1 Каднебӧг 26:26 - Коми Библия 2023

²⁶ Шеломот да сылӧн вокъясыс видзисны крам видзанінӧ вайӧм вежа козинъяс. Тайӧ козинъяссӧ Енлы вежӧдісны-торйӧдісны Давид ӧксы, рӧдкутысьяс, тышкайӧзлӧн юралысьяс да веськӧдлысьяс.

1 Каднебӧг 26:26 Iomraidhean Croise

Ӧксыяслӧн 2 небӧг 8:11

Давид ӧксы вежӧдіс-торйӧдіс найӧс Господьлы. Нӧшта вежӧдіс мукӧд пасьвартӧм войтыръяслысь босьтӧм эзысь да зарни.

1 Каднебӧг 18:11

Давид ӧксы вежӧдіс-торйӧдіс найӧс Господьлы. Нӧшта сиис Господьлы мукӧд войтыръяслысь босьтӧм эзысь да зарни. Эзысь-зарнисӧ сійӧ босьтіс эдом, моав, аммон, филистим да амалик войтыръяслысь.

1 Каднебӧг 22:14

Сьӧкыдлунъяс вылӧ видзӧдтӧг ме дасьті Господьлысь крамсӧ вӧчӧм вылӧ сё сюрс талант зарни да миллион талант эзысь, а ыргӧнсӧ да кӧртсӧ ме дасьті сы мында, мый веситнысӧ он вермы. Ме дасьті керъяс да изъяс, но тэ чукӧрт нӧшта на унджык.

1 Каднебӧг 26:25

Гершомлӧн вӧлі Элизер нима вок. Элизерлӧн вӧлі Рехавий нима пи, Рехавийлӧн – Исай, Исайлӧн – Иорам, Иорамлӧн – Зикри, Зикрилӧн – Шеломот.

1 Каднебӧг 26:27

Тышын шедӧдӧм озырлунысь юкӧн найӧ вежӧдісны Господьлысь крамсӧ дзоньталӧм вылӧ.

1 Каднебӧг 28:21

Попъяс да левитъяс дасьӧсь вӧчны быдпӧлӧс уджсӧ Енлӧн крамын. Тэнад эм йӧз, кодъяс кӧсйӧны да кужӧны вӧчны быдтор. А юралысьяс да став войтырыс кутасны кывзыны став тэнсьыд тшӧктӧмъястӧ».

1 Каднебӧг 9:14

Левитъяс пӧвстысь Ерусалимын олісны Шемай, Бакбакар, Хереш, Галал, Маттанай, Авдий да Берек. Шемай вӧлі Хашшувлӧн пи, Хашшув – Азрикамлӧн, Азрикам – Хашавийлӧн, Хашавий – Мерарилӧн пи. Маттанай вӧлі Микалӧн пи, Мика – Зикрилӧн, Зикри – Асафлӧн. Авдий вӧлі Шемайлӧн пи, Шемай – Галаллӧн, Галал – Едутунлӧн. Берек вӧлі Асалӧн пи, Аса – Элканлӧн, коді оліс нетофасаяслӧн сиктъясын.

2 Каднебӧг 23:8

Левитъяс да Иуда войтыр ставсӧ вӧчисны сідзи, кыдзи тшӧктіс Иодай поп. Быд веськӧдлысь чукӧртіс ассьыс йӧзсӧ – найӧс, кодъяслы колӧ вӧлі кесъявны крамын шойччан лунӧ, и найӧс, кодъясӧс колӧ вӧлі вежны кесъялӧм бӧртиныс. Иодай поп некодӧс эз лэдз мунны гортас.

2 Каднебӧг 31:2

Езекей ӧксы индіс попъяслӧн да левитъяслӧн быд котырлы вӧчны ассьыс удж: вайны сотан да бурасян висьяс, сьывны-ошкыны да кесъявны Господьлӧн крамӧ пыранін дорын.

Ездра 2:42

Дзиръя видзысьяслӧн лыдыс вӧлі сё комын ӧкмыс морт. Найӧ вӧліны Шаллум, Атер, Талмон, Аккув, Хатит да Шовай рӧдъясысь.

Неемий 12:45

кодъяс тӧждысисны сӧстӧммӧдчӧм да асланыс Енлы кесъялӧм вӧсна. Тшӧтш нимкодясисны сьылысьяс да дзиръя видзысьяс вӧсна, кодъяс кесъялісны Давидлӧн да Соломон пиыслӧн тшӧктӧм серти.