1 Петыр 1:21 - Коми Библия 2023

²¹ Сы пыр ті эсканныд Енмыслы, коді ловзьӧдіс Сійӧс да сетіс Сылы дзирдлунсӧ, медым ті эскинныд да лача кутінныд Енмыс вылӧ.

1 Петыр 1:21 Iomraidhean Croise

Псалтыр 42:5

Мыйла шогсян да майшасян, менам лолӧй? Лача кут Ен вылӧ! Ме кута на ошкыны Сійӧс, ассьым Енмӧс да Мездысьӧс. Ошкӧм.

Еремей 17:7

Бурсиӧма сійӧ мортсӧ, коді лача кутӧ Господь вылӧ, кодлӧн мыджӧдыс – Господь.

Матвей 28:18

Велӧдчысьяс дінӧ матыстчӧмӧн Исус шуис: «Меным сетӧма ыджыдавны енэжын да му вылын.

Иоан 12:44

Исус гораа шыасис: «Меным эскысь оз Меным эскы, а Менӧ Мӧдӧдысьлы.

Иоан 14:1

«Мед оз майшась тіян сьӧлӧмныд. Эскӧй Енлы да эскӧй Меным.

Иоан 14:6

Исус шуис сылы: «Ме эм туйыс, збыльыс да олӧмыс. Бать дінӧ позьӧ локны сӧмын Ме пыр, мӧд туйыс абу.

Иоан 17:1

Тайӧс висьталӧм бӧрын Исус видзӧдліс енэжас да шуис: «Батьӧй, воис кад восьтны Пиыдлысь дзирдлунсӧ, медым Пиыд вермис восьтны Тэнсьыд дзирдлунтӧ.

Иоан 17:24

Батьӧй, Ме кӧсъя, медым Меным сетӧмаясыд лоасны сэні, кӧні Ме лоа. Найӧ мед аддзасны Менсьым дзирдлунӧс, кодӧс Тэ сетін Меным, ӧд Ме муса вӧлі Тэныд му пуксьытӧдзыс на.

Иоан 17:5

Батьӧй, ӧні сет Меным сійӧ жӧ дзирдлунсӧ, кутшӧм вӧлі Менам дзирдлунӧй му пуксьытӧдзыс на, кор Ме вӧлі Тэкӧд.

Иоан 3:34

Кодӧс Енмыс мӧдӧдіс, Сійӧ Енлысь кывъяссӧ висьталӧ, ӧд Енмыс Сылы лышкыда Ловсӧ сетӧ.

Ап. уджъяс 2:24

Но Енмыс ловзьӧдіс Сійӧс да мездіс кулӧмыслӧн вын улысь. Кулӧмыс эз вермы Сійӧс кутны.

Ап. уджъяс 3:13

Ӧвраамлӧн, Исааклӧн да Яковлӧн Ен, миян батьяслӧн Ен, восьтіс Исус Пиыслысь дзирдлунсӧ. Ті вузалінныд да соссинныд Исусысь Пилат водзын, Пилат ӧд кӧсйис лэдзны Сійӧс.

Ап. уджъяс 3:15

Ті олӧм Сетысьӧс виинныд, но Енмыс ловзьӧдіс Сійӧс. Тайӧс ми аддзылім да висьталам та йылысь.

Ап. уджъяс 4:10

Сідзкӧ, ті да став Израиль войтыр, тӧдӧй, мый Назаретса Исус Кристос нимӧн, Сылӧн вын отсӧгӧн, тайӧ мортыс сулалӧ тіян водзын дзоньвидза. Ті тувъялінныд Исус Кристосӧс крестӧ, но Енмыс ловзьӧдіс Сійӧс.

Римӧ 10:9

Ӧд вомнад кӧ висьталан Исусӧс Господьӧн да сьӧлӧмнад кӧ эскан, мый Енмыс ловзьӧдіс Сійӧс кулӧмысь, мездман.

Римӧ 4:24

тшӧтш миян йылысь. Ен шуас веськыда олысьясӧн тшӧтш миянӧс, эскам кӧ Сылы, Исус Господьнымӧс Ловзьӧдысьлы.

2 Коринфӧ 6:15

Вермас ӧмӧй воны ӧти кывйӧ Кристос Велиаркӧд? Мый вермас йитны эскысьӧс эскытӧмкӧд?

Ефесӧ 1:15

Ме кывлі став вежа войтыр дінӧ муслунныд йылысь да Исус Кристослы эскӧмныд йылысь.

Колосӧ 1:27

Енмыс кӧсйис, мед найӧ тӧдісны дзирдлуныслысь гусяторсӧ, мый воссьӧ став войтыръяслы. А гусяторйыс сыын, мый Кристос тіян пытшкын, локтана дзирдлуныс вылӧ лачаныд.

1 Тимофейлы 1:1

Гижӧ Павел, Исус Кристослӧн апостол. Миянӧс мездысь Ен да Господь Исус Кристос, код вылӧ ми лача кутам, индісны менӧ апостолӧн.

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.

Еврейяслы 2:9

Но ми аддзам Исусӧс, кодӧс дженьыд кад кежлӧ вӧлі улӧджык пуктӧма анделъяс дорысь. Енлӧн буралӧмыс вӧсна Сійӧ куліс став йӧзыс понда. Тайӧ сьӧкыда кулӧм вӧснаыс Исусӧс ӧні мичмӧдӧма дзирдлунӧн да нимӧдӧмӧн.

Еврейяслы 6:1

Сідзкӧ, огӧ кольччӧй Кристослӧн велӧдӧмын медводдза воськовъясас, но кутам быдмыны-верстяммыны тыр арлыдаӧдз. Миянлы абу нин колана выльысь велӧдны тіянӧс лёк уджъясысь бергӧдчӧм да Енлы эскӧм йылысь,

Еврейяслы 7:25

Та вӧсна Сійӧ дзикӧдз вермӧ мездыны найӧс, кодъяс Сы пыр локтӧны Ен дінӧ. Сійӧ помтӧг олӧ, медым кевмысьны на вӧсна.

1 Петыр 1:11

Найӧ кӧсйисны тӧдмавны, кутшӧм кад вылӧ да мый вылӧ индіс на пытшкын олысь Кристослӧн Лолыс, кор Сійӧ водзвыв висьтавліс Кристослӧн сьӧкыдалӧмыс да Сійӧс виччысяна дзирдлуныс йылысь.

1 Петыр 1:3

Ошкӧм Енлы, миян Господь Исус Кристослӧн Батьлы. Ыджыд буралӧмыс вӧсна Исус Кристосӧс ловзьӧдӧм пыр Енмыс сетіс миянлы выль олӧм. Та вӧсна ми кутам ловъя лача

1 Петыр 3:22

Сійӧ кыпӧдчис енэжас да пукалӧ Ен веськыдладорын, Сылысь кывзысьӧны анделъяс, енэжвыв ыджыдалысьяс да вынъяс.