1 Петыр 2:23 - Коми Библия 2023

²³ Сійӧс лёкӧдігӧн Сійӧ воча эз лёкӧд. Сьӧкыдсӧ нуигӧн эз кӧсйысь мынтысьны лёк вӧчӧмӧн, а ставсӧ сетіс веськыда Мыждысьлы.

1 Петыр 2:23 Iomraidhean Croise

Олӧм 18:25

Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»

Псалтыр 31:5

Но ме восьті Тэныд ассьым мыжӧс, эг дзеб ассьым лёк вӧчӧмӧс. Ме шуи: «Висьтася Господьлы аслам лёк вӧчӧмысь», и Тэ прӧститін менсьым мыжӧс.

Псалтыр 37:5

Ӧд менам мыжъясӧй юрвывтыр, сьӧкыд ноп моз найӧ личкӧны менӧ.

Псалтыр 7:11

Енмыс – менам сайӧдыс, Сійӧ мездӧ веськыд сьӧлӧмаясӧс.

Исай 53:7

Сійӧс нӧйтісны-дойдалісны, Сійӧ сьӧкыдсӧ нуис Ас кӧсйӧм сертиыс, воча эз шуась. Ыжӧс моз Сійӧс нуӧдісны начкыны, шырысь водзын чӧв олысь баля моз Сійӧ эз восьтлы Ассьыс вомсӧ.

Лука 23:41

Миянӧс веськыда мыждӧма, асланым лёк вӧчӧмъясысь, а тайӧ Мортыс лёксӧ эз вӧчлы».

Лука 23:46

Исус ыджыд шыӧн горӧдіс: «Батьӧй, Тэнад киӧ сета Ассьым лолӧс!» Тайӧс шуӧм бӧрын лолыс петіс.

Лука 23:9

Ирӧд ёна юасис Исусӧс, но Сійӧ вочакыв эз шу.

Ап. уджъяс 17:31

Ӧд Сійӧ индіс лун, кор пондас веськыда мыждыны став муюгыдсӧ водзвыв индӧм Морт пыр. Ассьыс шуӧмсӧ быдӧнлы тӧдмӧн Енмыс вынсьӧдіс, кор ловзьӧдіс Сійӧс кулӧмысь».

Ап. уджъяс 4:29

Ӧні, Господьӧй, видзӧдлы налӧн повзьӧдлӧм вылӧ, отсав Аслад кесйӧгъяслы повтӧг висьтавны Тэнсьыд кывтӧ.

Ап. уджъяс 7:59

Кор Степанӧс изъялісны, сійӧ кевмысис: «Исусӧй, Господьӧй, босьт менсьым лолӧс».

Ап. уджъяс 9:1

Савл скӧрысла пыр на пуис Господьлӧн велӧдчысьяс вылӧ, зілис бырӧдны найӧс. Сійӧ локтіс аркирей дінӧ

Римӧ 2:5

Но чорыд сьӧлӧмыд вӧсна тэ он кӧсйы бергӧдчыны мыжъяссьыд, тадзи ас вылад чукӧртан Енлысь скӧрлунсӧ. Сійӧ киссяс тэ вылӧ Скӧралан лунӧ Енмыслӧн веськыда мыждігӧн.

Ефесӧ 6:9

Ыджыдъяс, ті тшӧтш бура кутӧй асьнытӧ асланыд кесйӧгъяскӧд: энӧ лоӧй чорыдӧсь накӧд. Тӧдӧй, мый тіян вылын, и на вылын ӧти Ыджыдыс енэжас. Сійӧ оз видзӧд морт чужӧм вылӧ.

2 Фессалоникаӧ 1:5

Енмыс лыддьӧ тіянӧс шогманаясӧн пырны Аслас Юраланінӧ, ӧд дзик та понда ті нуанныд сьӧкыдсӧ. Таын тыдалӧ Енлӧн веськыдлуныс.

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.

2 Тимофейлы 4:8

Ӧні менӧ виччысьӧ веськыдлуныслӧн юркытш. Веськыда мыждысь Господь Аслас лунӧ сетас сійӧс меным да быдӧнлы, коді став сьӧлӧмнас виччысьӧ Сылысь локтӧмсӧ.

Еврейяслы 12:3

Сідзкӧ, мӧвпалӧй Сы йылысь, коді нуис сы мында лёкӧдӧм мыжа йӧзсянь, медым ті энӧ жебмӧй да ловнаныд энӧ усьӧй.

1 Петыр 3:9

Лёк вӧчӧмысь энӧ мынтысьӧй лёкӧн, омӧльтӧмысь – омӧльтӧмӧн. Мӧдарӧ, бурсиӧй, ӧд ті тӧданныд, мый та вылӧ корӧма тіянӧс. Сэки тіянлы вичмас бурсиӧмыс.

1 Петыр 4:19

Сідзкӧ, Ен кӧсйӧм серти сьӧкыдсӧ нуысьяс, сетӧй асьнытӧ дзоньнас эскана Ставсӧвӧчысьлы да водзӧ вӧчӧй бурсӧ.

Восьтӧм 19:11

Енэжыс воссис менам син водзын, и сэтысь ме аддзи еджыд вӧлӧс да сы вылын Пукалысьӧс. Сылӧн нимыс – Эскана да Збыль, Сійӧ тышкасьӧ да мыждӧ веськыда.