1 Коринфӧ 16:11 - Коми Библия 2023

¹¹ Энӧ увтыртӧй сійӧс! Отсалӧй сылы лӧнь сьӧлӧмӧн бӧр локны ме дінӧ. Тані мукӧд вокъяскӧд ме виччыся сійӧс.

1 Коринфӧ 16:11 Iomraidhean Croise

Лука 10:16

Тіянӧс кывзысь Менӧ кывзӧ, тіянӧс ӧтдортысь Менӧ ӧтдортӧ, а Менӧ ӧтдортысь ӧтдортӧ Менӧ Мӧдӧдысьӧс».

Ап. уджъяс 15:3

Вичкосянь мӧдӧдӧмаяс, Финикияті да Самарияті мунігӧн, висьтавлісны Ен дінӧ ентӧдтӧмъяслӧн бергӧдчӧм йылысь. Тайӧ юӧрсӧ кылӧмысь сэтчӧс вокъяс ставныс ёна нимкодясисны.

Ап. уджъяс 15:33

Мыйтакӧ кад олыштӧм бӧрын вокъяс бӧр мӧдӧдісны найӧс лӧнь сьӧлӧмӧн апостолъяс дінӧ.

1 Коринфӧ 16:10

Локтас кӧ тіян дінӧ Тимофей, тӧждысьӧй сы вӧсна, медым сылы нинӧмысь эз ковмы майшасьны, ӧд сійӧ ме моз кесъялӧ Господьлы.

1 Коринфӧ 16:6

Гашкӧ, мыйтакӧ олышта тіян дінын, гашкӧ, тӧвъя весиг. Сэсся водзӧ менӧ мӧдӧданныд.

2 Коринфӧ 1:16

Ме ӧд кӧсйи кежавны тіян дінӧ Македонияӧ мунігӧн да нӧшта бӧрсӧ локтігӧн. Сэсся ті эськӧ водзӧ мӧдӧдінныд менӧ Иудеяӧ.

1 Фессалоникаӧ 4:8

Сідзкӧ, тайӧ тшӧктӧмсӧ ӧтдортысь оз мортӧс ӧтдорт, а Енсӧ, коді сетіс миянлы Ассьыс Вежа Ловсӧ.

1 Тимофейлы 4:12

Некод мед оз увтырт тэнӧ томлун вӧснаыд. Тэнад сёрниыд, оласногыд, муслуныд, сьӧлӧмыд, эскӧмыд да сӧстӧмлуныд мед лоӧ шогмана, мед эскысьяс вермисны овны тэ моз.

Титлы 2:15

Тадзи велӧд, ышӧд да янӧд тэныд сетӧм вынӧн. Эн сет асьтӧ некодлы увтыртны.

3 Иоан 1:6

Вичко водзын вокъяс висьталісны тэнад муслуныд йылысь. Бур лоӧ, тэ кӧ Енмыслы колана ногӧн дасьтан да мӧдӧдан найӧс.