтор водзын. Тіян ”да”-ныд мед лоӧ сӧмын ”да”, тіян ”ог”-ныд мед лоӧ сӧмын ”ог”. Сэки тіянӧс оз мыждыны.

Яков 5:20

тӧдӧй, мый мыжа мортӧс ылӧг туй вылысь бергӧдысь мездӧ сійӧс кулӧмысь да вевттьӧ сылысь уна мыж.

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.

3 Иоан 1:2

Муса вокӧй, ме тӧда, мый ловнад тэ ён. Кевмыся, мед вир-яйнад тшӧтш вӧлін ён, да ставыс тэнад вӧлі бур.