1 Каднебӧг 6:31 - Коми Библия 2023

³¹ Давид индіс сьылысь-кесъялысьясӧс, кор Господьлӧн вежаинӧ вӧлі вайӧма Йитӧд кудсӧ.

1 Каднебӧг 6:31 Iomraidhean Croise

Ӧксыяслӧн 2 небӧг 6:17

Господьлысь кудсӧ вайисны да пуктісны аслас местаӧ, Давидӧн сувтӧдӧм чом шӧрӧ. Та бӧрын Давид вайис Господьлы сотан да бурасян висьяс.

1 Каднебӧг 15:1

Давидлӧн карын Давид вӧчис аслыс керкаяс, дасьтіс Енлӧн кудлы места да вӧчис чом, медым кудсӧ пуктыны сэтчӧ.

1 Каднебӧг 15:25

Тадзи Давид, израильса юрнуӧдысьяс да сюрс тышкамортӧн веськӧдлысьяс нимкодясьӧмӧн мунісны, медым Господьлысь Йитӧд кудсӧ вайны Овед-Эдомлӧн керкаысь.

1 Каднебӧг 15:27

Давид вӧлі пасьтасьӧма вӧсни шабдіысь кыӧм ризаӧ, тадзи жӧ вӧлі пасьтасьӧмаӧсь Енлысь кудсӧ нуысь левитъяс, сьылысьяс да Кенаний – сьылысьясӧн да ворсысьясӧн веськӧдлысь. Давид вылын нӧшта вӧлі шабді ефод.

1 Каднебӧг 6:30

Уззайлӧн – Шимей, Шимейлӧн – Хаггий, Хаггийлӧн – Асай.

1 Каднебӧг 6:32

Кытчӧдз Соломон эз вӧч Ерусалимын Господьлысь крамсӧ, найӧ сьылісны-кесъялісны вежа чом водзын. Найӧ кесъялісны сідзи, кыдзи налы вӧлі тшӧктӧма вӧчны.

1 Каднебӧг 9:33

Левий рӧдысь сьылысьяс, кодъяс вӧліны рӧдкутысьясӧн, олісны крам вежӧсъясын. Мукӧд уджсӧ найӧ эз вӧчны, ӧд найӧ лун и вой сьылісны-кесъялісны крамын.

Ездра 3:10

Кор Господьлӧн крамлы подувсӧ вӧлі пуктӧма, сувтӧдісны попъясӧс кесъялан паськӧмӧн да трубаясӧн, Асаф рӧдысь левитъясӧс – кимвалъясӧн, медым ошкыны Господьӧс, кыдзи коркӧ тшӧктыліс Давид, Израильлӧн ӧксы.

Езекиль 40:44

Пытшкӧс йӧрын, пыранінъяс сайын, вӧліны сьылысьяслы ӧти вежӧса керкаяс. Ӧти керкаыс вӧлі войвыв пыранін бердын, и сылӧн ӧдзӧсыс видзӧдіс лунвывлань. Мӧд керкаыс вӧлі лунвыв пыранін бердын, и сылӧн ӧдзӧсыс видзӧдіс войвывлань.