1 Каднебӧг 7:29 - Коми Библия 2023

²⁹ Манассей чужанкотырлӧн кипод улын вӧліны Бет-Шеан, Танак, Мегиддо да Дор каръяс да нагӧгӧрса сиктъяс. Тайӧ кар-сиктъясас олісны Израильлӧн Ӧсип писянь чужысьяс.

1 Каднебӧг 7:29 Iomraidhean Croise

Ӧксыяслӧн 3 небӧг 4:12

Ахилудлӧн Баан пиыс юраліс Танакын, Мегиддоын да Бет-Шеан гӧгӧр муын, мый Цартан кар дорын Изреельысь улынджык. Сы кипод улын нӧшта вӧлі муыс Бет-Шеансянь Авел-Мехолаӧдз да Иокмеам кар сайӧдз.

Ӧксыяслӧн 3 небӧг 9:15

Медым лэптыны Господьлы крам, аслыс ӧксы керка, Милло, Ерусалим стенъяс, Хацор, Мегиддо да Гезер каръяс, Соломон ӧксы уджӧдіс йӧзӧс, кодъяс уджалӧмнас мынтісны вот.

Ӧксыяслӧн 4 небӧг 23:29

Иосейлӧн ӧксыалігӧн Неко фараон, египетса ӧксы, мӧдӧдчис Ефрат ю дорӧ ассурса ӧксылы отсӧг вылӧ. Иосей ӧксы петіс фараонлы паныд тышӧ, но Мегиддо кар дорын фараон виис сійӧс.

Ӧксыяслӧн 4 небӧг 9:27

Иудаса Ахазий ӧксы кор аддзис Иорамлысь кулӧмсӧ, уськӧдчис пышйыны Бет-Хагганлань. Еху вӧтчис сы бӧрся аслас йӧзлы горзӧмӧн: «Виӧй тшӧтш сійӧс тарантасас!» Ахазийӧс дойдісны Ивлеам кар дорын Гур керӧсын. Но сійӧ воӧдчис на Мегиддо карӧдз, и сэні куліс.

2 Каднебӧг 35:22

Но Иосей дасьтысис тыш кежлӧ, эз бӧрыньтчы. Сійӧ эз кывзы Неколысь Енсянь висьталӧм кывъяссӧ, и Мегиддо ковтысын паніс тыш.

Закар 12:11

Сійӧ лунӧ Ерусалимын кутас кывны гораа ырзӧм-бӧрдӧм, сэтшӧм бӧрдӧм, кутшӧмӧс кывлісны Хадад-Риммонын Мегиддо ковтысын.

Восьтӧм 16:16

Пеж ловъяс чукӧртісны мувывса ӧксыясӧс ӧти местаӧ. Тайӧ местаыс еврей ногӧн шусьӧ Армагеддон.

Ёрдысьяс 5:19

Ӧксыяс локтісны вермасьны, Танакын, мегиддоса ваяс дорын, тышкасисны, но ханаанса ӧксыяслы эзысь эз вичмы.

Ӧксыяслӧн 1 небӧг 31:10

Сауллысь тышкасянторъяссӧ пуктісны Астарталы юрбитанінӧ, а шойсӧ ӧшӧдісны Бет-Шеан карса стен бердӧ.