1 Каднебӧг 28:11 - Коми Библия 2023

¹¹ Давид сетіс аслас Соломон пиыслы серпасъяс, мый серти колӧ вӧлі вӧчны крам посводз да дзоньнас крамсӧ, озырлун видзанінъяс, вылысса жыръяс, вежӧсъяс да Ен куд видзан вежаин.

1 Каднебӧг 28:11 Iomraidhean Croise

Ӧксыяслӧн 3 небӧг 6:10

Крам гӧгӧрыс вӧчис вит гырддза судта жыръяс. Жыръясыс йитчисны крамыскӧд сус пу керъясӧн.

Ӧксыяслӧн 3 небӧг 6:3

Крамлӧн посводзыс пасьтанас вӧлі ӧткодь крам пасьтаыскӧд – кызь гырддза. Посводзыс петыштіс крамсьыс дас гырддзаӧн водзӧджык.

1 Каднебӧг 28:12

Сетіс став серпас-баласӧ, мый дасьтіс-лӧсьӧдіс Лов нуӧдӧм улын: Господьлӧн крам йӧрлысь да сыгӧгӧрса вежӧсъяслысь серпассӧ, Енлӧн крам видзанінлысь да вежа козин видзанінлысь серпассӧ.

1 Каднебӧг 28:19

«Став тайӧ тшӧктӧмъяссӧ крам вӧчӧм йылысь ме тӧдмалі Господьсянь да гижи найӧс», – висьталіс Давид.

2 Каднебӧг 5:7

Попъяс пыртісны Господьлысь Йитӧд кудсӧ крамлӧн пыді вежӧсӧ – Вежасьыс-вежаинӧ – да пуктісны сійӧс индӧм местаӧ херувимъяслӧн бордъяс улӧ.

Неемий 13:5

Эльяшив торйӧдіс Товилы ыджыд жыр, кӧні водзынсӧ видзлӧмаӧсь нянь вись, ладан, дозмук-кӧлуй, попъяслы вайӧмторъяс, тшӧтш няньлысь, виналысь да выйлысь дасӧд юкӧнсӧ, мый Индӧд серти вӧлі сетӧны левитъяслы, сьылысьяслы да дзиръя видзысьяслы.

Петӧм 25:40

Ставсӧ вӧч дзик сідзи, кыдзи вӧлі петкӧдлӧма тэныд керӧс вылын».

Петӧм 25:9

Вежа чомсӧ да сэтчӧ колана дозмук-кӧлуйсӧ вӧчӧй сідзи, кыдзи Ме петкӧдла тэныд».

Петӧм 26:30

Вежа чомсӧ сувтӧд, кыдзи петкӧдлӧма вӧлі тэныд керӧс вылын.

Еремей 35:2

«Мун Рекав рӧд дінӧ, сёрнит накӧд да вайӧд найӧс Господьлӧн крамӧ. Сэні кутшӧмкӧ вежӧсын сет налы юны вина».

Езекиль 40:15

Пыранінлӧн ӧдзӧссянь йӧрӧ петан ӧдзӧсӧдз вӧлі ветымын гырддза.

Лука 21:1

Исус видзӧдліс да аддзис, кыдзи озыръяс пуктісны сьӧм чукӧртан кудйӧ вайӧмторъяс.

Еврейяслы 8:5

Найӧ кесъялӧны крамын, мый вӧчӧма енэжвывсаӧс моз. Крамыс – енэжвывсаыслӧн вуджӧрыс. Мувывса вежа чомсӧ вӧчтӧдз на Енмыс висьталіс Мӧисейлы: «Ставсӧ вӧч дзик сідзи, кыдзи вӧлі петкӧдлӧма тэныд керӧс вылын».