1 Каднебӧг 25:6 - Коми Библия 2023

⁶ Пияннас веськӧдліс налӧн батьныс. Господьлӧн крамын кесъялӧм дырйи найӧ сьылісны-ворсісны кимвалӧн, арфаӧн да гуслиӧн ӧксылӧн тшӧктӧм серти. Найӧ сьылісны-ворсісны Асафлӧн, Едутунлӧн да Еманлӧн веськӧдлӧм улын.

1 Каднебӧг 25:6 Iomraidhean Croise

Ӧксыяслӧн 2 небӧг 6:5

Та дырйи Давид да Израиль войтыр Господь водзын нимкодясьӧмӧн йӧктісны да ворсісны кипарисысь вӧчӧм ворсанторъясӧн – гуслиӧн, арфаӧн, тимпанӧн, сярганӧн да кимвалӧн.

Ӧксыяслӧн 3 небӧг 10:12

Гӧрд пуысь ӧксы тшӧктіс вӧчны Господьлӧн крамӧ да аслас ӧксы керкаӧ поскӧд каян кутчысянін, сьылысьяслы гусли да арфа. Та мында гӧрд пусӧ таӧдз и та бӧрти эз вайлыны.

1 Каднебӧг 15:16

Левитъяслӧн веськӧдлысьяслы Давид тшӧктіс сувтӧдны левитъяс пӧвстысь сьылысьясӧс, нӧшта арфаӧн, гуслиӧн да кимвалӧн ворсысьясӧс, медым найӧ гораа да нимкодясьӧмӧн сьылісны-ворсісны.

1 Каднебӧг 15:19

Еман, Асаф да Этан гораа ворсісны ыргӧн кимвалъяс вылын,

1 Каднебӧг 15:22

Кенаний веськӧдліс сьылысь-ворсысь левитъясӧн, ӧд сылӧн вӧлі та вылӧ сямлун.

1 Каднебӧг 23:5

Нёль сюрс мортӧс вӧлі индӧма видзны крам дзиръяяс, нёль сюрс мортӧс – ворсанторъясӧн ошкыны Господьӧс. Та могысь и Давид тшӧктіс вӧчны ворсанторъяссӧ.

2 Каднебӧг 20:28

Арфа, гусли да труба ворсан шы улӧ найӧ локтісны Ерусалимӧ да пырисны Господьлӧн крамӧ.

2 Каднебӧг 23:13

Сэні аддзис, мый крамӧ пыранінын джуджыд пос вылын сулалӧ ӧксы. Сыкӧд орччӧн сулалісны тышкайӧзӧн веськӧдлысьяс да трубаӧн ворсысьяс. Став войтырыс нимкодясис, сьылысьяс ворсісны да сьылісны ошкана сьыланкывъяс. Сэки Аталия косяліс ассьыс паськӧмсӧ да горӧдіс: «Вузалісны! Менӧ вузалісны!»

2 Каднебӧг 29:13

Элицафан рӧдысь Шимри да Евэл, Асаф рӧдысь Закар да Маттанай,

2 Каднебӧг 29:25

Ӧксы тшӧктіс левитъяслы сулавны Господьлӧн крамын да ворсны кимвалӧн, арфаӧн да гуслиӧн, кыдзи тшӧктылісны вӧчны Давид ӧксы, сылӧн Гад нима пророк да Нафан пророк. Тайӧ тшӧктӧмыс вӧлі Господьсянь Сылӧн пророкъяс пыр.

Неемий 11:17

Ерусалимын олісны тшӧтш Маттанай, Бакбук да Авдай. Маттанай вӧлі сьылысь котырын ошкӧм-кевмысьӧм дырйи шылад босьталысьӧн. Сійӧ вӧлі Микейлӧн пи, Микей – Завдийлӧн, Завдий – Асафлӧн. Бакбук вӧлі сьылысь котырын шылад мӧд босьталысьӧн. Авдай вӧлі Шаммуйлӧн пи, Шаммуй – Галаллӧн, Галал – Едутунлӧн.

Неемий 12:24

Левитъясӧн веськӧдлысьяснас вӧліны Хашавий, Шеревий, Кадмиэллӧн Исус пиыс да налӧн вокъяс, кодъяс вежласьӧмӧн сьылісны ошкана да аттьӧалана сьыланъяс Енлӧн морт Давидлӧн лӧсьӧдӧм серти.

Неемий 12:46

Важысянь нин, Давид да Асаф дырйи на, сьылысьяслы вӧлі пуктӧма веськӧдлысьясӧс да лӧсьӧдӧма Енмӧс ошкана-аттьӧалана сьыланъяс.

Псалтыр 68:25

Кисьт на вылӧ Ассьыд скӧрлунтӧ, Тэнад скӧралан биыд мед ньылыштас найӧс.

Ефесӧ 5:19

Сьылӧй ӧтвылысь псаломъяс, ошкана сьыланкывъяс да бурсьылӧмъяс. Сьылӧй Господьлы да ошкӧй Сійӧс став сьӧлӧмсяньныд.

Колосӧ 3:16

Кристослӧн кывйыс мед озыра овмӧдчас тіян пытшкӧ. Мывкыда велӧдӧй-туйдӧдӧй ӧта-мӧднытӧ. Господьӧс аттьӧалӧмӧн сьӧлӧмсяньныд сьылӧй псаломъяс, ошкана сьыланкывъяс да бурсьылӧмъяс.