1 Петыр 3:10 - Коми Библия 2023

¹⁰ – Кодлы муса олӧмыс, коді кӧсйӧ аддзыны шуда лунъяс, сійӧ мед видзас ассьыс кывсӧ лёк сёрниысь да вомсӧ пӧръясьӧмысь,

1 Петыр 3:10 Iomraidhean Croise

Иов 2:4

Сӧтана воча шуис Господьлы: «Аслас вир-яй вӧсна мортыд сетас ставсӧ, мый сылӧн эм.

Иов 33:28

Сійӧ мездіс менӧ гортйӧ водӧмысь, сетіс меным аддзыны югыдсӧ!»

Иов 9:25

Менам олан лунъясӧй юӧр нуысь моз котӧртӧны, лэбӧны, бурсӧ оз аддзыны,

Псалтыр 106:5

Найӧ пыкисны тшыглун да горш косьмӧм, найӧ дзикӧдз нюкыртчисны.

Псалтыр 49:19

Ассьыд вомтӧ восьтан лёк сёрни вылӧ, аслад кывйӧн гудрасян ылӧгас.

Шусьӧгъяс 3:18

Мывкыдлуныс – олӧмыслӧн пу налы, кодъяс босьтӧны сійӧс, майбырӧсь найӧ, кодъяс видзӧны сійӧс.

Шусьӧгъяс 3:2

ӧд найӧ содтасны тэнсьыд олан лунъястӧ, ваясны тэныд лӧнь олӧм.

Шусьӧгъяс 4:22

ӧд найӧс аддзысь аддзӧ олӧмсӧ, аслас вир-яйыслы – дзоньвидзалунсӧ.

Шусьӧгъяс 8:35

Менӧ аддзысь аддзӧ олӧм, сылы Господьсянь бурыс вуджӧ.

Еклесиаст 2:3

Ме шуи гажӧдны ассьым вир-яйӧс винаӧн. Ме сетчи тайӧ йӧйталӧмас, но видзи мывкыдлунӧс аслам сьӧлӧмын. Ме кӧсйи тӧдны, мый вайӧ бурсӧ мортлы, да мый сылы колӧ вӧчны енэж улас ассьыс дженьыд нэмсӧ олігӧн.

Матвей 19:17

Исус вочавидзис: «Мыйла тэ шуан Менӧ бурӧн? Некод абу бурыс, сӧмын Енмыс бур. Кӧсъян кӧ пырны помтӧм олӧмӧ, ов тшӧктӧмъяс серти».

Марк 8:35

Коді кӧсйӧ видзны ассьыс олӧмсӧ, воштас сійӧс. Ме вӧсна да Евангелльӧ вӧсна олӧмсӧ воштысь видзас сійӧс.

Иоан 1:47

Исус аддзис Сы дінӧ локтысь Нафанаилӧс да шуис сы йылысь: «Тайӧ мортыс збыльысь Израиль войтырысь, сійӧ оз ылӧдчы».

Иоан 12:25

Тэныд кӧ муса олӧмыд, воштан сійӧс. Мустӧмтан кӧ ассьыд олӧмтӧ тайӧ муюгыдас, видзан сійӧс помтӧм олӧмӧ.

Индӧд 32:47

Тіянлы тайӧ абу куш кывъяс, ӧд тайӧ кывъясас тіян олӧмныд. Кутчысянныд кӧ тайӧ Индӧдас, ті дыр кутанныд овны сійӧ муас, кытчӧ ті вуджанныд Йӧрдан ю сайӧ, медым босьтны сійӧс аслыныд».

Яков 1:26

Кодкӧ тіян пиысь кӧ лыддьӧ асьсӧ вежавидзысьӧн, но быдлаӧ вомсӧ восьтӧ, сійӧ ылӧдлӧ асьсӧ. Татшӧм мортыслӧн вежавидзӧмыс нинӧм оз сулав.

1 Петыр 2:1

Ӧвсьӧй быдсяма лёк вӧчӧмысь, ылӧдчӧмысь, вежалӧмысь да суклясьӧмысь, энӧ лоӧй кык бана шаньгаясӧн.

1 Петыр 2:22

– Мыжсӧ Сійӧ эз вӧчлы, Сійӧ некор эз пӧръясьлы.

Восьтӧм 14:5

Налӧн вомысь некор эз петавлы пӧръясян кыв, Ен пуклӧс водзын найӧ мыжтӧмӧсь.