1 Каднебӧг 9:13 - Коми Библия 2023

¹³ Ерусалимын олісны тшӧтш налӧн чужанкотырысь рӧдкутысьяс. Ставнас – сюрс сизимсё квайтымын морт, кодъяс вермисны кесъявны Енлӧн крамын.

1 Каднебӧг 9:13 Iomraidhean Croise

1 Каднебӧг 26:30

Хеврон рӧдысь Хашавий да сылӧн вокъясыс вӧліны кужысь йӧз, налӧн лыдыс вӧлі сюрс сизимсё морт. Найӧс индісны Йӧрдан ю рытыввылын олысь израильсаяс пӧвстын кывкутны Господьлы кесъялӧм вӧсна да ӧксылӧн юралӧм вӧсна.

1 Каднебӧг 26:32

Сэні олісны кык сюрс сизимсё кужысь морт, найӧ вӧліны рӧдкутысьяс. Давид индіс найӧс кывкутны Енлы кесъялӧм вӧсна да ӧксылӧн юралӧм вӧсна Рувимсянь да Гадсянь чужысьяс пӧвстын да Манассейлӧн джын чужанкотырыс пӧвстын.

1 Каднебӧг 26:6

Овед-Эдом Шемайлӧн чужисны пиян. Найӧ вӧліны рӧдкутысьяс, ӧд найӧ вӧліны кужысь йӧз.

1 Каднебӧг 9:12

Ерусалимын олісны тшӧтш Адай да Маасай попъяс. Адай вӧлі Ерохамлӧн пи, Ерохам – Пашхурлӧн, Пашхур – Малкийлӧн. Маасай вӧлі Адиэллӧн пи, Адиэл – Яхзерлӧн, Яхзер – Мешулламлӧн, Мешуллам – Мешиллемотлӧн, Мешиллемот – Иммерлӧн.

1 Каднебӧг 9:14

Левитъяс пӧвстысь Ерусалимын олісны Шемай, Бакбакар, Хереш, Галал, Маттанай, Авдий да Берек. Шемай вӧлі Хашшувлӧн пи, Хашшув – Азрикамлӧн, Азрикам – Хашавийлӧн, Хашавий – Мерарилӧн пи. Маттанай вӧлі Микалӧн пи, Мика – Зикрилӧн, Зикри – Асафлӧн. Авдий вӧлі Шемайлӧн пи, Шемай – Галаллӧн, Галал – Едутунлӧн. Берек вӧлі Асалӧн пи, Аса – Элканлӧн, коді оліс нетофасаяслӧн сиктъясын.

Неемий 11:14

Амашсай рӧдын вӧлі сё кызь кӧкъямыс тышкаморт, медбуръясыс. Налӧн веськӧдлысьнас вӧлі Гедолимлӧн Завдиэл пиыс.