1 Коринфӧ 7:5 - Коми Библия 2023

⁵ Энӧ ылыстчӧй ӧта-мӧдсьыныд, а ылыстчанныд кӧ, вӧчӧй тайӧс сёрнитчӧмӧн, сӧмын кутшӧмкӧ кад кежлӧ, медым сэки ёнджыка на верминныд видзавны да кевмысьны. Сэсся бӧр ӧтлаын лоӧй, медым сӧтана эз ыштӧд тіянӧс кутчысьтӧм вӧснаныд.

1 Коринфӧ 7:5 Iomraidhean Croise

Петӧм 19:15

Мӧисей шуис войтырыслы: «Дасьтысьӧй коймӧд лун кежлӧ, гӧтырныдкӧд энӧ узьӧй».

Петӧм 21:10

Ыджыдыс кӧ босьтас аслыс мӧд гӧтырӧс, воддза гӧтырсӧ сылы сідзжӧ колӧ вердны, пасьтӧдны да сыкӧд узьлыны.

Йоиль 2:16

Чукӧртӧй войтырӧс, вежӧдӧй чукӧртчӧмаясӧс, корӧй пӧрысьясӧс, вайӧдӧй челядьӧс, вайӧй пузчужӧм кагаясӧс. Верӧспу мед эновтас узьлан жырсӧ, гӧтырпу мед петас аслас шойччан вежӧсысь.

Закар 7:3

да юавны пророкъяслысь да Господь Саваоф крамын кесъялысь попъяслысь, колӧ-ӧ миянлы витӧд тӧлысьнас видзалӧмӧн пасйыны бӧрдан лун, кыдзи уна во чӧж нин ми вӧчам.

Матвей 17:21

Видзавтӧг да кевмысьтӧг татшӧм пеж ловъяссӧ вӧтлыны онӧ вермӧй».

Матвей 19:11

Исус шуис: «Оз быдӧн вермы тадзи овнысӧ, сӧмын кодлы тайӧс сетӧма.

Матвей 4:10

Исус шуис сылы: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

1 Коринфӧ 7:4

Абу гӧтыр аслас вир-яй вылын ыджыдыс, а верӧс. Абу верӧс аслас вир-яй вылын ыджыдыс, а гӧтыр.

1 Фессалоникаӧ 3:5

Та вӧсна ме эг нин вермы виччысьнысӧ, а мӧдӧді тіян дінӧ Тимофейӧс, медым тӧдмавны тіян эскӧмныд йылысь, эз-ӧ ылӧдлы тіянӧс омӧльыс, эз-ӧ ло весьшӧрӧ миян уджным.