1 Каднебӧг 9:31 - Коми Библия 2023

³¹ Маттитай нима левитӧс, Корей рӧдысь Шаллумлысь медводдза писӧ, вӧлі индӧма кывкутны нянь пӧжалӧм вӧсна.

1 Каднебӧг 9:31 Iomraidhean Croise

Олӧм 19:3

Лот ёна корис, и найӧ мунісны сыкӧд. Лот дасьтіс сёян, пӧжаліс шомтӧм нянь да вердіс найӧс.

1 Каднебӧг 23:29

Найӧ кывкутісны вежа нянь вӧсна, нянь вись пыдди ваян шобді пызь вӧсна, шомтӧм сӧчӧнъяс, пӧжалӧм нянь да шомӧс вӧсна, тшӧтш ставсӧ мурталӧм-веситӧм вӧсна.

1 Каднебӧг 9:17

Крам дзиръя видзысьяс пӧвстысь Ерусалимын олісны Шаллум, Аккув, Талмон, Ахиман да налӧн рӧдвужыс. Налӧн веськӧдлысьнас вӧлі Шаллум.

1 Каднебӧг 9:19

Шаллум вӧлі Корелӧн пи, Коре – Эвиасафлӧн, Эвиасаф – Корейлӧн. Шаллум да сылӧн бать рӧдысь вокъясыс кесъялісны-видзисны вежаинлысь пыранінсӧ. Налӧн батьясныс видзисны Господь войтырлӧн чомъяс сулаланінӧ пыранінсӧ.

1 Каднебӧг 9:22

Кыксё дас кык мортӧс вӧлі бӧрйӧма видзны вежаинлысь пыранінсӧ. Найӧс вӧлі лыддьӧдлӧма чужанвуж гижӧдын сиктъясныс серти. Давид да Самуил пророк индісны найӧс тайӧ кывкутана уджыс вылӧ,

1 Каднебӧг 9:26

Нёль левит, кодъяс кывкутісны дзиръя видзысьяслӧн удж вӧсна, тӧждысисны Ен крамлӧн вежӧсъяс да озырлун видзанінъяс вӧсна.

Левит 2:5

Кӧрт лист вылын пӧжалан нянь висьсӧ дасьтӧй выйӧн гудралӧм шобді пызьысь шоммӧдтӧг.

Левит 2:7

Нянь вись пыдди кӧ ваянныд рачын пӧжалӧм нянь, дасьтӧй сійӧс шобді пызьысь олив вый сорӧн.

Левит 6:14

«Нянь вись йылысь индӧдыс татшӧм. Нянь висьсӧ мед ваясны [попъяс] Ааронсянь чужысьяс висьпуктанін дорӧ Господь водзӧ.

Левит 6:21

Тайӧ пызьысь колӧ вый сорӧн кӧтны нянь да пӧжавны выялӧм кӧрт лист вылын. Пӧжалӧм няньсӧ колӧ нянь вись моз чегъявны торпыригӧдз да вайны Господьлы чӧскыда ӧвтан вись пыдди.