1 Каднебӧг 25:1 - Коми Библия 2023

¹ Давид да тышкайӧзӧн веськӧдлысьяс торйӧдісны кесъялӧм вылӧ Асафлысь, Еманлысь да Едутунлысь пиянсӧ, медым найӧ Енмӧс ошкӧмӧн ворсісны гуслиӧн, арфаӧн да кимвалӧн. Кесъявны индӧм йӧзлӧн нимъясныс татшӧмӧсь:

1 Каднебӧг 25:1 Iomraidhean Croise

Ӧксыяслӧн 3 небӧг 10:12

Гӧрд пуысь ӧксы тшӧктіс вӧчны Господьлӧн крамӧ да аслас ӧксы керкаӧ поскӧд каян кутчысянін, сьылысьяслы гусли да арфа. Та мында гӧрд пусӧ таӧдз и та бӧрти эз вайлыны.

Ӧксыяслӧн 4 небӧг 3:15

Сэсся Елисей тшӧктіс вайӧдны гуслиӧн ворсысьӧс. Сылӧн ворсігӧн Господьлӧн вына киыс инмӧдчис Елисей дінӧ.

1 Каднебӧг 12:28

нӧшта Садок, том да вына тышкаморт, да сылӧн батьыслӧн рӧдысь кызь кык тышкайӧзӧн веськӧдлысь.

1 Каднебӧг 13:8

Та дырйи Давид да Израиль войтыр Ен водзын нимкодясьӧмӧн йӧктісны, сьылісны, ворсісны гуслиӧн, арфаӧн, тимпанӧн, кимвалӧн да трубаӧн.

1 Каднебӧг 15:28

Тадзи буксан да труба шы улӧ гораа нимкодясьӧмӧн, кимвалӧн, арфаӧн да гуслиӧн ворсӧмӧн став Израиль войтыр вуджӧдіс Господьлысь Йитӧд кудсӧ.

1 Каднебӧг 23:2

Давид чукӧртіс Израиль войтырлысь юралысьяссӧ, попъясӧс да левитъясӧс.

1 Каднебӧг 25:2

Асафлӧн пиянысь вӧліны Заккур, Ӧсип, Нетаний да Асарел. Наӧн веськӧдліс ачыс Асаф. Сійӧ ошкис Енмӧс ӧксылӧн туйдӧдӧм серти.

1 Каднебӧг 25:3

Едутунлӧн пиянысь вӧліны Гедалий, Цери, Исай, Шимей, Хашавий да Маттитай. Ставнас – квайт морт. Наӧн веськӧдліс налӧн Едутун батьыс, коді ворсіс гуслиӧн да ошкис-аттьӧаліс Господьӧс.

1 Каднебӧг 25:9

Медводз мойвиис кесъявны Асаф рӧдысь Ӧсиплы. Мӧдӧн вӧлі Гедалий вокъясыскӧд да пияныскӧд, дас кык морт,

1 Каднебӧг 6:16

Левийлӧн вӧліны Гирсон, Кааф да Мерари пиян.

1 Каднебӧг 6:33

Со, тайӧ сьылысь-кесъялысьясыс да насянь чужысьяс: Кааф рӧдысь вӧлі Еман нима сьылысь. Сылӧн батьыс вӧлі Йоиль, Йоильлӧн батьыс – Самуил,

1 Каднебӧг 6:39

Еманлӧн веськыдладорас сьыліс-кесъяліс Асаф. Асафлӧн батьыс вӧлі Берек, Береклӧн – Шимей,

1 Каднебӧг 6:44

Еманлӧн шуйгаладорас сьыліс-кесъяліс Мерари рӧдысь Этан. Этанлӧн батьыс вӧлі Киший, Кишийлӧн – Авди, Авдилӧн – Маллук,

1 Каднебӧг 9:33

Левий рӧдысь сьылысьяс, кодъяс вӧліны рӧдкутысьясӧн, олісны крам вежӧсъясын. Мукӧд уджсӧ найӧ эз вӧчны, ӧд найӧ лун и вой сьылісны-кесъялісны крамын.

2 Каднебӧг 23:1

Квайт во мысти Иодай поп повтӧг кӧрталіс йитӧд тышкайӧзӧн веськӧдлысьяскӧд: Ерохамлӧн Азарий пикӧд, Иохананлӧн Измаил пикӧд, Овидлӧн Азарий пикӧд, Адайлӧн Маасей пикӧд да Зикрилӧн Элишафат пикӧд.

2 Каднебӧг 23:13

Сэні аддзис, мый крамӧ пыранінын джуджыд пос вылын сулалӧ ӧксы. Сыкӧд орччӧн сулалісны тышкайӧзӧн веськӧдлысьяс да трубаӧн ворсысьяс. Став войтырыс нимкодясис, сьылысьяс ворсісны да сьылісны ошкана сьыланкывъяс. Сэки Аталия косяліс ассьыс паськӧмсӧ да горӧдіс: «Вузалісны! Менӧ вузалісны!»

2 Каднебӧг 23:18

Иодай индіс попъясӧс да левитъясӧс тӧждысьны Господьлӧн крам вӧсна [да тшӧктіс, кодлы кор кесъявны]. Мӧисейлӧн Индӧд серти Давид вӧлі индӧма найӧс вайны крамын сотан висьяс Господьлы, тайӧс колӧ вӧлі вӧчны сьылӧмӧн-нимкодясьӧмӧн.

