1 Каднебӧг 23:30 - Коми Библия 2023

³⁰ Быд асыв да рыт налы колӧ вӧлі аттьӧавны-ошкыны Господьӧс.

1 Каднебӧг 23:30 Iomraidhean Croise

1 Каднебӧг 23:29

Найӧ кывкутісны вежа нянь вӧсна, нянь вись пыдди ваян шобді пызь вӧсна, шомтӧм сӧчӧнъяс, пӧжалӧм нянь да шомӧс вӧсна, тшӧтш ставсӧ мурталӧм-веситӧм вӧсна.

1 Каднебӧг 23:31

Налы колӧ вӧлі пыр вайны Господьлы сотан висьяс шойччан лунӧ, выль тӧлысь чужигӧн да гажӧдчан лунъяс дырйи. Быд пӧрйӧ Ен водзын колӧ вӧлі кесъявны сы мында левитлы, мыйта вӧлі шуӧма.

1 Каднебӧг 23:5

Нёль сюрс мортӧс вӧлі индӧма видзны крам дзиръяяс, нёль сюрс мортӧс – ворсанторъясӧн ошкыны Господьӧс. Та могысь и Давид тшӧктіс вӧчны ворсанторъяссӧ.

1 Каднебӧг 9:27

Видзысьясыс коллялісны войсӧ Енлӧн крам дорын, медым видзны крамсӧ. Асывнас найӧ восьтлісны дзиръяяссӧ.

1 Каднебӧг 9:33

Левий рӧдысь сьылысьяс, кодъяс вӧліны рӧдкутысьясӧн, олісны крам вежӧсъясын. Мукӧд уджсӧ найӧ эз вӧчны, ӧд найӧ лун и вой сьылісны-кесъялісны крамын.

2 Каднебӧг 31:2

Езекей ӧксы индіс попъяслӧн да левитъяслӧн быд котырлы вӧчны ассьыс удж: вайны сотан да бурасян висьяс, сьывны-ошкыны да кесъявны Господьлӧн крамӧ пыранін дорын.

Восьтӧм 14:3

Сё нелямын нёль сюрс морт, кодъясӧс ньӧбӧма му вывсьыс, сьылісны выль сьыланкыв юралан пуклӧс водзын, нёль ловъя олысь да юрнуӧдысьяс водзын. Наысь кындзи некод эз куж сьывны сійӧс.