1 Коринфӧ 2:1 - Коми Библия 2023

¹ Вокъяс, кор ме волі тіян дінӧ висьтавны Енсянь юӧр, сэки сёрниті тіянкӧд эг мича да мывкыд кывъясӧн.

1 Коринфӧ 2:1 Iomraidhean Croise

Петӧм 4:10

«Ыджыдӧй, – шыасис Мӧисей Господь дінӧ, – ме абу кыв-вора и некор татшӧмнас эг вӧв. Весиг ӧні, кор Тэ сёрнитан мекӧд, Аслад кесйӧгкӧд, ме сьӧкыда да мыкталӧмӧн сёрнита».

Исай 8:20

Шыасьӧй менам велӧдӧмӧй да гижӧдӧй дінӧ. Коді висьталӧ мӧд нога, оз тайӧ кывйыс серти, сылы аскиа луныс оз ло.

Ап. уджъяс 20:21

Висьталі иудейяслы и грекъяслы, мед бергӧдчасны мыжъяссьыныс Ен дінӧ да эскасны миян Господь Исус Кристослы.

Ап. уджъяс 22:18

да аддзи Господьӧс. Сійӧ шуис, тэрмасьӧмӧн пӧ пет Ерусалимысь, тані пӧ оз сибӧдны Ме йылысь тэнсьыд висьталӧмтӧ.

Римӧ 16:18

Татшӧм йӧзыс кесъялӧны оз Исус Кристос Господьнымлы, но асланыс рушкулы. Мича сёрнинас найӧ кокньыда ылӧдлӧны восьса сьӧлӧмаясӧс.

1 Коринфӧ 1:17

Кристос ӧд мӧдӧдіс менӧ эз пыртны, а висьтавлыны Бур Юӧрсӧ. Тайӧ Юӧрсӧ ме висьтала ог мывкыд кывъясӧн, медым Кристослӧн крестыс эз вошты ассьыс вынсӧ.

1 Коринфӧ 1:6

Кристос йылысь висьталӧмыс зумыда вужъясис тіян сьӧлӧмӧ,

1 Коринфӧ 2:13

Ми висьталам та йылысь огӧ асланым мывкыдлунсянь, огӧ ас кывъясӧн, а Вежа Ловсянь сетӧм кывъясӧн. Ловсянь висьталӧмсӧ ми гӧгӧрвоӧдам Лов отсӧгӧн.

1 Коринфӧ 2:4

Ме висьтавлі тіянлы да сёрниті тіянкӧд эг аслам мывкыдлунсянь, эг эскӧдан кывъясӧн, но менам кывъясын вӧлі Ловлӧн выныс.

1 Коринфӧ 2:7

Ми висьталам Енлӧн гуся мывкыдлуныс йылысь, кодӧс быдӧнысь вӧлі дзебӧма. Но олӧм пуксьытӧдзыс на Енмыс вӧлі мӧвпыштӧма, мый Сылӧн мывкыдлуныс ваяс миянлы дзирдлун.

2 Коринфӧ 10:10

Кодсюрӧ шуӧны, мый гижӧдъясам ме чорыд да вына, а на дінын ме жеб, и сёрниӧй менам вынтӧм.

2 Коринфӧ 11:6

Гашкӧ, ме ог сяммы мичаа сёрнитны, но тӧдӧмлунӧй менам тырмымӧн. Тайӧс ме петкӧдлі тіянлы унаысь да уна ногӧн.

2 Фессалоникаӧ 1:10

Тайӧ лоӧ сійӧ лунӧ, кор Господь локтас. Сэки Сылӧн став вежа войтырыс кутас ошкыны Господьӧс да став эскысьыс кутас шензьыны Сы вылӧ. Ті тшӧтш лоанныд на лыдын, ӧд ті эскинныд миян висьталӧмӧ.

1 Тимофейлы 1:11

Тадзи висьталӧ ошкана Енлӧн дзирдлун йылысь Бур Юӧрыс, и тайӧ Юӧрсӧ висьтавлыны Енмыс мӧдӧдіс менӧ.

2 Тимофейлы 1:8

Сідзкӧ, эн яндысь висьтавлыны Господьным йылысь. Эн яндысь и меысь, Кристос вӧсна дзескыдінӧ йӧртӧмаысь. Мӧдарӧ, Ен вынӧн тэ тшӧтш ну Бур Юӧр вӧсна сьӧкыдсӧ.

1 Иоан 4:14

Батьыс мӧдӧдіс Писӧ мездыны муюгыдсӧ. Ми ас синмӧн аддзылім тайӧс, и ӧні висьталам та йылысь.

Восьтӧм 1:2

Ӧні Иоан аслас висьталӧмӧн эскӧдӧ Енлысь кывсӧ, Исус Кристослысь висьталӧмсӧ да ставсӧ, мый аддзыліс.

Восьтӧм 1:9

Ме, Иоан, тіян вокныд, тіянкӧд ӧтвыв нуа сьӧкыдсӧ. Тіянлы моз меным тшӧтш вичмӧ Енлӧн Юралӧмыс да Исус Кристоссянь зумыдлуныс. Ен кыв вӧсна да Исус Кристос йылысь висьталӧм вӧсна ме вӧлі Патмос ді вылын.

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».