2 Каднебӧг 23:9

Тышкайӧзӧн веськӧдлысьяслы Иодай поп сетіс Енлӧн крамысь шыяс да сайӧдъяс, кодъяс коркӧ вӧліны Давид ӧксылӧн.

2 Каднебӧг 29:13

Элицафан рӧдысь Шимри да Евэл, Асаф рӧдысь Закар да Маттанай,

2 Каднебӧг 29:14

Еман рӧдысь Ехиэл да Шимей, Едутун рӧдысь Шемай да Узиэл.

2 Каднебӧг 31:2

Езекей ӧксы индіс попъяслӧн да левитъяслӧн быд котырлы вӧчны ассьыс удж: вайны сотан да бурасян висьяс, сьывны-ошкыны да кесъявны Господьлӧн крамӧ пыранін дорын.

2 Каднебӧг 34:12

Крам дзоньталысьяс сьӧлӧмсяньныс вӧчисны ассьыныс уджнысӧ. Наӧн веськӧдлыны вӧлі индӧма левитъясӧс – Мерари рӧдысь Яхатӧс да Овадийӧс, Кааф рӧдысь Закарӧс да Мешулламӧс. Левитъяс, кодъяс кужисны ворсны, асланыс ворсан шы улӧ

2 Каднебӧг 35:15

Давид ӧксылӧн да сылӧн Асаф, Еман да Едутун пророкъяслӧн тшӧктӧм серти сьылысьяс, Асафсянь чужысьяс, сулалісны асланыс местаын. Быд дзиръя дорын сулалісны дзиръя видзысьяс. Сьылысьяслӧн да дзиръя видзысьяслӧн вокъясыс, левитъяс, дасьтісны налы ыджыдлунся баляӧс, та вӧсна налы эз вӧв колана мунны асланыс кесъяланінысь.

2 Каднебӧг 5:12

сьылысь-ворсысь левитъяс – Асаф, Еман, Едутун, налӧн пиянныс да вокъясныс – ставныс сулалісны висьпуктанін асывладорын. На вылын вӧлі вӧсни шабді дӧраысь паськӧм. Найӧ ворсісны кимвалӧн, арфаӧн да гуслиӧн. Накӧд орччӧн сё кызь поп тутсісны трубаясӧ.

2 Каднебӧг 8:14

Давид батьыслӧн тшӧктӧм серти Соломон индіс кесъявны поп котыръясӧс, индіс тшӧтш левитъясӧс быд лун кежлӧ вӧчны ассьыныс уджнысӧ – ошкыны Господьӧс да отсасьны попъяслы. Нӧшта Соломон сувтӧдаліс быд дзиръя дорӧ крам видзысьясӧс. Тадзи вӧчны тшӧктіс сылы Енлӧн морт Давид.

Ездра 2:41

Сьылысьяслӧн лыдыс вӧлі сё кызь кӧкъямыс морт. Найӧ вӧліны Асаф рӧдысь.

Ездра 6:18

Мӧисей небӧгын тшӧктӧм серти поп котыръясӧс да левит чукӧръясӧс индісны кесъявны Енлы Ерусалимын.

Неемий 11:17

Ерусалимын олісны тшӧтш Маттанай, Бакбук да Авдай. Маттанай вӧлі сьылысь котырын ошкӧм-кевмысьӧм дырйи шылад босьталысьӧн. Сійӧ вӧлі Микейлӧн пи, Микей – Завдийлӧн, Завдий – Асафлӧн. Бакбук вӧлі сьылысь котырын шылад мӧд босьталысьӧн. Авдай вӧлі Шаммуйлӧн пи, Шаммуй – Галаллӧн, Галал – Едутунлӧн.

Неемий 12:24

Левитъясӧн веськӧдлысьяснас вӧліны Хашавий, Шеревий, Кадмиэллӧн Исус пиыс да налӧн вокъяс, кодъяс вежласьӧмӧн сьылісны ошкана да аттьӧалана сьыланъяс Енлӧн морт Давидлӧн лӧсьӧдӧм серти.

Неемий 12:27

Ерусалимса стенъяс вежӧдігкежлӧ быдлаысь корисны левитъясӧс Ерусалимӧ, медым аттьӧалӧмӧн да сьылӧмӧн, кимвалӧн, арфаӧн да гуслиӧн ворсӧмӧн нимкодя пасйыны вежӧдӧм.

Псалтыр 81:2

«Ті онӧ веськыда мыждӧй, ті доръянныд лёк вӧчысьясӧс!

Псалтыр 81:3

Дорйӧй гӧльясӧс да батьтӧм-мамтӧмъясӧс, веськыда мыждӧй увтыртӧмаясӧс да коньӧръясӧс.

Езекиль 40:44

Пытшкӧс йӧрын, пыранінъяс сайын, вӧліны сьылысьяслы ӧти вежӧса керкаяс. Ӧти керкаыс вӧлі войвыв пыранін бердын, и сылӧн ӧдзӧсыс видзӧдіс лунвывлань. Мӧд керкаыс вӧлі лунвыв пыранін бердын, и сылӧн ӧдзӧсыс видзӧдіс войвывлань.

Ӧксыяслӧн 1 небӧг 10:5

Та бӧрти тэ воан Енлӧн керӧс вылӧ, кӧні сулалӧны филистимса тышкайӧз [асланыс юралысьяскӧд]. Карас пыригад тэ паныдасян вись ваян мыльк вылысь лэччысь пророкъяскӧд. Ставныс найӧ пророкалӧны, а на водзвылын мунӧны арфаӧн, тимпанӧн, пӧлянӧн да гуслиӧн ворсысьяс.